ಪ್ರತಿಯೊಬ್ಬರಿಗೂ ಮದುವೆ ಎಂಬುದು ಮಹತ್ತರವಾದ ಘಟ್ಟವಾಗಿರುತ್ತದೆ.ತನ್ನ ಪತಿ ಅಥವಾ ಪತ್ನಿ ಹೀಗಿರಬೇಕು ಹಾಗಿರಬೇಕು ಎಂದು ಸಾಲು ಸಾಲು ಕನಸುಗಳನ್ನು ಹೊತ್ತಿರುತ್ತಾರೆ. ಆದರೆ ಇಲ್ಲೊಂದು ನಡೆದ ಮದುವೆ ಬಹುಶಃ ಅತ್ಯಂತ ವಿಚಿತ್ರವಾದ ಮದುವೆ. ಇಂತಹ ಮದುವೆ ಎಲ್ಲೂ ನಡೆದಿಲ್ಲ ಅಂತ ಕಾಣುತ್ತೆ!
ಹೌದು.ಇಂಡೋನೇಷ್ಯಾದ ಒಬ್ಬ ವ್ಯಕ್ತಿ ರೈಸ್ ಕುಕ್ಕರ್ ಅನ್ನು ಮದುವೆಯಾಗಿ ಸುದ್ದಿಯಾಗಿದ್ದಾನೆ.ಫಿಲಿಪ್ಸ್ ರೈಸ್ ಕುಕ್ಕರ್ ನ್ನು ವಧುವಾಗಿ ಅಲಂಕರಿಸಿ ಖೋರುಲ್ ಅನಾಮ್ ಅವರು ವಿಲಕ್ಷಣವಾದ ವಿವಾಹವಾಗಿದ್ದು, ಅವರು ಅಲಂಕಾರಿಕ ಮದುವೆಯ ಉಡುಪನ್ನು ಧರಿಸಿರುವ ಫೋಟೋಗಳನ್ನು ಟ್ವಿಟರ್ ನಲ್ಲಿ ಹಂಚಿಕೊಂಡಿದ್ದಾರೆ.
ಒಂದು ಚಿತ್ರದಲ್ಲಿ, ವಧುವರರು (ವರ ಮತ್ತು ಕುಕ್ಕರ್) ಒಟ್ಟಿಗೆ ಪೋಸ್ ನೀಡುತ್ತಿರುವುದು ಮತ್ತು ಇನ್ನೊಂದರಲ್ಲಿ, ವಿವಾಹವನ್ನು ಕಾನೂನುಬದ್ಧವಾಗಿಸಲು ಔಪಚಾರಿಕತೆಗಳನ್ನು ಪೂರ್ಣಗೊಳಿಸಲು ಅನಾಮ್ ವಿವಾಹ ಪತ್ರಗಳಿಗೆ ಸಹಿ ಹಾಕುತ್ತಿರುವುದು ಕಂಡುಬರುತ್ತದೆ. ಅವನು ಇನ್ನೊಂದು ಚಿತ್ರದಲ್ಲಿ ತನ್ನ ವಧು ಕುಕ್ಕರ್ ನ್ನು ಚುಂಬಿಸುತ್ತಿದ್ದಾನೆ.
ಫೋಟೋಗಳಿಗೆ ಆತ ಶೀರ್ಷಿಕೆ ಬೇರೆ ನೀಡಿದ್ದಾನೆ. ಅವನು ತನ್ನ ವಧುವನ್ನು ‘ಬಿಳಿ, ಶಾಂತ, ಪರಿಪೂರ್ಣ. ಹೆಚ್ಚು ಮಾತನಾಡುವುದಿಲ್ಲ, ಅಡುಗೆಯಲ್ಲಿ ಚೆನ್ನಾಗಿರುತ್ತಾಳೆ, ಕನಸು ನನಸಾಗುತ್ತದೆ. ನೀನಿಲ್ಲದೆ ನನ್ನ ಅನ್ನ ಬೇಯಲ್ಲ’ ಎಂದು ವಿವರಿಸಿದ್ದಾನೆ.ಆದಾಗ್ಯೂ, 4 ದಿನಗಳ ನಂತರ ತನ್ನ ‘ಪತ್ನಿಗೆ’ ವಿಚ್ಛೇದನ ನೀಡುವುದಾಗಿ ಅನಾಮ್ ಘೋಷಿಸಿದ ಕಾರಣ ಮದುವೆ ಹೆಚ್ಚು ಕಾಲ ಉಳಿಯಲಿಲ್ಲ.
ಈ ಸಂಬಂಧ ಬೇರ್ಪಡಿಸುವಿಕೆಯ ಹಿಂದಿನ ಕಾರಣವೆಂದರೆ ಅವಳು ಅಕ್ಕಿ ಬೇಯಿಸುವುದರಲ್ಲಿ ನಿಪುಣಳು. ಆದರೆ ಬೇರೆ ಯಾವುದೇ ಖಾದ್ಯಗಳನ್ನು ಮಾಡುವುದರಲ್ಲಿ ನಿಪುಣಳಲ್ಲ. ಮದುವೆ ಮತ್ತು ವಿಚ್ಛೇದನ ಎಲ್ಲವೂ ತಮಾಷೆ ಎಂದು ತಿಳಿದುಬಂದಿದೆ. ಮತ್ತು ಆ ವ್ಯಕ್ತಿ ಸ್ವಲ್ಪ ಇಂಟರ್ನೆಟ್ ಪ್ರಚಾರವನ್ನು ಪಡೆಯಲು ಪ್ರಯತ್ನಿಸುತ್ತಿದ್ದ.
ಆದರೆ ಇಂತಹ ಪ್ರಕರಣಗಳು ಹೊಸದಲ್ಲ. ಕಳೆದ ವರ್ಷ ಇದೇ ರೀತಿಯ ಪ್ರಕರಣದಲ್ಲಿ, 24 ವರ್ಷದ ರಷ್ಯಾದ ಮಹಿಳೆ ಬ್ರೀಫ್ಕೇಸ್ ಅನ್ನು ಮದುವೆಯಾದಳು, ತನ್ನ ಹೊಸ ಪತಿ ತನ್ನ ಜೀವನದ ಪ್ರೀತಿ ಎಂದು ಹೇಳಿದ್ದಾಳೆ. ಮಾಸ್ಕೋದಿಂದ ಬಂದ ರೈನ್ ಗಾರ್ಡನ್ ಎಂಬ ಮಹಿಳೆ, ತಾನು ಯಾವಾಗಲೂ ನಿರ್ಜೀವ ವಸ್ತುಗಳತ್ತ ಆಕರ್ಷಿತಳಾಗುತ್ತಿದ್ದೆ ಎಂದು ಹೇಳುತ್ತಾಳೆ ಮತ್ತು ಅಂತಿಮವಾಗಿ ಅವಳು ಈಗ ‘ಪತಿ’ ಎಂದು ಕರೆಯುವ ಬ್ರೀಫ್ಕೇಸ್ನೊಂದಿಗೆ ಮದುವೆಯಾದಳು.
