Robot: ರೋಬೋಟ್‌ನಿಂದಲೇ ಮಗುವಿನ ಜನನ: ಜಗತ್ತಿನ ಮೊದಲ ಕೃತಕ ಗರ್ಭಧಾರಣೆಗೆ ರೆಡಿಯಾದ ಚೀನಾ!

Robot: ಭವಿಷ್ಯದಲ್ಲಿ ಹೆರಿಗೆಗೆ ಮಹಿಳೆಯರ ಅಗತ್ಯ ಇರಲಿಕ್ಕಿಲ್ಲ. ಯಾಕೆಂದರೆ, ಹ್ಯೂಮನಾಯ್ಡ್ ರೋಬೋಟ್‌ಗಳು (robot) ಮಾನವ ಮಗುವಿಗೆ ಜನ್ಮ ನೀಡುವ ಸಾಧ್ಯತೆಯಿದೆ ಎಂದು ಚೀನಾದ ವಿಜ್ಞಾನಿಗಳು ಹೇಳಿದ್ದಾರೆ.

ಗುವಾಂಗ್‌ಝೌನಲ್ಲಿರುವ ಕೈವಾ ಟೆಕ್ನಾಲಜಿಯ ಡಾ. ಜಾಂಗ್ ಕಿಫೆಂಗ್ ನೇತೃತ್ವದಲ್ಲಿ ಈ ಯೋಜನೆಯು ಕಾರ್ಯರೂಪಕ್ಕೆ ಬಂದಿದೆ. ಈ ಸಂಶೋಧನೆಯ ಮುಖ್ಯ ಉದ್ದೇಶ ಕೃತಕ ಗರ್ಭದೊಳಗೆ ನೈಸರ್ಗಿಕ ಗರ್ಭಧಾರಣೆಯನ್ನು ಮಾಡೋದು. ರೋಬೋಟ್‌ನ ದೇಹದೊಳಗೆ ಕೃತಕ ಗರ್ಭದಂತಹ ಜಾಗವನ್ನು ಸೃಷ್ಟಿಸಿ, ಅದರೊಳಗೆ ಭ್ರೂಣವನ್ನು ಇರಿಸಲಾಗುತ್ತದೆ. ಈ ಭ್ರೂಣವು ಒಂಬತ್ತು ತಿಂಗಳುಗಳ ಕಾಲ ಕೃತಕ ಆಮ್ನಿಯೋಟಿಕ್ ದ್ರವದಿಂದ ತುಂಬಿದ ಪರಿಸರದಲ್ಲಿ ಟ್ಯೂಬ್ ಮೂಲಕ ಪೋಷಕಾಂಶಗಳನ್ನು ನೀಡಲಾಗುತ್ತೆ.

ಡಾ. ಜಾಂಗ್ ಹೇಳಿರುವ ಪ್ರಕಾರ, ಮುಂದಿನ ವರ್ಷವೇ ಸುಮಾರು ₹12 ಲಕ್ಷಕ್ಕೂ ಅಧಿಕ ಬೆಲೆಯ ಮೂಲ ಮಾದರಿ (ಪ್ರೋಟೋಟೈಪ್) ಮಾರಾಟಕ್ಕೆ ಬರುವ ಸಾಧ್ಯತೆ ಇದೆ. ಇದು ಗರ್ಭಧಾರಣೆಯಿಂದ ಹಿಡಿದು ಹೆರಿಗೆಯವರೆಗಿನ ಸಂಪೂರ್ಣ ಪ್ರಕ್ರಿಯೆಯನ್ನು ಯಶಸ್ವಿಯಾಗಿ ಪುನರಾವರ್ತಿಸಬಹುದು ಎಂದು ಅವರು ತಿಳಿಸಿದ್ದಾರೆ.

ಸವಾಲುಗಳು ಮತ್ತು ನೈತಿಕ ಚರ್ಚೆಗಳು

ಈ ತಂತ್ರಜ್ಞಾನವು ಚೀನಾದಲ್ಲಿ ಹೆಚ್ಚುತ್ತಿರುವ ಬಂಜೆತನದ ಸಮಸ್ಯೆಗೆ ಪರಿಹಾರ ನೀಡಬಹುದು ಮತ್ತು ಗರ್ಭಧಾರಣೆಯ ಅಪಾಯಗಳು ಹಾಗೂ ದೈಹಿಕ ಒತ್ತಡದಿಂದ ಮಹಿಳೆಯರನ್ನು ಮುಕ್ತಗೊಳಿಸಬಹುದು ಎಂದು ಹೇಳಲಾಗಿದೆ.

Ration card: ಅಧಿವೇಶನ ಮುಗಿದ ನಂತರ ಅನರ್ಹ ಪಡಿತರ ಚೀಟಿ ರದ್ದತಿಗೆ ಕ್ರಮ: ಸಚಿವ ಕೆ.ಎಚ್ ಮುನಿಯಪ್ಪ