ಮನುಷ್ಯನಷ್ಟೇ ಪ್ರಾಣಿಗಳಿಗೂ ಮಾನವೀಯತೆ ಇದೆ ಎಂದು ಎಲ್ಲರಿಗೂ ತಿಳಿದಿರೋ ವಿಷಯ. ಅನ್ನ ಹಾಕಿದ ಮಾಲೀಕನನ್ನು ಮನುಷ್ಯರಾದರೂ ಮರೆಯಬಹುದು. ಆದರೆ ಪ್ರಾಣಿಗಳು ಖಂಡಿತಾ ಇಲ್ಲ. ಇದಕ್ಕೆ ಉದಾಹರಣೆಯಾಗಿ ವೈದ್ಯರೊಬ್ಬರ ಮುದ್ದಿನ ಗಿಳಿಯೊಂದು ಕಾಣೆಯಾಗಿದೆ. ತಾವು ಸಾಕಿದ ಮಕ್ಕಳನ್ನೇ ಕಳಕೊಂಡಷ್ಟು ನೋವನ್ನು ಈ ಮನೆ ಮಂದಿ ಅನುಭವಿಸುತ್ತಿದ್ದಾರೆ.
ಈ ಗಿಳಿಯನ್ನು ಹುಡುಕಲು ತುಂಬಾ ಪ್ರಯತ್ನ ಮಾಡಲಾಗಿದೆ. ಆದರೆ ಸಿಕ್ಕಿಲ್ಲ. ಹಾಗಾಗಿ ಈ ವೈದ್ಯರು ಗಿಳಿಯನ್ನು ಹುಡುಕಿಕೊಟ್ಟವರಿಗೆ ಒಂದು ಲಕ್ಷ ಬಹುಮಾನ ನೀಡಲಾಗುವುದು ಎಂದು ಬಹುಮಾನ ಘೋಷಿಸಿದ್ದಾರೆ.
ಈ ಗಿಳಿ ಕಾಣೆಯಾಗಿರುವುದು ರಾಜಸ್ಥಾನದ ಸಿಕಾರ್ ನಲ್ಲಿ. ಈ ನಗರದ ವೈದ್ಯ ವಿ.ಕೆ.ಜೈನ್ ಅವರು ಸುಮಾರು ಎರಡು ವರ್ಷಗಳ ಹಿಂದೆ 80 ಸಾವಿರ ರೂಪಾಯಿಗೆ ಗಿಳಿಯನ್ನು ಖರೀದಿಸಿದ್ದಾರೆ.
ಅದು ಮನುಷ್ಯರಂತೆ ಮಾತನಾಡುತ್ತದೆ. ಆದರೆ ಇದ್ದಕ್ಕಿದ್ದಂತೆ ಮೂರು ದಿನಗಳ ಹಿಂದೆ ಗಿಳಿ ಹಣ್ಣು ತಿನ್ನುವಾಗ ಹಾರಿಹೋಗಿದೆ. ಆ ನಂತರ ಮರಳಿ ಬಂದಿಲ್ಲ. ಈ ಬಗ್ಗೆ ಮಾತನಾಡಿದ ವೈದ್ಯ ಡಾ.ವಿ.ಕೆ.ಜೈನ್, ‘ ಎರಡು ವರ್ಷಗಳ ಹಿಂದೆ ಆಫ್ರಿಕನ್ ಗ್ರೇ ಬಣ್ಣದ ಎರಡು ಜೋಡಿ ಗಿಳಿಗಳನ್ನು 80 ಸಾವಿರಕ್ಕೆ ಖರೀದಿ ಮಾಡಿದ್ದೆ. ಕೊಕೊ ಎಂದು ಹೆಸರಿಟ್ಟಿದ್ದೆವು. ಈ ಎರಡು ವರ್ಷದಲ್ಲಿ ಕೊಕೊ ಮನೆಯ ಸದಸ್ಯನಂತೆಯೇ ಇದೆ. ಈಗ ಅದು ಇಲ್ಲದೇ ಇರುವುದು ನಮ್ಮ ಮನೆಮಂದಿಗೆಲ್ಲ ಹತಾಶೆ ಮೂಡಿದೆ ಎಂದಿದ್ದಾರೆ.
ಈ ಗಿಳಿ ಒಂದು ಸಾವಿರಕ್ಕೂ ಹೆಚ್ಚು ಪದಗಳನ್ನು ಮಾತನಾಡುತ್ತದೆ. ಎಲ್ಲರೊಂದಿಗೂ ಮಾತನಾಡುತ್ತಿದ್ದು, ಏನಾದರೂ ಕೇಳಿದರೂ ಉತ್ತರಿಸುತ್ತಿತ್ತು. ನಮ್ಮ ಮನೆಯಲ್ಲಿ ಮಗ ಸೊಸೆ, ಮಗಳು ಜೊತೆಗೆ ಹೆಂಡತಿ ಎಲ್ಲರೂ ತೀವ್ರ ದುಃಖದಲ್ಲಿದ್ದಾರೆ ಎಂದು ವೈದ್ಯರು ಹೇಳಿದ್ದಾರೆ.
