Retirement Planning : ನಿವೃತ್ತಿ ಜೀವನವನ್ನು ಖುಷಿಯಾಗಿ ಕಳೆಯಲು ಈ ರೀತಿ ಯೋಜನೆ ರೂಪಿಸಿ!
![Retirement Planning](https://hosakannada.com/wp-content/uploads/2023/04/WhatsApp-Image-2023-04-07-at-12.26.19-PM.jpeg)
Retirement Planning : ಕಳೆದು ಹೋದ ದಿನಗಳಿಗೆ ಚಿಂತಿಸಿ ಫಲ ಇಲ್ಲ. ಆದರೆ ಇವತ್ತು ಅನ್ನೋದು ನಮಗೆ ಒಂದು ಹೊಸ ಅವಕಾಶ ಯಾಕೆಂದರೆ ಮುಂದಿನ ದಿನದ ಭವಿಷ್ಯದಲ್ಲಿ ಆರ್ಥಿಕ ಸಂಕಷ್ಟ ಎದುರಾಗದಂತೆ ಇಂದೇ ಸರಿಯಾದ ಯೋಜನೆಗಳಲ್ಲಿ ಹೂಡಿಕೆ ಮಾಡಬೇಕಾಗುತ್ತದೆ. ಪ್ರತಿಯೊಬ್ಬರಿಗೂ ಒತ್ತಡ ರಹಿತ ಜೀವನ ನಡೆಸಲು ನಿವೃತ್ತಿ ಯೋಜನೆ (Retirement Planning) ಅತ್ಯಗತ್ಯ. ಅದಲ್ಲದೆ ಹೂಡಿಕೆಯಲ್ಲಿ ಸುರಕ್ಷತೆಗೆ ಆದ್ಯತೆ ನೀಡುವುದರ ಜೊತೆಗೆ ಅದಕ್ಕಿಂತ ಹೆಚ್ಚು ರಿಟರ್ನ್ ಎಷ್ಟಿದೆ ಎಂಬ ಕಡೆ ಗಮನ ಹರಿಸಬೇಕು . ಯಾಕೆಂದರೆ ಇದರಿಂದ ನಿಮ್ಮ ಉಳಿದ ಜೀವನವನ್ನು ಸಂತೋಷದಿಂದ ಕಳೆಯಬಹುದು. ಮೊದಲು ನೀವು ಈ ಕೆಳಗಿನ ಮಾಹಿತಿ ಬಗ್ಗೆ ತಿಳಿಯಿರಿ.
![](https://hosakannada.com/wp-content/uploads/2024/07/First.jpeg)
ನೀವು ಸಾಧ್ಯವಾದಷ್ಟು ಬೇಗ ನಿವೃತ್ತಿ ಯೋಜನೆಯನ್ನು ಪ್ರಾರಂಭಿಸುವುದು ಉತ್ತಮ. ನೀವು ನಿವೃತ್ತಿಗಾಗಿ ಯೋಜನೆ ರೂಪಿಸುವಾಗ ಅನೇಕ ಜನರು ವೆಚ್ಚಗಳನ್ನು ಕಡಿಮೆ ಅಂದಾಜು ಮಾಡುತ್ತಾರೆ. ನಿಮ್ಮ ನಿವೃತ್ತಿ ಜೀವನವನ್ನು ನೀವು ಹೇಗೆ ಕಳೆಯಲು ಬಯಸುತ್ತೀರಿ ಎಂಬುದರ ಆಧಾರದ ಮೇಲೆ ವೆಚ್ಚಗಳನ್ನು ಲೆಕ್ಕ ಹಾಕಬೇಕು. ವಯಸ್ಸಾದಂತೆ ಆರೋಗ್ಯ ವೆಚ್ಚಗಳು ಹೆಚ್ಚಾಗುವ ಸಾಧ್ಯತೆ ಇದೆ. ಇವೆಲ್ಲವನ್ನೂ ಗಣನೆಗೆ ತೆಗೆದುಕೊಳ್ಳಬೇಕು. ನಿಮ್ಮ ನಿವೃತ್ತಿಯ ನಿರೀಕ್ಷೆಗಳನ್ನು ನಿಯಮಿತವಾಗಿ ಪರಿಶೀಲಿಸುವುದು ಮತ್ತು ಅಗತ್ಯವಿರುವಂತೆ ಹೂಡಿಕೆಗಳನ್ನು ಹೊಂದಿಸುವುದು ಮುಖ್ಯವಾಗಿದೆ.
