Artificial Sun : ಚೀನಾ ಹೊಸ ಆವಿಷ್ಕಾರವನ್ನು ಮಾಡುವಲ್ಲಿ ಎತ್ತಿದ ಕೈ ಎಂದು ಮತ್ತೇ ಸಾಬೀತು ಮಾಡಿದೆ.
ಹೌದು, ಕೃತಕವಾಗಿ ಸೂರ್ಯನನ್ನೇ (Artificial Sun) ಉತ್ಪಾದಿಸುವ ಸಾಧನೆಯಲ್ಲಿ ನಿರತವಾಗಿದ್ದು ತನ್ನ ಅನ್ವೇಷಣೆಯಲ್ಲಿ (Discover) ಮತ್ತೊಂದು ಪರಮಾಣು ಸಮ್ಮಿಲನ ಪ್ರಯೋಗಕ್ಕೆ ಮುಂದಾಗಿದೆ.
ಚೀನಾದ “ಕೃತಕ ಸೂರ್ಯ ಸುಮಾರು ಏಳು ನಿಮಿಷಗಳ ಕಾಲ ಅತ್ಯಂತ ಬಿಸಿಯಾದ, ಪ್ಲಾಸ್ಮಾವನ್ನು (Plasma) ರಚಿಸುವ ಮತ್ತು ಕೆಲವು ಸೆಕೆಂಡ್ಗಳ ಕಾಲ ಹಿಡಿದಿಟ್ಟುಕೊಳ್ಳುವ ಮೂಲಕ ಜಾಗತಿಕ ದಾಖಲೆಯನ್ನು ಸ್ಥಾಪಿಸಿದೆ ಎಂದು ತಿಳಿದುಬಂದಿದೆ.
ಇಂಜಿನಿಯರಿಂಗ್ ಟೆಸ್ಟ್ ರಿಯಾಕ್ಟರ್ (CFETR) ಎಂದೇ ಕರೆಯಲಾದ ತನ್ನ ಮುಂದಿನ-ಪೀಳಿಗೆಯ ಕೃತಕ ಸೂರ್ಯನ ವಿನ್ಯಾಸವನ್ನು ವಿಜ್ಞಾನಿಗಳ ತಂಡ ಈಗಾಗಲೇ ಪೂರ್ಣಗೊಳಿಸಿದೆ ಹಾಗೂ 2035 ರ ವೇಳೆಗೆ ಕಾರ್ಯಾಚರಣೆ ನಡೆಸಲಿದೆ ಎಂಬ ಮಾಹಿತಿ ಲಭ್ಯವಾಗಿದೆ.
ಮುಖ್ಯವಾಗಿ ಚೀನಾವು ವಿಶ್ವದ ಅತಿದೊಡ್ಡ ಸಮ್ಮಿಲನ ರಿಯಾಕ್ಟರ್ನ ಸದಸ್ಯತ್ವವನ್ನು ಹೊಂದಿದ್ದು ಇದನ್ನು ಅಂತರರಾಷ್ಟ್ರೀಯ ಥರ್ಮೋನ್ಯೂಕ್ಲಿಯರ್ ಪ್ರಾಯೋಗಿಕ ರಿಯಾಕ್ಟರ್ ಎಂದು ಕರೆಯಲಾಗುತ್ತದೆ, ಇದು ಪ್ರಸ್ತುತ ಫ್ರಾನ್ಸ್ನಲ್ಲಿ ಅಭಿವೃದ್ಧಿ ಹಂತದಲ್ಲಿದೆ.
