Clothes Tip: ಬಟ್ಟೆ ಮೇಲಿನ ಕಲೆಯನ್ನು ಹೋಗಲಾಡಿಸಲು ಇಲ್ಲಿದೆ ಸಿಂಪಲ್ ಟಿಪ್ಸ್

Clothes Tip: ಬಟ್ಟೆಯ ಮೇಲೆ ಕಲೆ ಎಲ್ಲಿ, ಯಾವ ಸಮಯಕ್ಕೆ, ಹೇಗೆ ಮೂಡುತ್ತದೆ ಗೊತ್ತಾಗುವುದಿಲ್ಲ. ಹಾಗೆಯೇ ಈ ಕಠಿಣ ಕಲೆಗಳು ಅಷ್ಟು ಸುಲಭಕ್ಕೆ ಮಾಯವಾಗುವುದಿಲ್ಲ. ಆದ್ರೆ ಈ ಟಿಪ್ಸ್ ( Clothes Tip) ಮೂಲಕ ಈಸಿಯಾಗಿ ಬಟ್ಟೆಯಲ್ಲಾದ ಕಲೆಯನ್ನು ರಿಮೂವ್ ಮಾಡಬಹುದು (Remove Stains From Clothes).

ಚಹಾ-ಕಾಫಿಯ ಕಲೆಗಳನ್ನು ತೆಗೆದುಹಾಕಲು ನೀವು ಬೆಚ್ಚಗಿನ ನೀರಿನ ಸಹಾಯವನ್ನು ತೆಗೆದುಕೊಳ್ಳಬಹುದು. ಇದಕ್ಕಾಗಿ, ಬಟ್ಟೆಯನ್ನು ಬಿಸಿ ನೀರಿನಲ್ಲಿ ಹಾಕಿ ಹದಿನೈದು ನಿಮಿಷಗಳ ಕಾಲ ಇಡಿ. ನಂತರ ತೊಳೆಯಿರಿ.

ಅಥವಾ ಕಾಫಿ ಕಲೆಯನ್ನು ತೆಗೆದುಹಾಕಲು ಕಲೆ ಬಿದ್ದಿರುವ ಜಾಗ ಒದ್ದೆ ಮಾಡಿಕೊಳ್ಳಿ, ನಂತರ ನೀವು ಕೆಲವು ಹನಿ ಬಿಳಿ ವಿನೆಗರ್ ಅನ್ನು ಡಿಟರ್ಜೆಂಟ್‌ ಪುಡಿಯೊಂದಿಗೆ ಕಲೆಯಾಗಿರುವ ಜಾಗದಲ್ಲಿ ಟೂತ್ ಬ್ರಷ್ ಬಳಸಿ ಉಜ್ಜಿದಾಗ ಆ ಗುರುತು ಸಂಪೂರ್ಣವಾಗಿ ಹೊರಟುಹೋಗುತ್ತದೆ. ಆದರೆ ತೊಳೆಯುವ ಮೊದಲು 5-6 ನಿಮಿಷಗಳ ಕಾಲ ಒಣಗಲು ಬಿಡಿ.

ಕೆಚಪ್ ಕಲೆ ತೆಗೆಯಲು ನೀವು ತಕ್ಷಣವೇ ಬಟ್ಟೆಯನ್ನು ನೀರಿನಲ್ಲಿ ನೆನೆಸಿ, ಸಾಬೂನಿನಿಂದ ತೊಳೆಯಿರಿ. ಸ್ಪಂಜನ್ನು ಬಳಸಿ ಕಲೆಗಳನ್ನು ಅಳಿಸಿ, ಕಲೆಗಳನ್ನು ತೆಗೆಯಲು ಬೇಕಾದರೆ ಹೈಡ್ರೋಜನ್ ಪೆರಾಕ್ಸೈಡ್ ಅನ್ನು ಬಳಸಬಹುದು.

ಅನೇಕ ಬಾರಿ ಎಣ್ಣೆ ಮತ್ತು ಜಿಡ್ಡಿನ ಕಲೆಗಳು ಸುಲಭವಾಗಿ ತೆಗೆಯಲಾಗದ ಬಟ್ಟೆಗಳ ಮೇಲೆ ಬೀಳುತ್ತವೆ. ಈ ಸಂದರ್ಭದಲ್ಲಿ, ನೀವು ನಿಂಬೆ ಮತ್ತು ಉಪ್ಪನ್ನು ಬಳಸಬಹುದು. ಇದಕ್ಕಾಗಿ ಮೊದಲು ನಿಂಬೆಹಣ್ಣನ್ನು ಕತ್ತರಿಸಿ ಅದಕ್ಕೆ ಉಪ್ಪು ಹಾಕಿ ಬಟ್ಟೆಯ ಕಲೆಯ ಮೇಲೆ ಉಜ್ಜಿ. ಇದು ಕೆಲವೇ ನಿಮಿಷಗಳಲ್ಲಿ ಬಟ್ಟೆಯ ಕಲೆಗಳನ್ನು ತೆಗೆದುಹಾಕುತ್ತದೆ.

