Korean Beauty Tips: ಕೊರಿಯನ್ ಸುಂದರಿಯ ಅಂದ, ಚಂದದ ರಹಸ್ಯ ಬಯಲು- ಅಬ್ಬಬ್ಬಾ ಈ ಪರಿ ಸುಂದರವಾಗಿರಲು ಇದೇ ಕಾರಣವೇ?!

Korean Beauty Tips: ತ್ವಚೆಯ ಸೌಂದರ್ಯವನ್ನು ಕಾಪಾಡಲು ಇತರ ದೇಶಗಳು ಅನುಸರಿಸುವ ಕೆಲವು ಪ್ರಮುಖ ಸಲಹೆಗಳನ್ನು ನಾವು ಅನುಸರಿಸಿದರೆ ಉತ್ತಮ. ಅದರಲ್ಲೂ ಮುಖದ ಅಂದ ವನ್ನು ಕಾಪಾಡುವಲ್ಲಿ ಕೊರಿಯನ್ನರು ಎತ್ತಿದ ಕೈ ಎಂದರೆ ತಪ್ಪಾಗಲಾರದು. ಹೌದು, ಯಾಕೆಂದರೆ ಕೊರಿಯನ್ನರ ಗಾಜಿನಂತೆ ಹೊಳೆಯುವ ನಯವಾದ ಚರ್ಮ ನೋಡಿದಾಗ ಖುಷಿ ಅನಿಸುತ್ತದೆ​. ಕೊರಿಯನ್ನರ ಮುಖದಲ್ಲಿ ಒಂದು ಕಲೆ ಇರುವುದಿಲ್ಲ, ಚರ್ಮ ಸುಕ್ಕುಗಟ್ಟಿರುವುದಿಲ್ಲ, ಒರಟು ಒರಟಾಗಿ ಇರುವುದಿಲ್ಲ. ಆದ್ರೆ ಇವರ ಈ ಮುಖದ ಹೊಳಪಿನ ಗುಟ್ಟೇನು (Korean Beauty Tips)ಅನ್ನೋದು ನೀವು ಕೂಡಾ ತಿಳಿಯಿರಿ.

ಅಕ್ಕಿ ನೀರಿನ ಮಾಸ್ಕ್​​:
ಅಕ್ಕಿ ನೀರು ಕೊರಿಯನ್ ಸೌಂದರ್ಯದ ಬಹುದೊಡ್ಡ ರಹಸ್ಯವಾಗಿದೆ. ಕುದಿಯುವ ನೀರಿಗೆ ಒಂದು ಕಪ್ ಅಕ್ಕಿ ಸೇರಿಸಿ ಮತ್ತು ಗುಳ್ಳೆಗಳು ಕಾಣಿಸಿಕೊಳ್ಳಲು ಪ್ರಾರಂಭಿಸಿದ ನಂತರ ಅದನ್ನು ಆಫ್ ಮಾಡಿ. ಅದನ್ನು ತಣ್ಣಗಾಗಿಸಿ ಮತ್ತು 1-2 ದಿನಗಳವರೆಗೆ ಬಿಡಿ. ಈ ನೀರನ್ನು ಮುಖಕ್ಕೆ ಸ್ಪ್ರೇ ಮಾಡಿ.

ನಿಂಬೆ ಮತ್ತು ಸ್ಟ್ರಾಬೆರಿ ಫೇಸ್ ಮಾಸ್ಕ್:
ಒಂದು ಬೌಲ್ ನಲ್ಲಿ ಒಂದೆರಡು ಸ್ಟ್ರಾಬೆರಿಯನ್ನು ಕೈಯಲ್ಲಿ ಹಿಸುಕಿ, 3 ಹನಿ ನಿಂಬೆ ರಸವನ್ನು ಬೆರಸಿ, ಅದಕ್ಕೆ 1 ಚಮಚ ಮೊಸರನ್ನು ಕಲಸಿ ಮಿಶ್ರಣ ತಯಾರು ಮಾಡಿಕೊಳ್ಳಿ. ಈ ಪೇಸ್ಟ್ ಅನ್ನು ನಿಮ್ಮ ಕುತ್ತಿಗೆಗೆ ಹಾಗು ತ್ವಚೆಗೆ ಹಚ್ಚಿ 30 ನಿಮಿಷಗಳ ನಂತರ ತ್ವಚೆಯನ್ನು ಶುದ್ಧೀಕರಿಸಿರಿ. ವಾರಕ್ಕೆ ಎರಡು ಬಾರಿ ಈ ಫೇಸ್ ಪ್ಯಾಕ್ ಪುನರಾವರ್ತಿಸಿ.

ಓಟ್ ಮೀಲ್ ಮತ್ತು ಹನಿ ಮಾಸ್ಕ್: ಒಂದು ಬೌಲ್​​ನಲ್ಲಿ ಒಂದು ಕಪ್ ಓಟ್ ಮೀಲ್, ಒಂದು ಚಮಚ ಜೇನುತುಪ್ಪ ಮತ್ತು ಒಂದು ಚಮಚ ರೋಸ್ ವಾಟರ್ ಮಿಶ್ರಣ ಮಾಡಿ. ದಪ್ಪದಾಗಿ ಪೇಸ್ಟ್ ಮಾಡಿಕೊಂಡು ಅದನ್ನು ನಿಮ್ಮ ಚರ್ಮದ ಮೇಲೆ ಅನ್ವಯಿಸಿ ಮತ್ತು 20 ನಿಮಿಷಗಳ ಕಾಲ ಒಣಗಲು ಬಿಡಿ. ನಂತರ ತಣ್ಣೀರಿನಿಂದ ತೊಳೆಯಿರಿ.

