Bathroom – Washroom: ನೀವು ಔಟಿಂಗ್ ಹೋದಲ್ಲಿ ಬಾತ್ ರೂಂ, ವಾಶ್ ರೂಂ, ರೆಸ್ಟ್ ರೂಂ, ಟಾಯ್ಲೆಟ್ ಬೋರ್ಡ್ ನೋಡಿ ಕನ್ಫ್ಯೂಸ್ ಆಗದಿರಿ!
Bathroom – Washroom: ಬಾತ್ರೂಮ್, ವಾಶ್‌ರೂಮ್, ಟಾಯ್ಲೆಟ್, ರೆಸ್ಟ್‌ರೂಮ್ ಇವು ಇಂಗ್ಲಿಷ್ ಭಾಷೆಯ ಪದಳಾಗಿದ್ದು ಇವು ನಾವು ದಿನನಿತ್ಯ ಬಳಸುವ ಪದವಾಗಿದೆ. ಆದ್ರೆ ಕೆಲವರಿಗೆ ಬಾತ್ರೂಮ್, ವಾಶ್ ರೂಂ, ಟಾಯ್ಲೆಟ್, ರೆಸ್ಟ್ ರೂಂ ನಡುವಿನ ವ್ಯತ್ಯಾಸವೇನು ಎಂಬ ಗೊಂದಲ ಇದೆ.
ಪ್ರತಿ ಮನೆಯಲ್ಲೂ ಸ್ನಾನಗೃಹ, ಶೌಚಾಲಯ ಎನ್ನುವುದು ಇದ್ದೇ ಇರುತ್ತದೆ. ಆದರೆ ಅನೇಕ ಜನರು ಸ್ನಾನಗೃಹ ಅಥವಾ ಶೌಚಾಲಯವನ್ನು (Bathroom – Washroom) ವಾಶ್ ರೂಂ ಅಥವಾ ರೆಸ್ಟ್ ರೂಂ ಎಂದು ಕರೆಯುತ್ತಾರೆ. ಬಾತ್ರೂಮ್, ವಾಶ್‌ರೂಮ್, ರೆಸ್ಟ್‌ರೂಮ್ ಮತ್ತು ಟಾಯ್ಲೆಟ್ ಅನ್ನು ಒಂದೇ ಎಂದು ಪರಿಗಣಿಸುತ್ತಾರೆ. ಆದರೆ ಈ ನಾಲ್ಕು ವಿಷಯಗಳು ವಿಭಿನ್ನವಾಗಿವೆ. ಆದ್ದರಿಂದ ಬಾತ್ರೂಮ್, ವಾಶ್ ರೂಂ, ಟಾಯ್ಲೆಟ್ ಮತ್ತು ರೆಸ್ಟ್ ರೂಮ್‌ ನಡುವಿನ ವ್ಯತ್ಯಾಸವನ್ನು ಇಲ್ಲಿ ವಿವರಿಸಲಾಗಿದೆ.
ಇದನ್ನೂ ಓದಿ: Anant Ambani: ಆನೆಗಳನ್ನು ರಕ್ಷಿಸಲು 3,500 ಕಿ.ಮೀ ಸಂಚರಿಸಿದ ಅನಂತ್ ಅಂಬಾನಿ ತಂಡ : ನೆಟ್ಟಿಗರಿಂದ ಬಾರಿ ಮೆಚ್ಚುಗೆ
ಬಾತ್ರೂಮ್ : ಸ್ನಾನಗೃಹವು ಸ್ನಾನದ ಸ್ಥಳವಾಗಿದೆ. ಕಮೋಡ್ ಅಥವಾ ಟಾಯ್ಲೆಟ್ ಸೀಟ್ ಇರುವುದಿಲ್ಲ. ಅನೇಕ ಜನರು ತಮ್ಮ ಸ್ನಾನಗೃಹಗಳಲ್ಲಿ ಕಮೋಡ್‌ಗಳನ್ನು ಇರಿಸುವುದಿಲ್ಲ. ಸ್ನಾನಗೃಹವು ನೀವು ಸ್ನಾನದ ಸೌಲಭ್ಯಗಳನ್ನು ಪಡೆಯುವ ಸ್ಥಳವಾಗಿದೆ. ಇಲ್ಲಿ ಸೋಪು, ಬಕೆಟ್, ಶವರ್, ಬಾತ್ ಟಬ್ ಎಲ್ಲವೂ ಇರುತ್ತದೆ. ಸ್ನಾನಗೃಹಗಳನ್ನು ಪುರುಷರು ಮತ್ತು ಮಹಿಳೆಯರು ಬಳಸಬಹುದು, ಆದರೆ ಶೌಚಾಲಯಗಳು ಪುರುಷರು ಮತ್ತು ಮಹಿಳೆಯರಿಗೆ ಪ್ರತ್ಯೇಕವಾಗಿರುತ್ತದೆ. ಹೀಗಾಗಿ ಬಾತ್ರೂಮ್ ಎಂದರೆ ಈ ಕೆಲ ವಿಚಾರಗಳನ್ನು ಮಾತ್ರ ಹೊಂದಿರುತ್ತದೆ.
