Reliance: ಕೇಂದ್ರದ ಆ ಒಂದು ನಿರ್ಧಾರ ರಿಲಯನ್ಸ್ ಇಂಡಸ್ಟ್ರೀಸ್ (Reliance Industries) ಕಂಪನಿಯ ಮಾರುಕಟ್ಟೆ ಮೌಲ್ಯ ಇಂದು ಒಂದೇ ದಿನದಲ್ಲಿ 87 ಸಾವಿರ ಕೋಟಿ ರೂ. ಕುಸಿಯುವಂತೆ ಮಾಡಿದೆ.
ಭಾರತದಿಂದ ವಿದೇಶಗಳಿಗೆ ಸಂಸ್ಕರಿಸಿದ ತೈಲ ಮಾರಾಟವನ್ನು ತಡೆಯಲು ಕೇಂದ್ರ ಸರ್ಕಾರ ಮತ್ತೆ ವಿಂಡ್ಫಾಲ್ ತೆರಿಗೆಯನ್ನು ವಿಧಿಸಿದ ಕಾರಣ ರಿಲಯನ್ಸ್ ಇಂಡಸ್ಟ್ರೀಸ್ (Reliance Industries) ಕಂಪನಿಯ ಮಾರುಕಟ್ಟೆ ಮೌಲ್ಯ ಇಂದು ಒಂದೇ ದಿನದಲ್ಲಿ 87 ಸಾವಿರ ಕೋಟಿ ರೂ. ಕುಸಿದಿದೆ.
ಬೆಳಗ್ಗೆ 9:42ಕ್ಕೆ ಸೀತಾರಾಮನ್ ಎಕ್ಸ್ನಲ್ಲಿ ಈ ನಿರ್ಧಾರ ಪ್ರಕಟಿಸಿದ ಬೆನ್ನಲ್ಲೇ ರಿಲಯನ್ಸ್ ಷೇರುಗಳ ಮೌಲ್ಯ ಭಾರೀ ಕುಸಿತ ಕಾಣಲು ಆರಂಭವಾಯಿತು. ಬುಧವಾರ ಆರ್ಐಎಲ್ ಒಂದು ಷೇರು 1,413.10 ರೂ.ನಲ್ಲಿ ವ್ಯವಹಾರ ಮುಗಿಸಿದ್ದರೆ ಇಂದು 65 ರೂ. ಕುಸಿತಗೊಂಡು 1,348.10 ರೂ.ನಲ್ಲಿ ವ್ಯವಹಾರ ಕೊನೆಗೊಳಿಸಿತು.
18.24 ಲಕ್ಷ ಕೋಟಿ ರೂ. ಮಾರುಕಟ್ಟೆ ಮೌಲ್ಯ ಹೊಂದಿರುವ ರಿಲಯನ್ಸ್ ಇಂಡಸ್ಟ್ರೀಸ್ ಗುಜರಾತಿನ ಜಾಮ್ನಗರದಲ್ಲಿ ವಿಶ್ವ ಅತಿ ದೊಡ್ಡ ಸಂಸ್ಕರಣಾಗಾರವನ್ನು ತೆರೆದಿದೆ. ಜಾಮ್ನಗರದಲ್ಲಿರುವ ಅದರ ಎರಡು ಸಂಸ್ಕರಣಾಗಾರಗಳು ಸುಮಾರು 5 ಮಿಲಿಯನ್ ಟನ್ ಏರ್ ಟರ್ಬೈನ್ ಇಂಧನವನ್ನು ಉತ್ಪಾದಿಸುತ್ತವೆ, ಅದರಲ್ಲಿ ಹೆಚ್ಚಿನ ಭಾಗವನ್ನು ರಫ್ತು ಮಾಡಲಾಗುತ್ತದೆ. ಒಟ್ಟಾರೆಯಾಗಿ ಭಾರತದ ಒಟ್ಟು ಎಟಿಎಫ್ನ ನಾಲ್ಕನೇ ಒಂದು ಭಾಗವನ್ನು ಉತ್ಪಾದಿಸುತ್ತದೆ.
