Sony ZV-1F Vlogging Camera : ಸೋನಿಯಿಂದ ಹೊಸ ZV-1F vlogging ಕ್ಯಾಮೆರಾ ಬಿಡುಗಡೆ! ಫೀಚರ್ಸ್ ಸೂಪರ್ ಸ್ಮಾರ್ಟ್ !

Sony ZV-1F Vlogging Camera : ಇತ್ತೀಚಿಗೆ ದೈನಂದಿನ ಬಳಕೆಯ ವಸ್ತುಗಳು ಸ್ಮಾರ್ಟ್‌ ರೂಪ ಪಡೆದುಕೊಳ್ಳುತ್ತಿವೆ. ಸ್ಮಾರ್ಟ್‌ ವಾಚ್, ಸ್ಮಾರ್ಟ್‌ ಫಿಟ್ನೆಸ್ ಬ್ಯಾಂಡ್, ಸ್ಮಾರ್ಟ್‌ ಪ್ಲಗ್, ಸ್ಮಾರ್ಟ್‌ ಟಿವಿ ಹೀಗೆ ಪಟ್ಟಿ ಬೆಳೆಯುತ್ತಾ ಹೋಗುತ್ತದೆ. ಇವುಗಳ ಲಿಸ್ಟ್‌ ನಲ್ಲಿ ಸ್ಮಾರ್ಟ್ ಕ್ಯಾಮೆರಾ ಕೂಡ ದೈನಂದಿನ ಬಳಕೆಯ ವಸ್ತುಗಳಲ್ಲಿಯು ಒಂದಾಗಿದೆ.

ಉತ್ತಮ-ಗುಣಮಟ್ಟದ ವಸ್ತು – ವಿಷಯಕ್ಕೆ ನಿರಂತರವಾಗಿ ಹೆಚ್ಚುತ್ತಿರುವ ಬೇಡಿಕೆಗೆ ಪೂರಕವಾಗಿ ವಿಡಿಯೊ ತಯಾರಿಸುವವರಿಗೆ ಎಲ್ಲ ಸೌಲಭ್ಯಗಳೂ ಒಂದೆಡೆಯೇ ಲಭ್ಯ ಇರುವ ಉತ್ತಮ ಗುಣಮಟ್ಟದ ಕ್ಯಾಮೆರಾದ ಅಗತ್ಯ ಇರುವ ಕಾರಣ ಇದೀಗ ಹೊಸ ತಲೆಮಾರಿನವರ ವಿಡಿಯೊ ಸೃಷ್ಟಿಸುವ ಅನುಭವವನ್ನು ಉನ್ನತ ಮಟ್ಟಕ್ಕೆ ತೆಗೆದುಕೊಂಡು ಹೋಗುವುದಕ್ಕೆ ನೆರವಾಗುವ ರೀತಿಯಲ್ಲಿ ಜನಪ್ರಿಯ ಎಲೆಕ್ಟ್ರಾನಿಕ್ ಬ್ರ್ಯಾಂಡ್ ಸೋನಿ ಭಾರತದ ಮಾರುಕಟ್ಟೆಗೆ ಇಂದು ತನ್ನ ಹೊಸ ZV-1F ವ್ಲಾಗ್ (Sony ZV-1F Vlogging Camera) ಕ್ಯಾಮೆರಾ ಡಿವೈಸ್ ಪರಿಚಯಿಸಿದೆ.

ಸೋನಿ ZV-1F vlogging ಕ್ಯಾಮೆರಾ (Sony ZV-1F Vlogging Camera)ಹೊಂದಿರುವ ವೈಶಿಷ್ಟ್ಯಗಳು ಇಂತಿವೆ :

