ರೈಲಿನಲ್ಲಿ ಪ್ರಯಾಣಿಸುವಾಗ ಅನೇಕ ವ್ಯಾಪಾರಸ್ಥರು ಬಗೆ ಬಗೆಯ ತಿಂಡಿಗಳನ್ನು ತಂದು ವ್ಯಾಪಾರ ಮಾಡುವುದುಂಟು. ಕೆಲವೊಮ್ಮೆ ಅವರು ಅದಕ್ಕೆ ಇರುವ ಬೆಲೆಗಿಂತಲು ಹೆಚ್ಚಾಗಿ ಜನರ ಬೆಳೆ ವಸೂಲಿ ಮಾಡುತ್ತಾರೆ. ಒಂದೆರಡು ರೂಪಾಯಿ ಹೆಚ್ಚಿಗೆ ಪಡೆದರೆ ಬಿಡಿ, ತೊಂದರೆ ಇಲ್ಲ. ಆದರೆ 20- 30ರೂ ಗಳನ್ನು ಹೆಚ್ಚಿಗೆ ಪಡೆದರೆ ಅದು ನಿಜಕ್ಕೂ ಅಪರಾಧವೇ ಸರಿ.
ಅಂತೆಯೇ ಇದೀಗ ರೈಲಿನಲ್ಲಿ ಪ್ರಯಾಣಿಸುವಾಗ ಪ್ರಯಾಣಿಕರೊಬ್ಬರು ಕೇಕ್ ಒಂದನ್ನು ಖರೀದಿಸಿದ್ದಾರೆ. ಆ ಕೇಕ್ ನ ನಿಜವಾದ ಬೆಲೆ 35 ರೂಪಾಯಿ. ಆದರೆ ಆ ವ್ಯಾಪಾರಿ ಪ್ರಯಾಣಿಕನ ಬಳಿ 50 ರೂಪಾಯಿಯನ್ನು ಪೀಕಿದ್ದಾನೆ. ಆಗ ಸಿಟ್ಟಾದ ಪ್ರಯಾಣಿಕ 35 ರೂಪಾಯಿಯ ಕೇಕಿಗೆ 50 ರೂಪಾಯಿ ಯಾಕೆ ಎಂದು ಪ್ರಶ್ನೆ ಮಾಡಿದಾಗ ವ್ಯಾಪಾರಿಕೊಟ್ಟ ಉತ್ತರ ಕೇಳಿ ಶಾಕ್ ಕೂಡ ಆಗಿದ್ದಾನೆ. ಸದ್ಯ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದ್ದು ಕೇಕ್ ಪ್ಯಾಕೇಟಿನ ಬೆಲೆ ಸದ್ಯ ಚರ್ಚಿತ ವಿಷಯವಾಗಿದೆ.
@ItsAradhya_ ಎಂಬ ಯೂಸರ್ ತಮ್ಮ ಎಕ್ಸ್ (ಹಿಂದಿನ ಟ್ವಿಟರ್) ಖಾತೆಯಲ್ಲಿ ಈ ಪೋಸ್ಟ್ ಹಂಚಿಕೊಂಡಿದ್ದಾರೆ. ಕೇಕ್ಗೆ 50 ರೂಪಾಯಿ ಕೊಟ್ಟ ನಂತರ, ಪ್ಯಾಕೆಟ್ ಮೇಲೆ ನೋಡಿದಾಗ ಅದರ MRP ಬೆಲೆ 35 ರೂಪಾಯಿ ಅಂತ ಗೊತ್ತಾಗಿದೆ. ಪ್ರಯಾಣಿಕರು ಈ ಬಗ್ಗೆ ವ್ಯಾಪಾರಿಯನ್ನು ಪ್ರಶ್ನಿಸಿದ್ದಾರೆ. ಆಗ ವ್ಯಾಪಾರಿ, ‘ಈ ದುಡ್ಡು ನನಗೊಬ್ಬನಿಗೇ ಅಲ್ಲ, ಬೇರೆಯವರಿಗೂ ಹಂಚಬೇಕು’ ಅಂತ ವಿಚಿತ್ರ ಉತ್ತರ ಕೊಟ್ಟಿದ್ದಾನೆ.
ಈ ಪೋಸ್ಟ್ ವೈರಲ್ ಆದ್ಮೇಲೆ, ಟ್ರೈನ್ಗಳಲ್ಲಿ ಹೆಚ್ಚು ಹಣ ವಸೂಲಿ ಮಾಡುವ ಬಗ್ಗೆ ದೊಡ್ಡ ಚರ್ಚೆಯೇ ಶುರುವಾಗಿದೆ. ‘ನಮಗೂ ಇದೇ ರೀತಿ ಅನುಭವ ಆಗಿದೆ’ ಅಂತ ಹಲವರು ಕಾಮೆಂಟ್ಗಳಲ್ಲಿ ಹೇಳಿಕೊಂಡಿದ್ದಾರೆ. ಆದರೆ, ಪ್ರಯಾಣದ ವೇಳೆ ಜಗಳ ಯಾಕೆ ಅಂತ ಸುಮ್ಮನಾಗಿದ್ದೇ ಹೆಚ್ಚು ಅಂತಾನೂ ಒಪ್ಪಿಕೊಂಡಿದ್ದಾರೆ. ಇನ್ನು ಕೆಲವರು, ‘MRP ಗಿಂತ ಹೆಚ್ಚು ಹಣ ಕೊಡಲು ವ್ಯಾಪಾರಿಗಳಿಗೆ ಬಿಡಬಾರದು’ ಅಂತ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.