![](https://hosakannada.com/wp-content/uploads/2024/07/Middle.jpeg)
ನಿವೃತ್ತಿಗೆ ಎರಡು ವರ್ಷಗಳ ಮೊದಲು ಸಾಲವನ್ನು ಮುಕ್ತಗೊಳಿಸಿ. ಹೊಸ ಸಾಲಕ್ಕೆ ಹೋಗಬೇಡಿ. ಕೆಲವರು 50 ವರ್ಷಗಳ ನಂತರ ಗೃಹ ಸಾಲವನ್ನು ತೆಗೆದುಕೊಳ್ಳುತ್ತಾರೆ. ಬಡ್ಡಿದರಗಳು ಏರಿದಾಗ ಅವಧಿಯು ಹೆಚ್ಚಾಗುತ್ತದೆ. ಅಂದರೆ ನಿವೃತ್ತಿಯ ನಂತರವೂ ಇಎಂಐ ನಿವೃತ್ತಿಯ ನಂತರವೂ ಇಎಂಐ ಕಟ್ಟಬೇಕಾಗುತ್ತದೆ. ವೈಯಕ್ತಿಕ ಸಾಲದಂತಹವುಗಳನ್ನು ತಪ್ಪಿಸಬೇಕು. ನಿಮ್ಮ ಉಳಿತಾಯವನ್ನು ಸಾಲ ತೀರಿಸಲು ಯಾವುದೇ ಕಾರಣಕ್ಕೂ ಬಳಸಬೇಡಿ.
ಇನ್ನು ಹಣದುಬ್ಬರವು ನಮ್ಮ ಹಣದ ಮೌಲ್ಯವನ್ನು ಕುಗ್ಗಿಸುತ್ತದೆ. ಇಂದು ನಿಮ್ಮ ಮನೆಯ ವೆಚ್ಚವು 25,000 ರೂ ಆಗಿದ್ದರೆ, 20 ವರ್ಷಗಳ ನಂತರ ಎಂಟು ಶೇಕಡಾದಷ್ಟು ಹಣದುಬ್ಬರವನ್ನು ಊಹಿಸಿದರೆ, ನಿಮಗೆ 1,16,524 ರೂ. ಬೇಕಾಗುತ್ತದೆ. ಆದ್ದರಿಂದ, ನಿವೃತ್ತಿ ಹೂಡಿಕೆಗಳು ಈ ಲೆಕ್ಕಾಚಾರದ ಅನುಗುಣವಾಗಿಯೇ ಇರಬೇಕು. ಹಣದುಬ್ಬರದ ಪರಿಣಾಮಗಳು ನಿವೃತ್ತಿಯ ನಂತರವೂ ಇರುತ್ತವೆ. ಆದ್ದರಿಂದ ಆದಾಯಕ್ಕೆ ತಕ್ಕಂತೆ ವ್ಯವಸ್ಥೆ ಮಾಡಿಕೊಳ್ಳಬೇಕು. ಹೆಚ್ಚಿದ ವೈದ್ಯಕೀಯ ಜ್ಞಾನದಿಂದಾಗಿ, ನಾವು 100 ವರ್ಷಗಳವರೆಗೆ ಬದುಕುತ್ತೇವೆ ಎಂಬ ನಿರೀಕ್ಷೆಯೊಂದಿಗೆ ವೆಚ್ಚವನ್ನು ಲೆಕ್ಕಾಚಾರ ಮಾಡಲು ತಜ್ಞರು ಸಲಹೆ ನೀಡುತ್ತಾರೆ. ಯಾವುದೇ ಹಂತದಲ್ಲೂ ಹೆಚ್ಚಿನ ಆದಾಯವನ್ನು ನೀಡುವ ಯೋಜನೆಗಳಲ್ಲಿ ಹಣ ಹೂಡಿಕೆ ಮಾಡಬೇಕು.