ಇದರ ತೂಕ ಕೇವಲ ಅಂದಾಜು 229 ಗ್ರಾಂ. ಇದು ಕಾಂಪ್ಯಾಕ್ಟ್ ಆಗಿದ್ದು, ದಿನನಿತ್ಯದ ಬಳಕೆಗೆ ಸಾಕಷ್ಟು ಹಗುರವಾಗಿದೆ. ಇದನ್ನು ಎಲ್ಲೆಡೆ ಸುಲಭವಾಗಿ ಸಾಗಿಸಬಹುದು. ಇದು ವೇರಿ-ಆ್ಯಂಗಲ್ ಎಲ್‌ಸಿಡಿ ಸ್ಪರ್ಶ ಪರದೆಯ (Vari-Angle LCD) ನೆರವಿನಿಂದ ಜೂಮ್ ಮಾಡುವ ಅನುಕೂಲತೆಯೂ ಸೇರಿದಂತೆ, ಕ್ಯಾಮೆರಾದ ಹಲವಾರು ವೈಶಿಷ್ಟ್ಯಗಳು ಮತ್ತು ಸೆಟ್ಟಿಂಗ್‌ಗಳನ್ನು ಬರೀ ಬೆರಳ ಸ್ಪರ್ಶದಿಂದಲೇ ಬದಲಾಯಿಸಬಹುದು.

ಹೊಸ ವ್ಲಾಗ್ ಕ್ಯಾಮೆರಾವು ಬೊಕೆ ಸ್ವಿಚ್ ಬಟನ್ (Bokeh Switch button) ಸಹ ಒಳಗೊಂಡಿರುತ್ತದೆ. ಬಳಕೆದಾರರು ತಮ್ಮ ಮುಖದ ಮೇಲೆ ಕ್ಯಾಮೆರಾ ಫೋಕಸ್‌ ಮಾಡಲು ಬಯಸಿದಾಗ ಮತ್ತು ವಿಡಿಯೊ ರೆಕಾರ್ಡಿಂಗ್ ಮಾಡುವಾಗಲೂ ಸಹ ಹಿನ್ನೆಲೆಯ ದೃಶ್ಯವನ್ನು ತ್ವರಿತವಾಗಿ ಬದಲಾಯಿಸುವ ಅವಕಾಶವೂ ಇದರಲ್ಲಿ ಇದೆ. ಪರಿಪೂರ್ಣವಾದ ಪರಾಮರ್ಶೆಗಾಗಿ ಮುಖ ಹಾಗೂ ಉತ್ಪನ್ನದ ಮಧ್ಯೆ ತಡೆರಹಿತವಾಗಿ ಬದಲಾಗುವುದಕ್ಕೆ ನೆರವಾಗುವ ಪ್ರಾಡಕ್ಟ್‌ ಷೋಕೇಷ್‌ ಸೆಟ್ಟಿಂಗ್‌ ಒಳಗೊಂಡಿದೆ. ‘ZV-1F’ ಕ್ಯಾಮೆರಾ– ದೃಶ್ಯ, ವಸ್ತು – ವಿಷಯ ಸೆರೆಹಿಡಿಯುವ ವಿಡಿಯೊ ಚಿತ್ರೀಕರಣಕ್ಕೆ ಸುಲಭವಾಗುವಂತೆ ಸ್ವಯಂ-ಟೈಮರ್ ಮತ್ತು ರೆಕಾರ್ಡಿಂಗ್ ಲ್ಯಾಂಪ್ ಅನ್ನು ಸಹ ಒಳಗೊಂಡಿದೆ.

ಗ್ರೂಪ್ ಸೆಲ್ಫಿ ಮತ್ತು ಹಿನ್ನೆಲೆ ದೃಶ್ಯಾವಳಿಗಳಿಗೆ ಅಲ್ಟ್ರಾ-ವೈಡ್-ಆಂಗಲ್ 20 ಎಂಎಂ ಪ್ರೈಮ್ ಲೆನ್ಸ್ ಯಾವುದೇ ದೃಶ್ಯದಲ್ಲಿ ಅತ್ಯುತ್ತಮ ರೀತಿಯಲ್ಲಿ ಸೆಲ್ಫಿ ಶೂಟಿಂಗ್ ಮತ್ತು ಹಿನ್ನೆಲೆಯಲ್ಲಿ ಹೆಚ್ಚಿನ ವಿವರಗಳು ದಾಖಲಾಗುವಂತೆ ವಿಶಾಲ ಪ್ರದೇಶದ ದೃಶ್ಯ ಸೆರೆಹಿಡಿಯಲು ಅಲ್ಟ್ರಾ-ವೈಡ್ 20ಎಂಎಂ ಪ್ರೈಮ್ ಲೆನ್ಸ್‌ ನೆರವಿನಿಂದ ದೃಶ್ಯವು ಹೆಚ್ಚು ಪ್ರಖರವಾಗಿ ಹೊಳೆಯುವ ರೀತಿಯಲ್ಲಿ ZV-1F ಕ್ಯಾಮೆರಾ ವಿನ್ಯಾಸಗೊಳಿಸಲಾಗಿದೆ.