ಪ್ರಾಯೋಗಿಕ ಸುಧಾರಿತ ಸೂಪರ್ ಕಂಡಕ್ಸಿಂಗ್ ಟೋಕಾಮಾಕ್ (ಈಸ್ಟ್) ಪ್ಯೂಷನ್ ಎನರ್ಜಿ ರಿಯಾಕ್ಟರ್ ಉಪಕರಣವು ಕೃತಕ ಸೂರ್ಯನನ್ನು ಸೃಷ್ಟಿಸಿದ್ದು, ಪ್ಲಾಸ್ಮಾವನ್ನು 403 ಸೆಕೆಂಡುಗಳ ಕಾಲ ಹಿಡಿದಿಟ್ಟುಕೊಂಡಿತು ಹಾಗೂ ಈ ಉಪಕರಣ 2017 ರಲ್ಲಿ ಸ್ಥಾಪಿಸಿದ್ದ 101-ಸೆಕೆಂಡ್ ದಾಖಲೆಯನ್ನು ಮುರಿಯಿತು. ವಿಜ್ಞಾನಿಗಳು ಈ ದಾಖಲೆಯನ್ನು ಪ್ರಮುಖ ಪ್ರಗತಿ ಎಂದು ಉಲ್ಲೇಖಿಸಿದ್ದಾರೆ.
ಪ್ಲಾಸ್ಮಾ ಫಿಸಿಕ್ಸ್ನ ನಿರ್ದೇಶಕ ಸಾಂಗ್ ಯುಂಟಾವೊ ಈ ಸಾಧನೆಯ ಕುರಿತು ಅಭಿಪ್ರಾಯ ವ್ಯಕ್ತಪಡಿಸಿದ್ದು ತಮ್ಮ ತಂಡವು ಸಾಧಿಸಿದ ಪ್ರಗತಿಯು ತಂತ್ರಜ್ಞಾನಕ್ಕೆ ಅತ್ಯುನ್ನತ ಕೊಡುಗೆಯಾಗಿದೆ. ಅಲ್ಲದೆ ಮೂಲಭೂತ ಭೌತಶಾಸ್ತ್ರ ಸಂಶೋಧನೆ ಮತ್ತು ಯೋಜನೆಯ ಕಾರ್ಯಾಚರಣೆ ಮತ್ತು ನಿರ್ವಹಣೆಗೆ ಸಂಬಂಧಿಸಿದಂತೆ ಸಂಪೂರ್ಣ ತಂಡಕ್ಕೆ ಇದು ಮಹತ್ವದ ಪ್ರಗತಿಯಾಗಿದೆ. ಈ ಹೊಸ ಪ್ರಗತಿಯು ಒಂದು ದಾಖಲೆಯಾಗಿದ್ದು ಪ್ಲಾಸ್ಮಾದ ತಾಪಮಾನ ಮತ್ತು ಸಾಂದ್ರತೆಯು ಗಮನಾರ್ಹವಾಗಿ ಹೆಚ್ಚಾಗುತ್ತದೆ ಎಂದು ಸಾಂಗ್ ತಿಳಿಸಿದ್ದಾರೆ.
ಸದ್ಯ 2006 ರಿಂದ ಚೀನೀ ವಿಜ್ಞಾನಿಗಳು ಈ ನಿಟ್ಟಿನಲ್ಲಿ ಕಾರ್ಯನಿರ್ವಹಿಸುತ್ತಿದ್ದಾರೆ. ರಿಯಾಕ್ಟರ್ ಇದುವರೆಗೆ 120,000 ಪ್ರಯೋಗಗಳನ್ನು ಪೂರ್ಣಗೊಳಿಸಿದೆ. 2018 ರಲ್ಲಿ ಮತ್ತೊಂದು ದಾಖಲೆಯನ್ನು ಮುರಿದು, ರಿಯಾಕ್ಟರ್ ಸುಮಾರು 18 ನಿಮಿಷಗಳ ಕಾಲ ಪ್ಲಾಸ್ಮಾವನ್ನು ಹಿಡಿದಿಡುವಲ್ಲಿ ಯಶಸ್ವಿಯಾಯಿತು ಮತ್ತು ತಾಪಮಾನವು 70 ಮಿಲಿಯನ್ ಡಿಗ್ರಿ, ಸೆಲ್ಸಿಯಸ್ ತಲುಪಿತು.
