Railways: ಭಾರತೀಯ ರೈಲು ಬೋಗಿಗಳ ಸ್ವಚ್ಛತೆಯ ಹೊಸ ಅಧ್ಯಾಯ – ಸ್ವದೇಶಿ ಡೋನ್ ತಂತ್ರಜ್ಞಾನ ಬಳಕೆಯ ಪರೀಕ್ಷೆ ಯಶಸ್ವಿ

Railways: ಭಾರತೀಯ ರೈಲ್ವೆ ಮೂಲಸೌಕರ್ಯ ನವೀಕರಣದತ್ತ ದೊಡ್ಡ ಹೆಜ್ಜೆ ಇಟ್ಟಿದ್ದು, ಈಗ ಸ್ವದೇಶಿ ಡೋನ್ ತಂತ್ರಜ್ಞಾನವನ್ನು ಬಳಸಿ ರೈಲು ಬೋಗಿಗಳನ್ನು ತೊಳೆಯುವ ಮತ್ತು ನಿರ್ವಹಿಸುವ ಹೊಸ ಯುಗವನ್ನು ಪ್ರಾರಂಭಿಸುತ್ತಿದೆ. ಗುಜರಾತ್‌ನ ಉಧ್ಯಾ-ಬ್ರಹ್ಮಪುರ ಅಮೃತ್‌ ಭಾರತ್ ಎಕ್ಸಪ್ರೆಸ್ ರೈಲು ಇತ್ತೀಚೆಗೆ ಈ ಪ್ರಯೋಗಾತ್ಮಕ ಯೋಜನೆಯ ಭಾಗವಾಗಿ ಪ್ರಥಮ ಬಾರಿಗೆ ಹೆಚ್ಚಿನ ಒತ್ತಡದ ಡೋನ್‌ಗಳ ಮೂಲಕ ಸಂಪೂರ್ಣ ತೊಳೆಯುವ ಕಾರ್ಯಾಚರಣೆಗೆ ಒಳಪಟ್ಟಿತು.

ಇದು ಭಾರತದ ರೈಲ್ವೆ ಇತಿಹಾಸದಲ್ಲಿ ವಿಶಿಷ್ಟ ಘಟನೆ ಎನ್ನಬಹುದು, ಏಕೆಂದರೆ ಈವರೆಗೂ ರೈಲು ಬೋಗಿಗಳನ್ನು ತೊಳೆಯುವುದು ಹಸ್ತಚಾಲಿತ ಶ್ರಮಾಧಾರಿತ ವಿಧಾನಗಳ ಮೂಲಕ ನಡೆಯುತ್ತಿತ್ತು. ಆದರೆ ಈ ಹೊಸ ಡೋನ್ ವಿಧಾನವು ಸಮಯ, ಶ್ರಮ ಮತ್ತು ವೆಚ್ಚ ಮೂರೂ ಕಡೆಗಳಲ್ಲಿ ದೊಡ್ಡ ಬದಲಾವಣೆಯನ್ನು ತರುತ್ತಿದೆ.

ಪ್ರಾಯೋಗಿಕ ಪರೀಕ್ಷೆಯಲ್ಲಿ ದಾಖಲೆ ಸಮಯದಲ್ಲಿ 25 ಬೋಗಿಗಳ ಶುದ್ದೀಕರಣ: ಸೂರತೆ ಮತ್ತು ಉಧ್ಯಾ ರೈಲ್ವೆ ನಿಲ್ದಾಣಗಳಲ್ಲಿ ನಡೆಸಲಾದ ಪ್ರಾಯೋಗಿಕ ಪರೀಕ್ಷೆಯಲ್ಲಿ, ವಿಶೇಷ ವಾಗಿ ವಿನ್ಯಾಸಗೊಳಿಸಿದ ಡೋನ್ ವ್ಯವಸ್ಥೆ ಕೇವಲ 30 ನಿಮಿಷಗಳಲ್ಲಿ 25 ಬೋಗಿಗಳನ್ನು ಶುದ್ದೀಕರಿಸಿತು. ಸಾಮಾನ್ಯವಾಗಿ 2.5 ರಿಂದ 3 ಗಂಟೆಗಳವರೆಗೆ ಹಿಡಿಯುವ ಕೈಯಿಂದ ತೊಳೆಯುವ ಪ್ರಕ್ರಿಯೆಯನ್ನು ಇದು ಗಣನೀಯವಾಗಿ ಕಡಿತಗೊಳಿಸಿದೆ.