ದೃಶ್ಯ ಹಾಗೂ ಮಾಹಿತಿಯು ಹೆಚ್ಚು ಪ್ರಖರವಾಗಿ ದಾಖಲಾಗುವುದಕ್ಕೆ ಅಥವಾ ಮೃದುವಾದ ನೋಟ ರೂಪಿಸುವುದಕ್ಕೆ ಈ ವ್ಲಾಗ್ ಕ್ಯಾಮೆರಾ, ಸ್ಥಿರಚಿತ್ರಗಳು ಮತ್ತು ವಿಡಿಯೊ ಎರಡರಲ್ಲೂ ಗಮನ ಕೇಂದ್ರೀಕರಿಸದ ಪ್ರದೇಶದ ದೃಶ್ಯದ ಗುಣಮಟ್ಟ ಹೆಚ್ಚಳದ ಅನುಕೂಲತೆ ಒದಗಿಸುತ್ತದೆ.

ಸೆಲ್ಫಿಗಳಿಗೆ ವೇರಿ-ಆಂಗಲ್ ಎಲ್‌ಸಿಡಿ
ಸಂಪೂರ್ಣವಾಗಿ ಸುಲಭವಾಗಿ ಬಳಸುವ ರೀತಿಯಲ್ಲಿ ಈ ‘ZV-1F’ ಕ್ಯಾಮೆರಾ ವಿನ್ಯಾಸಗೊಳಿಸಲಾಗಿದೆ. ಇದರ ನೆರವಿನಿಂದಾಗಿ – ಅಂತರ್ಜಾಲ ತಾಣಗಳಲ್ಲಿ ತಮ್ಮ ವಿಡಿಯೊಗಳನ್ನು ಹರಿಬಿಡುವವರು (ವ್ಲಾಗರ್‌ಗಳು) ವಸ್ತು – ವಿಷಯ ಸೆರೆಹಿಡಿಯಲು ಗಮನಹರಿಸಬಹುದು.

ZV-1F – ನಿಮ್ಮ ಮೈಕಾಂತಿ ನಿಖರವಾಗಿ ಸೆರೆಹಿಡಿದು, ನಿಮಗೆ ಆರೋಗ್ಯಕರ ಮತ್ತು ನೈಸರ್ಗಿಕ ನೋಟ ಖಾತ್ರಿಪಡಿಸುತ್ತದೆ
‘ಮೃದು ಚರ್ಮದ ಪರಿಣಾಮ‘ದ (Soft Skin Effect) ಆಯ್ಕೆ ನೆರವಿನಿಂದ ಸ್ಥಿರಚಿತ್ರಗಳು ಮತ್ತು ವಿಡಿಯೊ ಚಿತ್ರೀಕರಣ ಮಾಡುವಾಗ ಮುಖದ ಮೇಲಿನ ಸುಕ್ಕುಗಳನ್ನು ಕಡಿಮೆ ಮಾಡಿ ‌ ಚರ್ಮದ ನೈಸರ್ಗಿಕ ಮೈಕಾಂತಿಯ ಪರಿಣಾಮ ಸೃಷ್ಟಿಸುತ್ತದೆ. ಮುಖ ಆದ್ಯತೆಯ ಅಪಾರ್ಚರ್‌ ಪ್ರೈಯಾರಿಟಿ (Face Priority AE) ಸ್ವಯಂಚಾಲಿತವಾಗಿ ಚಿತ್ರೀಕರಣ ಮಾಡುವಾಗ ಹೊಳಪನ್ನು ಸರಿಹೊಂದಿಸುತ್ತದೆ. ಇದರಿಂದಾಗಿ ಬೆಳಕು ಬದಲಾದ ಸಂದರ್ಭಗಳಲ್ಲಿಯೂ ಸಹ ಮುಖಗಳನ್ನು ಅತ್ಯುತ್ತಮವಾದ ಹೊಳಪಿನಿಂದ ಸೆರೆಹಿಡಿಯಬಹುದು .