ಮುಖ್ಯವಾಗಿ ಪ್ರತಿ ಹೂಡಿಕೆ ಯೋಜನೆಯನ್ನು ವರ್ಷಕ್ಕೊಮ್ಮೆಯಾದರೂ ಪರಿಶೀಲಿಸಬೇಕು. ಅಂದರೆ ಯಾವುದೇ ಸಂದರ್ಭದಲ್ಲಿ ಒಂದೇ ರೀತಿಯ ಹೂಡಿಕೆ ಯೋಜನೆಗಳಲ್ಲಿ ಹೂಡಿಕೆ ಮಾಡಬೇಡಿ.
ಸುರಕ್ಷಿತ ಹೂಡಿಕೆ ಯೋಜನೆಗಳ ಜೊತೆಗೆ ಕೆಲವು ಹೆಚ್ಚು ಲಾಭ ನೀಡುವ ಯೋಜನೆಗಳನ್ನು ಆಯ್ಕೆ ಮಾಡಿಕೊಳ್ಳಬೇಕು. ನಿವೃತ್ತಿಯ ನಂತರ ನಿಯಮಿತ ಆದಾಯವನ್ನು ಪಡೆಯಲು ಆಯ್ಕೆಮಾಡಿದ ಯೋಜನೆಗಳು ವಿಭಿನ್ನವಾಗಿರಬೇಕು. ಹಿರಿಯ ನಾಗರಿಕರ ಉಳಿತಾಯ ಯೋಜನೆಗಳು ಮತ್ತು ಸಾಲ ನಿಧಿಯಿಂದ ನಿಯತಕಾಲಿಕವಾಗಿ ಹಿಂಪಡೆಯುವಿಕೆಯಂತಹ ವಿಷಯಗಳನ್ನು ಈ ವೇಳೆ ಪರಿಗಣಿಸುವುದು ಉತ್ತಮ.
ಯುನಿಟ್ ಆಧಾರಿತ ವಿಮಾ ಪಾಲಿಸಿಗಳು ಮತ್ತು ಸಾಂಪ್ರದಾಯಿಕ ಪಾಲಿಸಿಗಳಿವೆ. ವಿಮಾ ಉದ್ದೇಶಗಳಿಗಾಗಿ ಇವುಗಳನ್ನು ಆಯ್ಕೆ ಮಾಡುವುದರಿಂದ ಹೆಚ್ಚಿನ ಪ್ರಯೋಜನವಾಗುವುದಿಲ್ಲ. ಸಾಧ್ಯವಾದಷ್ಟು, ಕಡಿಮೆ ಪ್ರೀಮಿಯಂನೊಂದಿಗೆ ಗರಿಷ್ಠ ರಕ್ಷಣೆಯನ್ನು ಒದಗಿಸುವ ಪಾಲಿಸಿಗಳನ್ನು ಆಯ್ಕೆಮಾಡಿ.
ನಿವೃತ್ತಿ ಎಂದರೆ ಕೆಲಸದಿಂದ ನಿವೃತ್ತಿಗೆ ಪರಿವರ್ತನೆ ಆಗುವುದು. ಇದು ಗಳಿಕೆಯ ಅಂತ್ಯ ಮತ್ತು ವೆಚ್ಚಗಳ ಆರಂಭವನ್ನು ಸೂಚಿಸುತ್ತದೆ. ನೀವು ಸರಿಯಾದ ಯೋಜನೆಯನ್ನು ಹೊಂದಿಲ್ಲದಿದ್ದರೆ, ನೀವು ಹಣವನ್ನು ಕಳೆದುಕೊಳ್ಳಬಹುದು.