ಡೋನ್ ಅನ್ನು ಬೋಗಿಯ ಎತ್ತರಕ್ಕೆ ಹಾರಿಸಿ, ಹೆಚ್ಚಿನ ಒತ್ತಡದ ನೀರಿನ ಸ್ಪೇ ಮೂಲಕ ಸಂಪೂರ್ಣ ತೊಳೆಯುವ ಕಾರ್ಯಾಚರಣೆ ನಡೆಸಲಾಯಿತು. ಈ ವಿಧಾನವು ವೇಗದ ಜೊತೆಗೆ ಹೆಚ್ಚಿನ ಪರಿಣಾಮಕಾರಿತ್ವ ಮತ್ತು ಕಡಿಮೆ ಶ್ರಮದಾಯಕತೆ ನೀಡುತ್ತದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

ಕೇವಲ ಬೋಗಿಗಳಿಗೆ ಮಾತ್ರವಲ್ಲ: ಈ ಕಸ್ಟಮ್-ಮೇಡ್ ಡ್ರೋನ್ ಕೇವಲ ರೈಲು ಬೋಗಿಗಳನ್ನು ತೊಳೆಯುವಷ್ಟರಲ್ಲದೆ, ರೈಲ್ವೆ ನಿಲ್ದಾಣಗಳಲ್ಲಿ ಇರುವ ರೂಫಿಂಗ್ ಶೀಟ್ಗಳು, ಎತ್ತರದ ಕಟ್ಟಡಗಳು ಮತ್ತು ತಲುಪಲು ಕಷ್ಟವಾದ ಮೂಲಸೌಕರ್ಯಗಳ ಶುದ್ದೀಕರಣಕ್ಕೂ ಬಳಕೆಯಾಗ ಬಹುದು. ಇದರಿಂದ ರೈಲ್ವೆಯ ನಿರ್ವಹಣಾ ಕಾರ್ಯಾಚರಣೆಯ ವ್ಯಾಪ್ತಿ ಮತ್ತಷ್ಟು ವಿಸ್ತಾರವಾಗಲಿದೆ.

ಸ್ಥಳೀಯ ಯುವಕರ ಹೊಸ ಆವಿಷ್ಕಾರ: ರೈಲ್ವೆ ಮೂಲಗಳ ಪ್ರಕಾರ, ಈ ತಂತ್ರ ಜ್ಞಾನವನ್ನು ಸೂರತ್‌ನ ಇಬ್ಬರು ಯುವ ನವೋದ್ಯಮಿಗಳು ಅಭಿವೃದ್ಧಿಪಡಿಸಿದ್ದಾರೆ. ಆಶ್ಚರ್ಯದ ಸಂಗತಿಯೇನಂದರೆ, ಈ ವ್ಯವಸ್ಥೆಯ ಒಟ್ಟು ಅಂದಾಜು ವೆಚ್ಚ ಕೇವಲ 3-4 ಲಕ್ಷ ರೂ. ಮಾತ್ರವಾಗಿದೆ. ಈ ಕಡಿಮೆ ವೆಚ್ಚದಲ್ಲಿ ಪ್ರಭಾವಶಾಲಿ ಫಲಿತಾಂಶ ನೀಡುತ್ತಿರುವುದು ರೈಲ್ವೆ ಅಧಿ ಕಾರಿಗಳಿಗೆ ಖುಷಿಯ ವಿಷಯವಾಗಿದೆ.

ಇದನ್ನೂ ಓದಿ;Nobel Prize: ವೈದ್ಯಕೀಯ ಕ್ಷೇತ್ರದಲ್ಲಿನ ಮಾನವೀಯ ಕೆಲಸಕ್ಕೆ ಮೂವರಿಗೆ ನೊಬೆಲ್‌ ಪ್ರಶಸ್ತಿ ಘೋಷಣೆ

ಶೀಘ್ರದಲ್ಲೇ ವ್ಯಾಪಕ ಬಳಕೆ ಸಾಧ್ಯತೆ: ಈ ಪ್ರಯೋಗದ ಸಮಯದಲ್ಲಿ ಹಿರಿಯ ರೈಲ್ವೆ ಅಧಿಕಾರಿಗಳು ಹಾಜರಿದ್ದು, ಫಲಿತಾಂಶಗಳಿಂದ ತೀವ್ರವಾಗಿ ಪ್ರಭಾವಿತರಾಗಿದ್ದಾರೆ. ಇದನ್ನೆತ್ತಿ ಅವರು ರೈಲ್ವೆ ಮಂಡಳಿಗೆ ಅಧಿಕೃತ ಅನುಮೋದನೆ ಗಾಗಿ ಪ್ರಸ್ತಾವನೆ ಕಳುಹಿಸಿದ್ದಾರೆ. ಅನುಮೋದನೆ ದೊರೆತರೆ, ಡೋನ್‌ಗಳು ಶೀಘ್ರದಲ್ಲೇ ಭಾರತೀಯ ರೈಲ್ವೆಯ ನಿರ್ವಹಣಾ ಪಡೆಯಲ್ಲಿ, ವಿಶೇಷವಾಗಿ ಎಕ್ಸ್‌ಪ್ರೆಸ್ ಹಾಗೂ ದೀರ್ಘ ಪ್ರಯಾಣದ ರೈಲುಗಳಲ್ಲಿ, ನಿಂರುಮಿತವಾಗಿ ಬಳಸಲಾಗುವ ಸಾಧ್ಯತೆ ಇದೆ.