ಹೊಸ ವ್ಲಾಗ್ ಕ್ಯಾಮೆರಾ ZV-1F ಅನ್ನು, ಸ್ಮಾರ್ಟ್‌ಫೋನ್ ಜೊತೆಗೆ ಬಳಸಲು ಸುಸಜ್ಜಿತಗೊಳಿಸಲಾಗಿದೆ. ಸೋನಿಯ ಹೊಸ ಸ್ಮಾರ್ಟ್‌ಫೋನ್ ಅಪ್ಲಿಕೇಷನ್ ಇಮೇಜಿಂಗ್ ಎಡ್ಜ್ ಮೊಬೈಲ್ ಪ್ಲಸ್™ ಬಳಕೆದಾರರಿಗೆ ಬ್ಲೂಟೂತ್ ಅಥವಾ ವೈ-ಫೈ ಮೂಲಕ ಕ್ಯಾಮೆರಾಗೆ ಸಂಪರ್ಕಿಸಲು ಮತ್ತು ಚಿತ್ರಗಳು ಮತ್ತು ವಿಡಿಯೊಗಳನ್ನು ವರ್ಗಾಯಿಸಲು ಅವಕಾಶ ನೀಡುತ್ತದೆ.

ಹೆಚ್ಚಿನ ನಿಖರತೆ ಕೇಂದ್ರೀಕರಿಸಲು 425 ಕಾಂಟ್ರಾಸ್ಟ್-ಡಿಟೆಕ್ಷನ್ ಎಇ ಫ್ರೇಮ್ ಪಾಯಿಂಟ್‌ ಆಟೋಫೋಕಸ್ ಅನ್ನು ಇತರ ವಿಷಯಗಳಿಂದ ಬದಲಾಯಿಸದೆ ಹೆಚ್ಚು ನಿಖರವಾಗಿ ಕೇಂದ್ರೀಕರಿಸುವಿಕೆ ಮತ್ತು ಐಎಎಫ್ (Eye AF ) ಅನ್ನು ಮಾನವರು ಮತ್ತು ಪ್ರಾಣಿಗಳ ಮುಖ ಮತ್ತು ಕಣ್ಣುಗಳ ಮೇಲೆ ಸ್ಥಿರವಾಗಿ ಸರಿಪಡಿಸಲು ZV-1F ಅವಕಾಶ ಮಾಡಿಕೊಡುತ್ತದೆ.

ಕ್ಯಾಮೆರಾದ ಸ್ಪರ್ಶ ಪರದೆ ಮೂಲಕ ಬಳಕೆದಾರರು ಸುಲಭವಾಗಿ ವಿಷಯಗಳನ್ನು ಬದಲಾಯಿಸಬಹುದು. ಎಲ್ಲಕ್ಕಿಂತ ಹೆಚ್ಚಾಗಿ, ವಿಡಿಯೊ ಚಿತ್ರೀಕರಿಸುವಾಗ, ಚಿತ್ರಗಳ ಸ್ಥಿರೀಕರಣವು ಆ್ಯಕ್ಟಿವ್‌ ಮೋಡ್‌ (ಎಲೆಕ್ಟ್ರಾನಿಕ್) ಲಭ್ಯವಿರುತ್ತದೆ, ಇದು ಚಿತ್ರೀಕರಣವನ್ನು ಸ್ಥಿರವಾಗಿಸುವುದರ ಜೊತೆಗೆ ನಡೆದಾಡುತ್ತಾ ಚಿತ್ರೀಕರಿಸುವುದನ್ನೂ ಸುಲಭವಾಗಿಸುತ್ತದೆ.