ಬಟ್ಟೆಯ ಮೇಲೆ ಪಾನ್ ಮಸಾಲಾ ಅಥವಾ ಇತರೆ ಯಾವುದೇ ಕಲೆಗಳಿದ್ದರೆ ಅವುಗಳನ್ನು ತೆಗೆಯಲು ಮೊಸರನ್ನು ಬಳಸಬಹುದು. ಇದಕ್ಕಾಗಿ ಕಲೆಯಾದ ಜಾಗವನ್ನು ಮೊಸರು ಅಥವಾ ಮಜ್ಜಿಗೆಯಲ್ಲಿ ಅದ್ದಿ ಹತ್ತು ನಿಮಿಷ ಹಾಗೆಯೇ ಬಿಡಿ. ಇದರ ನಂತರ ಬಟ್ಟೆಯನ್ನು ಶುದ್ಧ ನೀರಿನಿಂದ ತೊಳೆಯಿರಿ. ಇದು ಬಟ್ಟೆಯಿಂದ ಕಲೆಗಳನ್ನು ತೆಗೆದುಹಾಕುತ್ತದೆ.

ಬಟ್ಟೆಯ ಮೇಲಿನ ಕಲೆಗಳನ್ನು ತೆಗೆದುಹಾಕಲು ನೀವು ಕಾಸ್ಟಿಕ್ ಸೋಡಾವನ್ನು ಸಹ ಬಳಸಬಹುದು. ಇದಕ್ಕಾಗಿ ಕಾಸ್ಟಿಕ್ ಸೋಡಾವನ್ನು ಸ್ವಲ್ಪ ನೀರಿಗೆ ಸೇರಿಸಿ ಮತ್ತು ಬಟ್ಟೆಯನ್ನು ಹತ್ತು ನಿಮಿಷಗಳ ಕಾಲ ಅದರಲ್ಲಿ ಹಾಕಿಡಿ. ನಂತರ ಅದನ್ನು ಹೊರತೆಗೆದು ಸಾಮಾನ್ಯ ನೀರಿನಿಂದ ತೊಳೆಯಿರಿ. ಇದು ಬಟ್ಟೆಯ ಮೇಲಿನ ಯಾವುದೇ ರೀತಿಯ ಕಲೆಗಳನ್ನು ನಿಮಿಷಗಳಲ್ಲಿ ತೆಗೆದುಹಾಕುತ್ತದೆ.

ಕೆಲವೊಮ್ಮೆ ಬಟ್ಟೆಯ ಮೇಲೆ ಕಲೆಗಳನ್ನು ಹೋಗಲಾಡಿಸುವುದು ಅಸಾಧ್ಯದ ಕೆಲಸದಂತೆ ತೋರುತ್ತದೆ. ಇದಕ್ಕಾಗಿ ನೀವು ಸೀಮೆ ಎಣ್ಣೆಯ ಸಹಾಯವನ್ನು ತೆಗೆದುಕೊಳ್ಳಬಹುದು. ಇದಕ್ಕಾಗಿ ಸೀಮೆಎಣ್ಣೆಯಲ್ಲಿ ಬಟ್ಟೆಯನ್ನು ಕಲೆಯಾದ ಜಾಗದಲ್ಲಿ ಅಪ್ಲೈ ಮಾಡಿ ಹತ್ತು ನಿಮಿಷ ಹಾಗೆಯೇ ಬಿಡಿ. ನಂತರ ಅದನ್ನು ತೆಗೆದುಕೊಂಡು ಸಾಮಾನ್ಯವಾಗಿ ಡಿಟರ್ಜೆಂಟ್​​ನಿಂದ ತೊಳೆಯಿರಿ. ಇದು ಕೆಲವೇ ನಿಮಿಷಗಳಲ್ಲಿ ಬಣ್ಣದ ಕಲೆಗಳನ್ನು ಮಾಯವಾಗಿಸುತ್ತದೆ.

ಇನ್ನು ಐಸ್ ಕ್ರೀಮ್ ಕಲೆಗಳನ್ನು ಅಮೋನಿಯಾ ಬಳಸಿ ಸ್ವಚ್ಛಗೊಳಿಸಬಹುದು. ಕೊಳಕಾಗಿದ್ದರೆ ಅಥವಾ ಬಟ್ಟೆಯ ಮೇಲೆ ರಕ್ತದ ಕಲೆಯಾಗಿದ್ದರೆ ಅದನ್ನು ಉಪ್ಪಿನಿಂದ ತೊಳೆಯಬೇಕು.

ಇದನ್ನೂ ಓದಿ:RSS: ಟಿಡಿಬಿ ಸುತ್ತೋಲೆ- ದೇವಸ್ಥಾನಗಳಲ್ಲಿ ಆರ್ ಎಸ್ ಎಸ್ ಚಟುವಟಿಕೆ ನಿಷೇಧ