ಜೀವನ ಎಷ್ಟೇ ಆಧುನಿಕ ಆಗಿದ್ದರೂ ಸಹ ದೇವರ ಮೇಲಿನ ನಂಬಿಕೆಗಳು ತನ್ನ ಅಸ್ತಿತ್ವ ಬಿಟ್ಟು ಕೊಡುವುದಿಲ್ಲ. ಕೆಲವೊಮ್ಮೆ ಜನರ ನಂಬಿಕೆ ಶೈಲಿ ಬದಲಾಗಿರಬಹುದು ಅಷ್ಟೇ. ಹೌದು ವಾಸ್ತು ಪ್ರಕಾರ ಮನೆಯಲ್ಲಿ ಇರಿಸಲಾಗಿರುವ ಎಲ್ಲಾ ವಸ್ತುಗಳು ಖಂಡಿತವಾಗಿಯೂ ನಿಮ್ಮ ಜೀವನದ ಮೇಲೆ ಪರಿಣಾಮ ಬೀರುತ್ತವೆ. ಹೀಗಾಗಿ ಕೆಲವು ವಸ್ತುವನ್ನು ಖರೀದಿಸುವಾಗ ಅಥವಾ ಅದನ್ನು ಮನೆಯಲ್ಲಿ ಇಡುವಾಗ ಅದು ನಿಮ್ಮ ಜೀವನದ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ ಎಂಬುದನ್ನು ನೀವು ತಿಳಿದುಕೊಳ್ಳಬೇಕು. ಆದ್ದರಿಂದ ಮನೆಯನ್ನು ಅಲಂಕರಿಸುವಾಗ, ದೇವರ ವಿಗ್ರಹಗಳನ್ನು ಇರಿಸುವಾಗ ವಾಸ್ತುವಿನ ಬಗ್ಗೆ ವಿಶೇಷ ಕಾಳಜಿ ವಹಿಸಬೇಕು. ಮುಖ್ಯವಾಗಿ ಮನೆಯಲ್ಲಿ ಇಡುವ ವಸ್ತುವಿಗೆ ಪ್ರತಿಯೊಂದಕ್ಕೂ ಸರಿಯಾದ ದಿಕ್ಕು ಇರುತ್ತದೆ ಎಂದು ವಾಸ್ತು ಶಾಸ್ತ್ರ ಹೇಳುತ್ತದೆ ಮತ್ತು ಈ ನಿಯಮದಿಂದ ಧನ ಪ್ರಾಪ್ತಿ ಭಾಗ್ಯ ಇದೆ ಎಂದು ತಿಳಿಸಲಾಗಿದೆ.
ಪ್ರಮುಖವಾಗಿ ವಿಗ್ರಹಗಳ ಬಗ್ಗೆ ಇಲ್ಲಿ ತಿಳಿಸಲಾಗಿದೆ :
- ಫೆಂಗ್ ಶೂಯಿ ಮತ್ತು ವಾಸ್ತು ಪ್ರಕಾರ ಆನೆಯ ಮೂರ್ತಿಯನ್ನು ಮನೆ ಅಥವಾ ಕಚೇರಿಯ ಮುಖ್ಯ ಗೇಟ್ ಬಳಿ ಇಡಬೇಕು. ಧನಾತ್ಮಕ ಶಕ್ತಿ ಮತ್ತು ಅದೃಷ್ಟವನ್ನು ಆಕರ್ಷಿಸಲು ಆನೆಯ ಪ್ರತಿಮೆಯನ್ನು ಇರಿಸಲು ಉತ್ತರ ದಿಕ್ಕು ಅತ್ಯುತ್ತಮ ಸ್ಥಳವಾಗಿದೆ.
- ವಾಸ್ತು ಪ್ರಕಾರ ನಿಮ್ಮ ಮನೆಯ ಮುಖ್ಯ ದ್ವಾರವು ದಕ್ಷಿಣ ಅಥವಾ ಉತ್ತರ ದಿಕ್ಕಿನಲ್ಲಿದ್ದರೆ ಮುಖ್ಯ ದ್ವಾರದಲ್ಲಿ ಗಣೇಶನ ವಿಗ್ರಹವನ್ನು ಇರಿಸಬೇಕು. ಪೂರ್ವ ಅಥವಾ ಪಶ್ಚಿಮದಲ್ಲಿ ಮುಖ್ಯ ದ್ವಾರವಿದ್ದರೆ ಗಣೇಶನ ವಿಗ್ರಹವನ್ನು ಇಡಬಾರದು.