ಹೊಸದಾಗಿ ಲಭ್ಯವಿರುವ ಕ್ರಿಯೇಟಿವ್ ಲುಕ್ ಕಾರ್ಯನಿರ್ವಹಣೆಯು ಬಳಕೆದಾರರಿಗೆ ಭಿನ್ನ ಸ್ವರ, ಹೊಳಪು, ಬಣ್ಣದ ಆಳ ಮತ್ತಿತರ ಸೌಲಭ್ಯಗಳ ನೆರವಿನಿಂದ ಸ್ಥಿರಚಿತ್ರಗಳು ಮತ್ತು ವಿಡಿಯೊ ಚಿತ್ರೀಕರಣ ಎರಡರಲ್ಲೂ ಬಳಕೆದಾರರ ಅಪೇಕ್ಷಿತ ವಾತಾವರಣ ಸೃಷ್ಟಿಸಲು ಹಲವಾರು ಪೂರ್ವನಿಗದಿ ಆಯ್ಕೆಗಳನ್ನು ನೀಡುತ್ತದೆ.

ಸೃಜನಶೀಲತೆ ಹೆಚ್ಚಿಸಲು ಒಟ್ಟು 10 ವಿಧಾನಗಳು ಲಭ್ಯ ಇವೆ. ಸರಿಪಡಿಸುವ ಅಗತ್ಯವಿಲ್ಲದೆ ತಕ್ಷಣವೇ ದೃಶ್ಯ ಮಾಹಿತಿ ಹಂಚಿಕೊಳ್ಳಲು ಬಳಕೆದಾರರಿಗೆ ಇದು ಅವಕಾಶ ನೀಡುತ್ತದೆ. 5x ನಷ್ಟು ನಿಧಾನ ಚಲನೆಯಲ್ಲಿ ಶೂಟ್ ಮಾಡಲು ಎಸ್‌ಆ್ಯಂಡ್‌ಕ್ಯು ವಿಧಾನವನ್ನು (S&Q mode) ಸಹ ಒಳಗೊಂಡಿದೆ. ಅಪೇಕ್ಷಿತ ಪರಿಣಾಮ ಸಾಧಿಸಲು 5x ನಷ್ಟು ನಿಧಾನವಾದ ವೇಗ ಮತ್ತು 60 x ವೇಗದ ಹೈಪರ್ ಲ್ಯಾಪ್ಸ್ ವೇಗದ ಚಿತ್ರೀಕರಣ ಸೌಲಭ್ಯವನ್ನು ಒಳಗೊಂಡಿದೆ.

ಹೊರಾಂಗಣದಲ್ಲಿ ಸ್ಪಷ್ಟ ಧ್ವನಿ ರೆಕಾರ್ಡಿಂಗ್‌ಗೆ ವಿಂಡ್ ಸ್ಕ್ರೀನ್ ಸ್ಥಿರಚಿತ್ರಗಳು ಮತ್ತು ವಿಡಿಯೊ ಜೊತೆಗೆ, ಪರಿಪೂರ್ಣವಾಗಿ ದೃಶ್ಯವನ್ನು ಸೆರೆಹಿಡಿಯಲು ಉತ್ತಮ ಗುಣಮಟ್ಟದ ಧ್ವನಿಯ ಅಗತ್ಯ ಇದೆ. ಸ್ಪಷ್ಟ ಧ್ವನಿ ರೆಕಾರ್ಡಿಂಗ್ ಮತ್ತು ಗಾಳಿ ಬೀಸುತ್ತಿರುವ ಹೊರಾಂಗಣ ಪರಿಸ್ಥಿತಿಗಳಲ್ಲಿ ವಿಂಡ್‌ ಸ್ಕ್ರೀನ್‌ ಕಡಿಮೆ ಶಬ್ದ ಒದಗಿಸುತ್ತದೆ.

ZV-1F– ಅಂತರ್‌ನಿರ್ಮಿತ ಡೈರೆಕ್ಷನಲ್ 3-ಕ್ಯಾಪ್ಸುಲ್ ಮೈಕ್ ಒಳಗೊಂಡಿದೆ. ಅದು ನಿಮ್ಮ ವಿಡಿಯೊಗಳಿಗೆ ಉತ್ತಮ ಗುಣಮಟ್ಟದ ಧ್ವನಿಯನ್ನು ಖಾತ್ರಿಪಡಿಸುತ್ತದೆ.

