H D kumarswamy: ಅಶ್ಲೀಲ ವಿಡಿಯೋ ಪ್ರಕರಣದ ಸುಳಿಯಲ್ಲಿ ಸಿಲುಕಿ, ವಿದೇಶಕ್ಕೆ ಹಾರಿ ಸುಮಾರು ಒಂದು ತಿಂಗಳಿಂದ ನಾಡಿನ ಜನರಿಗೆ, ಪೋಲೀಸರಿಗೆ ಚಳ್ಳೆ ಹಣ್ಣು ತಿನ್ನಿಸುತ್ತಿರುವ ಪ್ರಜ್ವಲ್ ರೇವಣ್ಣ(Prajwal Revanna) ವಿಡಿಯೋ ಮೂಲಕ ಕೊನೆಗೂ ಪ್ರತ್ಯಕ್ಷ ಆಗಿದ್ದಾರೆ. ಈ ಬೆನ್ನಲ್ಲೇ ವಿಡಿಯೋ ಕುರಿತು ಕುಮಾರಸ್ವಾಮಿ(H D kumarswamy) ಅವರು ಪ್ರತಿಕ್ರಿಯೆ ನೀಡಿದ್ದಾರೆ.
ಇದನ್ನೂ ಓದಿ: Google : ಗೂಗಲ್ ನಲ್ಲಿ ಹುಡುಗಿಯರು ಹೆಚ್ಚು ಹುಡುಕೋದು ಇದನ್ನೇ !!
ಎಸ್‌ಐಟಿ ಮುಂದೆ ಶುಕ್ರವಾರ ಹಾಜರಾಗುತ್ತೇನೆಂದು ಪ್ರಜ್ವಲ್ ರೇವಣ್ಣ ವಿಡಿಯೋ ಬಿಡುಗಡೆ ಮಾಡಿರುವುದು ನಮಗೆ ಸ್ವಲ್ಪ ಸಮಾಧಾನ ತಂದಿದೆ. ನಾನು ಕೆಲ ದಿನಗಳ ಹಿಂದೆ ನನ್ನ ಮೇಲೆ, ದೇವೇಗೌಡರ(H D Devegowda)ಮೇಲೆ ಗೌರವ ಇದ್ದರೆ ಬಂದು ಸೆರೆಂಡರ್ ಆಗು ಎಂದಿದ್ದೆ. ಅದಕ್ಕೆ ಅವನು ಬೆಲೆ ಕೊಟ್ಟಿದ್ದಾನೆ ಎನಿಸುತ್ತದೆ ಎಂದು ಮಾಜಿ ಮುಖ್ಯಮಂತ್ರಿ ಎಚ್.ಡಿ.ಕುಮಾರಸ್ವಾಮಿ ಹೇಳಿದ್ದಾರೆ.
ಅಲ್ಲದೆ ನನ್ನ ವಿರುದ್ದ ಷಡ್ಯಂತ್ರ ಮಾಡಲಾಗಿದೆ ತನಿಖೆಯಿಂದಲೇ ನಾನು ಹೊರಗೆ ಬರುತ್ತೇನೆಂದು ಪ್ರಜ್ವಲ್ ಹೇಳಿಕೆ ಕುರಿತು ಪ್ರತಿಕ್ರಿಯಿಸಿದ ಕುಮಾರಸ್ವಾಮಿ, ”ತನಿಖೆಯಲ್ಲಿ ಆ ಎಲ್ಲಾ ಸತ್ಯಾಂಶಗಳು ಹೊರಗೆ ಬರಬೇಕು, ಯಾರು ಯಾರ ಪಾತ್ರಗಳು ಇವೆ ಅವೆಲ್ಲಾ ಹೊರಗೆ ಬರಬೇಕು, ಎಸ್‌ಐಟಿ ತನಿಖೆಯನ್ನು ಮಾಡುತ್ತಿರುವರು ಅದನ್ನು ಎಲ್ಲಿಗೆ ತಂದು ನಿಲ್ಲಿಸುತ್ತಾರೆ ಕಾದು ನೋಡೋಣ ಎಂದರು.