- ಅದೃಷ್ಟವನ್ನು ಪಡೆಯಲು ಕುದುರೆ ವಿಗ್ರಹವು ತುಂಬಾ ಪರಿಣಾಮಕಾರಿಯಾಗಿದೆ. ಇದನ್ನು ಮಂಗಳಕರ ದಿಕ್ಕಿನಲ್ಲಿ ಇಟ್ಟುಕೊಳ್ಳುವುದು ಸಕಾರಾತ್ಮಕ ಫಲಿತಾಂಶಗಳನ್ನು ನೀಡುತ್ತದೆ. ಉತ್ತರ ದಿಕ್ಕಿನಲ್ಲಿ ಕುದುರೆಯ ವಿಗ್ರಹವನ್ನು ಇಡುವುದು ಮಂಗಳಕರವೆಂದು ಪರಿಗಣಿಸಲಾಗಿದೆ. ಸಮಾಜದಲ್ಲಿ ಗೌರವಕ್ಕಾಗಿ ವಿಗ್ರಹವನ್ನು ದಕ್ಷಿಣ ದಿಕ್ಕಿನಲ್ಲಿ ಇಡಬೇಕು. ಅದನ್ನು ಎಂದಿಗೂ ಮಲಗುವ ಕೋಣೆಯಲ್ಲಿ ಇಡಬೇಡಿ. ವಿಗ್ರಹವು ಕುದುರೆಯ ಲಗಾಮು ಹೊಂದಿರದಂತಿರಬೇಕು. ಮುಖ್ಯ ದ್ವಾರಕ್ಕೆ ಎದುರಾಗಿರುವ ರೀತಿಯಲ್ಲಿ ಮನೆಯಲ್ಲಿ ಇರಿಸಿ.
- ಗಿಳಿಯನ್ನು ವಯಸ್ಸು ಮತ್ತು ಅದೃಷ್ಟದ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಚೀನೀ ಸಂಸ್ಕೃತಿಯಲ್ಲಿ ಇದನ್ನು ದೈವತ್ವ ಮತ್ತು ಮಂಗಳಕರ ಸಂದೇಶದ ಸಂಕೇತವೆಂದು ಪರಿಗಣಿಸಲಾಗುತ್ತದೆ. ಸಂಗಾತಿಯೊಂದಿಗೆ ವೈಮನಸ್ಯ ನಡೆಯುತ್ತಿದ್ದರೆ, ಮಲಗುವ ಕೋಣೆಯಲ್ಲಿ ಗಿಣಿ ದಂಪತಿಗಳ ಫೋಟೋವನ್ನು ಇಡಬೇಕು. ಮತ್ತೊಂದೆಡೆ, ಉದ್ಯಮಿಗಳು ಉತ್ತರ ದಿಕ್ಕನ್ನು ದೋಷಗಳಿಂದ ಮುಕ್ತಗೊಳಿಸಲು ಈ ದಿಕ್ಕಿನಲ್ಲಿ ಹಸಿರು ಗಿಳಿಯ ಚಿತ್ರವನ್ನು ಹಾಕಬೇಕು.
- ಹಸು-ಕರುವಿನ ವಿಗ್ರಹವನ್ನು ಮನೆಯ ಈಶಾನ್ಯ ದಿಕ್ಕಿನಲ್ಲಿ ಇಡಬೇಕು. ಹೀಗೆ ಮಾಡಲು ಸಾಧ್ಯವಾಗದಿದ್ದರೆ, ಉತ್ತರ ಅಥವಾ ಪೂರ್ವ ದಿಕ್ಕಿನಲ್ಲಿಯೂ ಇಡಬಹುದು.
ಹೌದು ಈ ಮೇಲಿನಂತೆ ವಿಗ್ರಹಗಳನ್ನು ಇಡುವಾಗ ವಾಸ್ತು ನಿಯಮ ಪ್ರಕಾರ ಇರಿಸುವುದು ಸೂಕ್ತ.