ದೃಶ್ಯವನ್ನು ಸುಲಭವಾಗಿ ಸೆರೆಹಿಡಿದು ಸ್ಮಾರ್ಟ್‌ಫೋನ್‌ಗೆ ವರ್ಗಾಯಿಸಬಹುದು ಮತ್ತು ನಂತರ ಬಹುಬಗೆಯ ಸಾಮಾಜಿಕ ತಾಣಗಳಿಗೆ ಅಪ್‌ಲೋಡ್ ಕೂಡ ಮಾಡಬಹುದು. ಚಿತ್ರೀಕರಣದ ಸಮಯದಲ್ಲಿ ಅಥವಾ ಕ್ಯಾಮೆರಾದಲ್ಲಿಯೇ ಶಾಟ್ ಮಾರ್ಕ ಬಳಸಿಕೊಂಡು ಸಾಮಾಜಿಕ ತಾಣಗಳಿಗೆ ಪೋಸ್ಟ್ ಮಾಡಲು ಬಳಕೆದಾರರು ದೃಶ್ಯಗಳನ್ನು ಗುರುತಿಸಬಹುದು. ಹೆಚ್ಚುವರಿಯಾಗಿ– ಬಳಕೆದಾರರು ತಮ್ಮ ಸ್ಮಾರ್ಟ್‌ಫೋನ್‌ಗೆ 15, 30, ಅಥವಾ 60 ಸೆಕೆಂಡ್‌ಗಳ ನಿರ್ದಿಷ್ಟ ಕ್ಲಿಪ್‌ಗಳನ್ನು ಕತ್ತರಿಸಿ ವರ್ಗಾಯಿಸಬಹುದು. ಸಾಮಾಜಿಕ ತಾಣಗಳಿಗೆ ಸೂಕ್ತ ರೀತಿಯಲ್ಲಿ ಸರಿಹೊಂದುವಂತೆ ಸಂಕ್ಷಿಪ್ತವಾಗಿ ಸರಿಪಡಿಸುವ ಅಗತ್ಯವಿಲ್ಲದೇ ನೇರವಾಗಿ ಸಾಮಾಜಿಕ ತಾಣಗಳಿಗೆ ಪೋಸ್ಟ್ ಮಾಡಬಹುದು. ಇಮೇಜಿಂಗ್ ಎಡ್ಜ್ ಮೊಬೈಲ್ ಪ್ಲಸ್™ ಅಪ್ಲಿಕೇಷನ್ – ಬಳಕೆದಾರರಿಗೆ ದಿನಾಂಕ, ಸಮಯ, ಪ್ರದೇಶ ಮತ್ತು ಸಾಫ್ಟವೇರ್ ನವೀಕರಣಗಳು ಮತ್ತು ಬೆಂಬಲ ಮಾರ್ಗದರ್ಶಿಗಳಂತಹ ಕ್ಯಾಮೆರಾದ ಹಲವು ಸೆಟ್ಟಿಂಗ್‌ಗಳನ್ನು ನಿಯಂತ್ರಿಸಲು ಅವಕಾಶ ನೀಡುತ್ತವೆ. ಇದು ZV-1F ಅನ್ನು ದೂರದಿಂದಲೇ ನಿಯಂತ್ರಿಸಲು ನೆರವಾಗುತ್ತದೆ. ಬ್ಯಾಟರಿ ಮಟ್ಟ ಮತ್ತು ಉಳಿದ ಶೇಖರಣಾ ಸಾಮರ್ಥ್ಯವನ್ನು ಇದು ಪ್ರದರ್ಶಿಸುತ್ತದೆ.

ಬಳಕೆದಾರರು ZV-1F ಅನ್ನು ಉತ್ತಮ ಗುಣಮಟ್ಟದ ಕಾರ್ಯಕ್ರಮಗಳ ನೇರ ಪ್ರಸಾರದ (ಲೈವ್-ಸ್ಟ್ರೀಮಿಂಗ್) ಸಾಧನವಾಗಿ ಬಳಸಬಹುದು. ಸೂಕ್ತವಾದ ವಿಡಿಯೊ ನೆರವಿನಿಂದ ಕಾನ್ಫರೆನ್ಸ್ ಅಪ್ಲಿಕೇಷನ್ ಅಥವಾ ಅಂತಹುದೇ ಸಾಫ್ಟವೇರ್, ಯುಎಸ್‌ಬಿ ಮೂಲಕ ಕಂಪ್ಯೂಟರ್ ಅಥವಾ ಸ್ಮಾರ್ಟ್‌ಫೋನ್‌ಗೆ ಸಂಪರ್ಕಿಸಿದಾಗ ZV-1F ಉನ್ನತ-ಕಾರ್ಯಕ್ಷಮತೆಯ ವೆಬ್ ಕ್ಯಾಮೆರಾದಂತೆ ಕಾರ್ಯನಿರ್ವಹಿಸುತ್ತದೆ.

