INS Aridhaman: ನ್ಯೂಕ್ಲಿಯರ್ ಸಾಮರ್ಥ್ಯದ ದೇಶದ ಮೂರನೇ ಜಲಂತರ್ಗಾಮಿ ನೌಕೆ ” INS ಅರಿಧಮನ್” ಇಂದು ಅಧಿಕೃತವಾಗಿ ಭಾರತೀಯ ನೌಕಾ ಸೇನೆಗೆ ಸೇರ್ಪಡೆಗೊಳ್ಳಲಿದೆ.
INS ಅರಿಧಮನ್ ಪ್ರಮುಖ ವೈಶಿಷ್ಟ್ಯಗಳು
ಹೆಚ್ಚುವರಿ ಕ್ಷಿಪಣಿ ಸಾಮರ್ಥ್ಯ:
ನೌಕೆ 8 ವರ್ಟಿಕಲ್ ಲಾಂಚ್ ಸಿಸ್ಟಮ್ (VLS) ಟ್ಯೂಬ್ಗಳನ್ನು ಹೊಂದಿದ್ದ ಇದು 8 ಕೆ-4 (K-4) ಕ್ಷಿಪಣಿಗಳನ್ನು (ವ್ಯಾಪ್ತಿ: 3,500 ಕಿ.ಮೀ) ಹೊತ್ತೊಯ್ಯಬಲ್ಲದು. ಅಥವಾ 24 ಕೆ-15 (K-15) ಕ್ಷಿಪಣಿಗಳನ್ನು (ವ್ಯಾಪ್ತಿ: 750 ಕಿ.ಮೀ) ಸಾಗಿಸಬಲ್ಲದು.
ಸುಧಾರಿತ ರಹಸ್ಯ ತಂತ್ರಜ್ಞಾನ (Stealth):
ಶತ್ರುಗಳ ಸೋನಾರ್ಗೆ ಸಿಗದಂತೆ ತಪ್ಪಿಸಿಕೊಳ್ಳಲು ಇದರಲ್ಲಿ ವಿಶೇಷ ‘ಅನೆಕೊಯಿಕ್ ಟೈಲ್ಸ್’ (Anechoic tiles) ಅಳವಡಿಸಲಾಗಿದೆ. ಇದು ಸಬ್ಮರೀನ್ ಚಲಿಸುವಾಗ ಶಬ್ದವನ್ನು ಕಡಿಮೆ ಮಾಡುತ್ತದೆ.
ಸ್ವದೇಶಿ ಸೋನಾರ್ ವ್ಯವಸ್ಥೆ:
ಇದರಲ್ಲಿ ಡಿಆರ್ಡಿಒ (DRDO) ಅಭಿವೃದ್ಧಿಪಡಿಸಿದ USHUS ಸೋನಾರ್ ಮತ್ತು Panchendriya ಅಗ್ನಿ ನಿಯಂತ್ರಣ ವ್ಯವಸ್ಥೆಯನ್ನು ಬಳಸಲಾಗಿದೆ.
ಪರಮಾಣು ಪ್ರತಿರೋಧ (Nuclear Triad):
ಭಾರತದ ‘ನೋ ಫಸ್ಟ್ ಯೂಸ್’ (ಮೊದಲು ಪರಮಾಣು ಬಳಸುವುದಿಲ್ಲ) ನೀತಿಯ ಅಡಿಯಲ್ಲಿ, ಶತ್ರು ರಾಷ್ಟ್ರ ದಾಳಿ ಮಾಡಿದರೆ ಸಮುದ್ರದ ಆಳದಿ೦ದ ಕ್ಷಣಾರ್ಧದಲ್ಲಿ ನ್ಯೂಕ್ಲಿಯರ್ ಸಿಡಿತಲೆಗಳನ್ನು ಹೊತ್ತ ಕ್ಷಿಪಣಿಗಳನ್ನು ಸಿಡಿಸುವ ಮೂಲಕ ತಿರುಗೇಟು ನೀಡಲು ಇದು ಅತ್ಯಂತ ಪ್ರಬಲ ಅಸ್ತ್ರವಾಗಿದೆ.