ವಾಶ್ ರೂಂ: ವಾಶ್‌ರೂಮ್ ಎಂದರೆ ನೀವು ವಾಶ್ ಬೇಸಿನ್, ಟಾಯ್ಲೆಟ್ ಸೀಟ್, ಕನ್ನಡಿ, ಬಟ್ಟೆ ಬದಲಾಯಿಸುವ ಪ್ರದೇಶ ಇತ್ಯಾದಿಗಳನ್ನು ಕಾಣುವ ಕೋಣೆಯಾಗಿದೆ. ಆದರೆ ಸ್ನಾನದ ಸೌಲಭ್ಯ ಇರುವುದಿಲ್ಲ. ಮಾಲ್‌ಗಳು, ಕಚೇರಿಗಳು, ಸಿನಿಮಾ ಹಾಲ್‌ಗಳಲ್ಲಿ ಕೇವಲ ವಾಶ್‌ರೂಮ್‌ಗಳಿರುತ್ತದೆ. ಸ್ನಾನಗೃಹಗಳಿರುವುದಿಲ್ಲ. ನೀವು ಇಲ್ಲಿ ಎಲ್ಲಿಯೂ ಸ್ನಾನದ ತೊಟ್ಟಿ ಅಥವಾ ಶವರ್ ಸೌಲಭ್ಯವನ್ನು ಕಾಣುವುದಿಲ್ಲ. ಸಾಮಾನ್ಯವಾಗಿ, ಮಾಲ್‌ಗಳು, ಕಚೇರಿಗಳು ಪುರುಷರು ಮತ್ತು ಮಹಿಳೆಯರಿಗೆ ಪ್ರತ್ಯೇಕ ವಾಶ್‌ರೂಮ್‌ಗಳನ್ನು ಹೊಂದಿರುತ್ತವೆ.
ರೆಸ್ಟ್‌ರೂಮ್ : ಇದೊಂದು ಅಮೇರಿಕನ್ ಪದವಾಗಿದೆ. ಅಮೆರಿಕಾದಲ್ಲಿ ಜನರು ರೆಸ್ಟ್‌ರೂಮ್‌ಗಳನ್ನು ವಿಶ್ರಾಂತಿ ಕೊಠಡಿ ಎಂದು ಕರೆಯುತ್ತಾರೆ. ನಮ್ಮ ದೇಶದಲ್ಲಿ ವಾಶ್ ರೂಂ ಎಂಬ ಪದವನ್ನು ರೆಸ್ಟ್ ರೂಂ ಎನ್ನುವುದಕ್ಕಿಂತ ಹೆಚ್ಚಾಗಿ ಬಳಸುತ್ತಾರೆ. ವಾಶ್‌ರೂಮ್ ಅನ್ನು ಬ್ರಿಟಿಷ್ ಇಂಗ್ಲಿಷ್‌ನಲ್ಲಿ ಹೆಚ್ಚು ಸೂಕ್ತವೆಂದು ಪರಿಗಣಿಸಲಾಗಿದೆ, ಇದು ಭಾರತದಲ್ಲಿಯೂ ಸಹ ಪ್ರಚಲಿತವಾಗಿದೆ.
ಶೌಚಾಲಯ: ಟಾಯ್ಲೆಟ್ ಅಲ್ಲಿ ನೀವು ಮಲ- ಮೂತ್ರ ವಿಸರ್ಜನೆ ಮಾಡಬಹುದು. ಆದ್ರೆ ಬಟ್ಟೆ ಬದಲಾಯಿಸುವ ಮತ್ತು ಕೈ ತೊಳೆಯುವ ಸೌಲಭ್ಯಗಳು ಇಲ್ಲಿ ಇರುವುದಿಲ್ಲ .