ZV-1F ಕ್ಯಾಮೆರಾ – ಜಿಪಿ–ವಿಪಿಟಿ2ಬಿಟಿ ಶೂಟಿಂಗ್ ಗ್ರಿಪ್ ಜೊತೆಗೆ ಹೊಂದಿಕೊಳ್ಳುತ್ತದೆ. ಇದು ಜೂಮ್, ರೆಕಾರ್ಡಿಂಗ್ ಮುಂತಾದವುಗಳಿಗೆ ಕೇಬಲ್-ರಹಿತ ನಿಯಂತ್ರಣ ಸೌಲಭ್ಯ ನೀಡುತ್ತದೆ. ಸ್ಥಿರವಾದ ಹ್ಯಾಂಡ್ಸ್-ಫ್ರೀ ಶಾಟ್‌ಗಳಿಗೆ ಮಿನಿ-ಟ್ರೈಪಾಡ್‌ಗೂ ಈ ಸೌಲಭ್ಯ ವಿಸ್ತರಿಸುತ್ತದೆ. ಸ್ಪಷ್ಟವಾದ ಧ್ವನಿ ರೆಕಾರ್ಡಿಂಗ್ ಉದ್ದೇಶಕ್ಕೆ ಬಾಹ್ಯ ಮೈಕ್ರೊಫೋನ್ ಅನ್ನು ಸಹ ಪರಿಕರಗಳಿಗೆ ಸುಲಭವಾಗಿ ಜೋಡಿಸಬಹುದು.

ಸುಸ್ಥಿರ ಭವಿಷ್ಯ ಖಚಿತಪಡಿಸಿಕೊಳ್ಳಲು ಪರಿಸರ ಸ್ನೇಹಿ ವೈಶಿಷ್ಟ್ಯಗಳು ಮತ್ತು ತಂತ್ರಜ್ಞಾನದೊಂದಿಗೆ ZV-1F ವಿನ್ಯಾಸಗೊಳಿಸಲಾಗಿದೆ. ಕ್ಯಾಮೆರಾದ ದೇಹ ಮತ್ತು ಉತ್ತಮ ಕಾರ್ಯನಿರ್ವಹಣೆ ಕಾಪಾಡಿಕೊಳ್ಳಲು ಹೊಸದಾಗಿ ಅಭಿವೃದ್ಧಿಪಡಿಸಿರುವ ವಿಂಡ್‌ ಸ್ಕ್ರೀನ್‌ನಂತಹ ಒಟ್ಟುಗೂಡಿಸಿರುವ ಬಿಡಿಭಾಗಗಳ ಅಳವಡಿಕೆಯಲ್ಲಿ ಸೊರ್ಪ್ಲಾಸ್‌ (SORPLASTM) ಸೇರಿದಂತೆ ಮರುಬಳಕೆಯ ಪದಾರ್ಥಗಳನ್ನು ಬಳಸಲಾಗಿದೆ. ಪ್ಲಾಸ್ಟಿಕ್ ಪ್ಯಾಕೇಜಿಂಗ್ ಮೇಲಿನ ಅವಲಂಬನೆ ಕಡಿಮೆ ಮಾಡಲು ಸಸ್ಯ ಆಧಾರಿತ ನೇಯ್ಗೆ ಮಾಡಿರದ ಬಟ್ಟೆಗಳನ್ನು ಉತ್ಪನ್ನದ ಚೀಲಗಳಿಗೆ ಬಳಸಲಾಗುತ್ತದೆ.

