JEE ಮುಖ್ಯ ಪರೀಕ್ಷೆ 2025 ಮಾದರಿ ಬದಲು, Section B ಯಲ್ಲಿ ಇನ್ಮುಂದೆ ಆಪ್ಷನಲ್ ಪ್ರಶ್ನೆಗಳು ಇರಲ್ಲ !

NTA (JEE): ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ (NTA) JEE ಮುಖ್ಯ ಪರೀಕ್ಷೆ-2025 ರ ಮಾದರಿಗೆ ಗಮನಾರ್ಹವಾದ ಪರಿಷ್ಕರಣೆ ಮಾಡಿದೆ. JEE ಮುಖ್ಯ ಪರೀಕ್ಷೆಯ ಪ್ರಶ್ನೆ ಪತ್ರಿಕೆಗಳ ಸೆಕ್ಷನ್ ಬಿ ಇನ್ನು ಮುಂದೆ ಐಚ್ಛಿಕ ಪ್ರಶ್ನೆಗಳನ್ನು ಒಳಗೊಂಡಿರುವುದಿಲ್ಲ. ಈ ಬದಲಾವಣೆಯು ಇಂಜಿನಿಯರಿಂಗ್ (BE/BTech, ಪೇಪರ್ 1) ಮತ್ತು ಆರ್ಕಿಟೆಕ್ಚರ್ ಮತ್ತು ಪ್ಲಾನಿಂಗ್ (BArch/B Planning, Paper 2) ಪರೀಕ್ಷೆಗಳಿಗೆ ಅನ್ವಯಿಸುತ್ತದೆ ಎಂದು NTA ತಿಳಿಸಿದೆ. ಹಾಗಾಗಿ ಬರುವ JEE ಮುಖ್ಯ ಪರೀಕ್ಷೆ-2025 ಇನ್ನಷ್ಟು ಕಠಿಣವೆನಿಸಲಿದೆ.

ಅಲ್ಲದೆ, JEE ಮೇನ್ 2025 ರ ತನ್ನ ಅಧಿಕೃತ ವೆಬ್‌ಸೈಟ್ jeemain.nta.ac.in ಎಂದು NTA ಹೇಳಿದೆ. ಜತೆಗೆ JEE ಮೇನ್ 2025 ರ ನೋಂದಣಿ ಪ್ರಕ್ರಿಯೆಯು ಶೀಘ್ರದಲ್ಲೇ ಪ್ರಾರಂಭವಾಗುತ್ತದೆ. ನೋಂದಣಿ ಮತ್ತು ಪರೀಕ್ಷೆಯ ವೇಳಾಪಟ್ಟಿಯ ಕುರಿತು ಹೆಚ್ಚಿನ ವಿವರಗಳು ಸರಿಯಾದ ಸಮಯದಲ್ಲಿ ಲಭ್ಯವಿರುತ್ತವೆ ಎಂದು ನ್ಯಾಷನಲ್ ಟೆಸ್ಟಿಂಗ್ ಏಜೆನ್ಸಿ ತಿಳಿಸಿದೆ.

ಈ ಹಿಂದೆ, ಜೆಇಇ ಮೇನ್‌ಗೆ ಪರೀಕ್ಷೆಗೆ ಬರೆಯುವ ವಿದ್ಯಾರ್ಥಿಗಳಿಗೆ ಸೆಕ್ಷನ್ ಬಿ ಯಲ್ಲಿನ (ಪ್ರತಿ ವಿಷಯದ) 10 ನ್ಯುಮೇರಿಕಲ್ ಪ್ರಶ್ನೆಗಳಲ್ಲಿ ಯಾವುದೇ 5 ಕ್ಕೆ ಉತ್ತರಿಸಲು ಅವಕಾಶವನ್ನು ನೀಡಲಾಗಿತ್ತು. ಸಾಂಕ್ರಾಮಿಕ ರೋಗ ಕೊರೋನಾದ ಕಾಲದಲ್ಲಿ ವಿದ್ಯಾರ್ಥಿಗಳಿಗೆ ಉಂಟಾದ ತೊಂದರೆಗಳನ್ನು ಸರಿಹೊಂದಿಸಲು ಈ ಮಾದರಿಯನ್ನು 2021 ರಲ್ಲಿ ಪರಿಚಯಿಸಲಾಯಿತು. ಅದು ಇಲ್ಲಿಯತನಕ ಮುಂದುವರೆದಿದೆ. ಇನ್ನು ಮುಂದೆ JEE ಮುಖ್ಯ ಪರೀಕ್ಷೆ 2025 ರಿಂದ ಪ್ರಾರಂಭಿಸಿ, ಈ ಆಯ್ಕೆಯನ್ನು ಶಾಶ್ವತವಾಗಿ ತೆಗೆದುಹಾಕಲಾಗು10 ಪ್ರಶ್ನೆಗಳು ಕಡ್ಡಾಯವಾಗಿರುತ್ತದೆ.