ವಯಸ್ಸು ಹೆಚ್ಚಾದಂತೆ ವೈದ್ಯಕೀಯ ವೆಚ್ಚದ ಅಗತ್ಯವೂ ಹೆಚ್ಚುತ್ತದೆ. ಆದರೆ, ಅನೇಕರು ಇದನ್ನು ನಿರ್ಲಕ್ಷಿಸುತ್ತಾರೆ. ಅನಿರೀಕ್ಷಿತ ಅನಾರೋಗ್ಯವು ನಿಮ್ಮ ಆರೋಗ್ಯ ನಿಧಿಯ ಮೇಲೆ ತೀವ್ರ ಪರಿಣಾಮ ಬೀರಬಹುದು. ಉದ್ಯೋಗದಾತರು ನೀಡುವ ಗುಂಪು ವಿಮಾ ಸೌಲಭ್ಯವು ಕೆಲಸವನ್ನು ತೊರೆದ ನಂತರ ಅನ್ವಯಿಸುವುದಿಲ್ಲ. ಆದ್ದರಿಂದ, ನೀವು ಇನ್ನೂ ಉದ್ಯೋಗದಲ್ಲಿರುವಾಗ ಪಾಲಿಸಿಯನ್ನು ತೆಗೆದುಕೊಳ್ಳಲು ಪ್ರಯತ್ನಿಸಿ, ಹಿರಿಯ ನಾಗರಿಕರು ತಡಮಾಡದೆ ಆರೋಗ್ಯ ವಿಮೆ ಪಾಲಿಸಿ ತೆಗೆದುಕೊಳ್ಳುವುದು ಸೂಕ್ತ.
ಸಾಧ್ಯವಾದಷ್ಟು ನಿವೃತ್ತಿ ನಿಧಿಯಿಂದ ಹಣವನ್ನು ಹಿಂಪಡೆಯುವುದನ್ನು ತಪ್ಪಿಸಿ. ನಿಧಿಯ ಮೇಲೆ ಗಳಿಸಿದ ಆದಾಯದಿಂದ ಮಾತ್ರ ವೆಚ್ಚವನ್ನು ಭರಿಸಬೇಕು. ಕಡ್ಡಾಯ ಅವಶ್ಯಕತೆ ಇದ್ದರೂ ಎರಡರಿಂದ ಮೂರು ಶೇಕಡಾಕ್ಕಿಂತ ಹೆಚ್ಚಿನ ಹಣವನ್ನು ಹಿಂತೆಗೆದುಕೊಳ್ಳಬೇಡಿ. ಹಿಂಪಡೆಯುವಿಕೆಗೆ ಸ್ವಯಂ ಮಿತಿ ಇದ್ದರೆ ಉತ್ತಮ.
ಈ ಮೇಲಿನ ಅಂಶಗಳನ್ನು ಗಮನದಲ್ಲಿ ಇರಿಸಿಕೊಂಡು ಒತ್ತಡ ರಹಿತ ಜೀವನ ನಡೆಸಲು ನಿವೃತ್ತಿ ಯೋಜನೆಯ ಆಯ್ಕೆ ಮಾಡಬಹುದಾಗಿದೆ.
ಇದನ್ನು ಓದಿ : Good Friday Special : ಇಂದು ಗುಡ್ ಫ್ರೈಡೇ, ಇಂದು ಕ್ರಿಶ್ಚಿಯನ್ನರು ಕಪ್ಪು ಬಟ್ಟೆ ಏಕೆ ಧರಿಸುತ್ತಾರೆ ಗೊತ್ತಾ?