ಸದ್ಯ ZV-1F ಡಿವೈಸ್ ದೇಶದಲ್ಲಿ 50,690 ರೂ. ಬೆಲೆಯಲ್ಲಿ ಬಿಡುಗಡೆಯಾಗಿದ್ದು, ಎಲ್ಲಾ ಸೋನಿ ಸೆಂಟರ್, ಪ್ರಮುಖ ಮಾರಾಟ ಮಳಿಗೆಗಳು, ಸೋನಿ ಅಧಿಕೃತ ಡೀಲರ್‌ಗಳು, ಇ–ಕಾಮರ್ಸ್‌ನ ಅಂತರ್ಜಾಲ ತಾಣಗಳು (ಅಮೆಜಾನ್ ಮತ್ತು ಫ್ಲಿಪ್‌ಕಾರ್ಟ್) ಮತ್ತು ದೇಶದಾದ್ಯಂತದ ಪ್ರಮುಖ ಎಲೆಕ್ಟ್ರಾನಿಕ್ ಮಳಿಗೆಗಳಲ್ಲಿ 2023ರ ಏಪ್ರಿಲ್‌ 5ರಿಂದ ಖರೀದಿಗೆ ಲಭ್ಯ ಇರಲಿದೆ.

ಒಟ್ಟಿನಲ್ಲಿ ಈ ಹೊಸ ಕ್ಯಾಮೆರಾ ಅಂತರ್ಜಾಲ ತಾಣಗಳಿಗೆ ನಿಯಮಿತವಾಗಿ ವೀಡಿಯೊಗಳನ್ನು ಅಪ್‌ಲೋಡ್‌ ಮಾಡುವುದರ (vlogging) ಸುಲಭ ಕಾರ್ಯನಿರ್ವಹಣೆ, ಸುಧಾರಿತ ಸಂಪರ್ಕ ಮತ್ತು ಪರಿಸರ ಸ್ನೇಹಿ ವೈಶಿಷ್ಟ್ಯಗಳೊಂದಿಗೆ ಸುಸಜ್ಜಿತಗೊಂಡಿರುವ ವ್ಲಾಗಿಂಗ್ ಲೈನ್‌ಅಪ್ ಶ್ರೇಣಿಯ ಕ್ಯಾಮೆರಾ ಇದಾಗಿದ್ದು, ಅದ್ಭುತವಾದ ಸ್ಥಿರಚಿತ್ರಗಳು ಮತ್ತು ವಿಡಿಯೊ ಸೆರೆಹಿಡಿಯಲು ಬಯಸುವವರ (ವ್ಲಾಗರ್‌ಗಳಿಗೆ) ಮತ್ತು ವಿಡಿಯೊಗಳನ್ನು ಸೃಷ್ಟಿಸುವವರಿಗೆ ಇದು ಸುಲಭವಾಗಿ ಬಳಸುವ ಕ್ಯಾಮೆರಾ ಆಗಿದೆ. ದೃಶ್ಯಗಳು ಹೆಚ್ಚು ಸ್ಫುಟವಾಗಿ ಕಾಣುವುದಕ್ಕೆ ಮಾಡಲು ಸೋನಿಯ ಇತ್ತೀಚಿನ ಸುಧಾರಿತ ತಂತ್ರಜ್ಞಾನದ ನೆರವಿನಿಂದ ವಿಡಿಯೊ ತಯಾರಿಸಲು ನೆರವಾಗುವ ಪಾಕೆಟ್ ಗಾತ್ರದ ವಿಶಿಷ್ಟ ಕ್ಯಾಮೆರಾ ಇದಾಗಿದೆ ಎಂದು ಸೋನಿ ಇಂಡಿಯಾದ ಡಿಜಿಟಲ್ ಇಮೇಜಿಂಗ್ ವ್ಯವಹಾರದ ಮುಖ್ಯಸ್ಥ ಮುಖೇಶ್ ಶ್ರೀವಾಸ್ತವ ಅವರು ತಿಳಿಸಿದ್ದಾರೆ.

 

ಇದನ್ನು ಓದಿ : Hanuman Jayanti : ಹನುಮಾನ್​ ಜಯಂತಿಗೆ ಹೀಗೆ ಉಪವಾಸ ಮಾಡಿ ಸಾಕು, ಎಲ್ಲಾ ಕಷ್ಟಗಳು ನಾಶವಾಗುತ್ತೆ!