“05 ಮೇ 2023 ರಂದು ಸಾರ್ವಜನಿಕ ಆರೋಗ್ಯ ತುರ್ತು ಪರಿಸ್ಥಿತಿಯ ಅಂತ್ಯ ಎಂದು COVID-19 ಕುರಿತು UN ವಿಶ್ವ ಆರೋಗ್ಯ ಸಂಸ್ಥೆ (WHO) ಘೋಷಿಸಿದಾಗಿನಿಂದ, ಪ್ರಶ್ನೆಗಳ ಐಚ್ಛಿಕ ಆಯ್ಕೆಯನ್ನು ನಿಲ್ಲಿಸಲು ನಿರ್ಧರಿಸಲಾಗಿತ್ತು. ಅಲ್ಲಿ ವಿಭಾಗ B ಪ್ರತಿ ವಿಷಯಕ್ಕೆ ಕೇವಲ 5 ಪ್ರಶ್ನೆಗಳನ್ನು ಒಳಗೊಂಡಿರುತ್ತದೆ ಮತ್ತು ಅಭ್ಯರ್ಥಿಗಳು JEE (ಮುಖ್ಯ ಪರೀಕ್ಷೆ) 2025 ರಲ್ಲಿ ಆಯ್ಕೆಗೆ ಯಾವುದೇ ಆಯ್ಕೆಗಳಿಲ್ಲದೆ ಎಲ್ಲಾ 5 ಪ್ರಶ್ನೆಗಳನ್ನು ಪ್ರಯತ್ನಿಸಬೇಕಾಗುತ್ತದೆ. ಪೇಪರ್ 1 (ಬಿ.ಇ./ಬಿ. ಟೆಕ್), ಪೇಪರ್ 2 ಎ (ಬಿ ಆರ್ಚ್) ಮತ್ತು ಪೇಪರ್ 2 ಬಿ (ಬಿ ಪ್ಲಾನಿಂಗ್) ಗೆ ಇದು ಅನ್ವಯ ಎಂದು ”ಎನ್‌ಟಿಎ ಅಧಿಸೂಚನೆಯಲ್ಲಿ ಹೇಳಲಾಗಿದೆ.

ಜೆಇಇ ಮೇನ್, ಇಂಜಿನಿಯರಿಂಗ್ ಪರೀಕ್ಷೆಗಳಿಗೆ ರಾಷ್ಟ್ರೀಯ ಮಟ್ಟದ ಪ್ರವೇಶ ಪರೀಕ್ಷೆ, ಮೂರು ವಿಭಾಗಗಳೊಂದಿಗೆ ಅದರ ರಚನೆಯನ್ನು ನಿರ್ವಹಿಸುತ್ತದೆ: ಭೌತಶಾಸ್ತ್ರ, ರಸಾಯನಶಾಸ್ತ್ರ ಮತ್ತು ಗಣಿತ ಪರೀಕ್ಷೆಯು 90 ಪ್ರಶ್ನೆಗಳನ್ನು ಒಳಗೊಂಡಿರುತ್ತದೆ – ಪ್ರತಿ ವಿಷಯದಿಂದ 30 ಮಾರ್ಕಿನ ಪ್ರಶ್ನೆಗಳು ಇರುತ್ತವೆ. ವಿಭಾಗ A ಪ್ರತಿ ವಿಷಯಕ್ಕೆ 20 ಬಹು ಆಯ್ಕೆಯ ಪ್ರಶ್ನೆಗಳನ್ನು (Multiple choice questions) ಒಳಗೊಂಡಿರುತ್ತದೆ, ಆದರೆ ವಿಭಾಗ B 5 ಕಡ್ಡಾಯ ನ್ಯೂಮೆರಿಕಲ್ ಪ್ರಶ್ನೆಗಳನ್ನು ಹೊಂದಿರುತ್ತದೆ. ಪರೀಕ್ಷೆಯ ಒಟ್ಟು ಅವಧಿ ಮೂರು ಗಂಟೆಗಳಿರುತ್ತದೆ.