ಅದಲ್ಲದೆ ಪರಮಾಣು ಸಮ್ಮಿಳನವನ್ನು ಶಕ್ತಿಯ ಹೋಲಿ ಗ್ರೇಲ್ ಎಂದು ಪರಿಗಣಿಸಲಾಗುತ್ತದೆ ಮತ್ತು ಇದು ಸೂರ್ಯನಿಗೆ ಶಕ್ತಿದಾಯಕವಾಗಿದೆ. ಬೃಹತ್ ಪ್ರಮಾಣದ ಶಕ್ತಿಯನ್ನು ರಚಿಸಲು ಪರಮಾಣು ನ್ಯೂಕ್ಲಿಯಸ್ಗಳನ್ನು ವಿಲೀನಗೊಳಿಸುತ್ತದೆ ಹಾಗೂ ಇದು ಪರಮಾಣು ಶಸ್ತ್ರಾಸ್ತ್ರಗಳು ಮತ್ತು ಪರಮಾಣು ಶಕ್ತಿ ಸ್ಥಾವರಗಳಲ್ಲಿ ಬಳಸುವ ವಿಭಜನೆ ಪ್ರಕ್ರಿಯೆಗೆ ವಿರುದ್ಧವಾಗಿದ್ದು ಅವುಗಳನ್ನು ತುಣುಕುಗಳಾಗಿ ವಿಭಜಿಸುತ್ತದೆ. ಇದು ಯಾವುದೇ ಹಸಿರುಮನೆ ಅನಿಲಗಳನ್ನು ಹೊರಸೂಸುವುದಿಲ್ಲ ಮತ್ತು ಅಪಘಾತಗಳು ಅಥವಾ ಪರಮಾಣು ವಸ್ತುಗಳ ಕಳ್ಳತನದ ಕಡಿಮೆ ಅಪಾಯವನ್ನು ಹೊಂದಿರುತ್ತದೆ ಎಂದು ವಿಜ್ಞಾನಿಗಳ ತಂಡ ದೃಢೀಕರಿಸಿದೆ.
ಸೂರ್ಯನ ನೈಸರ್ಗಿಕ ಪ್ರತಿಕ್ರಿಯೆಯನ್ನು ಅನುಕರಿಸುವ ಮೂಲಕ, ವಿಜ್ಞಾನಿಗಳು, ತಂತ್ರಜ್ಞಾನವು ಮಾನವೀಯತೆಯು ಅಪಾರ ಪ್ರಮಾಣದ ಶಕ್ತಿಯನ್ನು ಬಳಸಿಕೊಳ್ಳಲು ಸಹಾಯ ಮಾಡುತ್ತದೆ ಮತ್ತು ಶಕ್ತಿಯ ಬಿಕ್ಕಟ್ಟನ್ನು ಎದುರಿಸಲು ಸಹಾಯ ಮಾಡುತ್ತದೆ ಎಂದು ತಿಳಿಸಿದ್ದಾರೆ.
ಆದರೆ ಈಗಾಗಲೇ ಕಳೆದ ವರ್ಷ, ಕೊರಿಯಾ ಸೂಪರ್ಕಂಡಕ್ಸಿಂಗ್ ಟೋಕಾಮಾಕ್ ಅಡ್ವಾನ್ಸ್ಡ್ ರಿಸರ್ಚ್ (ಕೆಎಸ್ಟಿಎಆರ್) ರಿಯಾಕ್ಟರ್ನಲ್ಲಿ ಕೆಲಸ ಮಾಡುವ ವಿಜ್ಞಾನಿಗಳು ಕೃತಕ ಸೂರ್ಯನನ್ನು ಸೃಷ್ಟಿಸಿದರು. ಅದು 30ಸೆಕೆಂಡುಗಳ ಕಾಲ 100 ಮಿಲಿಯನ್ ಡಿಗ್ರಿ ಸೆಲ್ಸಿಯಸ್ ತಾಪಮಾನವನ್ನು ತಲುಪಿತು ಎಂಬ ಮಾಹಿತಿ ಕೂಡ ದೊರೆತಿದೆ.
ಇದನ್ನು ಓದಿ : Employee Know about these PF Forms : ನಿಮ್ಮ ಸಂಬಳದಲ್ಲಿ ಪಿಎಫ್ ಕಡಿತವಾಗುತ್ತಿದ್ದರೆ , ಖಂಡಿತ ಇದನ್ನು ಓದಿ!