ಟೊಮೆಟೊ ನಿಂಬೆ ಮಾಸ್ಕ್:
ಒಂದು ಬೌಲ್​​ನಲ್ಲಿ ಟೊಮೆಟೊ ರಸವನ್ನು ಹಾಕಿ ಅದಕ್ಕೆ ಎರಡು ಹನಿ ನಿಂಬೆ ರಸವನ್ನು ಸೇರಿಸಿ. ಇದನ್ನು ಚೆನ್ನಾಗಿ ಮಿಶ್ರಣ ಮಾಡಿ ಮತ್ತು ಪೇಸ್ಟ್ ಅನ್ನು ನಿಮ್ಮ ಚರ್ಮಕ್ಕೆ ಅನ್ವಯಿಸಿ. ಇದನ್ನು 10 ನಿಮಿಷಗಳ ಕಾಲ ಬಿಡಿ ಮತ್ತು ಬೆಚ್ಚಗಿನ ನೀರಿನಿಂದ ತೊಳೆಯಿರಿ.

ಜೇನುತುಪ್ಪ ಮತ್ತು ಮೊಸರಿನ ಮಾಸ್ಕ್:
ಒಂದು ಕಪ್ ಮೊಸರು ತೆಗೆದುಕೊಂಡು ಅದಕ್ಕೆ 2 ಟೇಬಲ್ ಸ್ಫೂನ್ ಜೇನುತುಪ್ಪವನ್ನು ಸೇರಿಸಿ. ಚೆನ್ನಾಗಿ ಮಿಶ್ರಣ ಮಾಡಿ ಮತ್ತು ನಿಮ್ಮ ಮುಖ ಮತ್ತು ಕುತ್ತಿಗೆಗೆ ಅನ್ವಯಿಸಿ. 20-30 ನಿಮಿಷಗಳ ಕಾಲ ಅದನ್ನು ಬಿಡಿ. ಉಗುರುಬೆಚ್ಚನೆಯ ನೀರಿನಿಂದ ತೊಳೆಯಿರಿ.

ಕೋಕೋ ಬಟರ್ ಫೇಸ್ ಮಾಸ್ಕ್: ಒಂದು ಬೌಲ್​​ನಲ್ಲಿ ಒಂದು ಚಮಚ ಕೋಕೋ ಬೆಣ್ಣೆಯನ್ನು(Cocoa butter) ತೆಗೆದುಕೊಂಡು ಅದಕ್ಕೆ ಎರಡು ಚಮಚ ರೋಸ್ ವಾಟರ್ ಸೇರಿಸಿ. ಈ ಪೇಸ್ಟ್ ಅನ್ನು ನಿಮ್ಮ ಮುಖಕ್ಕೆ ಅನ್ವಯಿಸಿ. 10 ನಿಮಿಷಗಳ ಕಾಲ ಬಿಡಿ ಮತ್ತು ಉಗುರು ಬೆಚ್ಚಗಿನ ನೀರಿನಿಂದ ತೊಳೆಯಿರಿ.

ಅಕ್ಕಿ ಹಿಟ್ಟು ಮತ್ತು ಅಲೋವೆರಾ ಫೇಸ್ ಪ್ಯಾಕ್:
ಒಂದು ಬೌಲ್ ನಲ್ಲಿ 2 ಚಮಚ ಅಕ್ಕಿಹಿಟ್ಟು, 2 ಚಮಚ ಅಲೋವೆರಾ ತಿರುಳನ್ನು ಕೆಲವು ಹನಿ ನೀರಿನೊಂದಿಗೆ ಕಲಸಿ ಮಿಶ್ರಣ ತಯಾರು ಮಾಡಿಕೊಳ್ಳಿ. ಈ ಪೇಸ್ಟ್ ಅನ್ನು ನಿಮ್ಮ ತ್ವಚೆ ಹಾಗು ಕುತ್ತಿಗೆಗೆ ಹಚ್ಚಿ. 30 ನಿಮಿಷಗಳ ನಂತರ ಉಗುರು ಬೆಚ್ಚಗಿನ ನೀರಿನಲ್ಲಿ ಮುಖವನ್ನು ತೊಳೆಯಿರಿ. ಈ ಫೇಸ್ ಪ್ಯಾಕ್ ವಾರಕ್ಕೆ ಎರಡು ಬಾರಿ ಪುನರಾವರ್ತಿಸಿ.

ಇದನ್ನೂ ಓದಿ: ಸರ್ಕಾರಿ ಸಾಲಪತ್ರಗಳಲ್ಲಿ ಹೂಡಿಕೆ ಮಾಡೋರಿಗೆ ಬೊಂಬಾಟ್ ಸುದ್ದಿ – ಫ್ಲೋಟಿಂಗ್ ರೇಟ್ ಸೇವಿಂಗ್ಸ್ ಬಾಂಡ್ ಖರೀದಿಸುವ ಸುವರ್ಣವಕಾಶ ನೀಡಿದ RBI