Sim Card Use : ನಿಮ್ಮ ಹೆಸರಿನಲ್ಲಿ ಇನ್ನೊಬ್ಬರು ಸಿಮ್ ಕಾರ್ಡ್ ಯೂಸ್‌ ಮಾಡ್ತಾ ಇದ್ದಾರಾ? ಇಲ್ಲಿದೆ ಪತ್ತೆ ಹಚ್ಚುವ ಕ್ರಮ!
Sim Card : ನಿಮಗೆ ತಿಳಿಯದೆ ಬೇರೆಯವರಿಗೆ ನಿಮ್ಮ ಐಡಿ ಹೆಸರಿನಲ್ಲಿ ಯಾವುದೇ ಸಿಮ್ ಕಾರ್ಡ್ ನೀಡಿದ್ದರೆ ಅದರಿಂದ ನಿಮಗೆ ಅಪಾಯಗಳು ಕಟ್ಟಿಟ್ಟ ಬುತ್ತಿ ಆಗಲಿದೆ. ಯಾಕೆಂದರೆ ಅವರು ಮಾಡಿದ ಅಪರಾಧ ಮತ್ತು ಇತರ ನಿಯಮ ಉಲ್ಲಂಘನೆಯ ಹೊರೆಯನ್ನು ನೀವು ಹೊರಬೇಕಾಗಿ ಬರಬಹುದು. ಆದ್ದರಿಂದ ನಿಮ್ಮ ಹೆಸರಿನಲ್ಲಿ ಎಷ್ಟು ಸಿಮ್ ಕಾರ್ಡ್ ಗಳು (Sim Card) ನೋಂದಾಯಿಸಲ್ಪಟ್ಟಿವೆ ಎಂದು ತಿಳಿಸುವ ವೆಬ್ ಸೈಟ್ (website) ನಿಮಗಾಗಿ ಇಲ್ಲಿ ಪರಿಚಯಿಸಲಾಗಿದೆ.
ಈ ವೆಬ್ ಸೈಟ್ ಮೂಲಕ ನಿಮಗೆ ತಿಳಿಯದೆ ನಿಮ್ಮ ಐಡಿಗೆ ಬೇರೆ ಯಾವುದೇ ಸಿಮ್ ಕಾರ್ಡ್ ನೀಡಿದ್ದರೆ, ನೀವು ಅದನ್ನು ನಿರ್ಬಂಧಿಸಬಹುದು. ಹೌದು ಈ ವೆಬ್ ಸೈಟ್ ನಿಂದ ನಕಲಿ ಸಿಮ್ ಕಾರ್ಡ್ಗಳನ್ನು ನೀವು ನಿರ್ಬಂಧಿಸಬಹುದು ಇದರಿಂದ ಅವು ದುರುಪಯೋಗ ಆಗುವ ಅವಕಾಶ ಇರುವುದಿಲ್ಲ.
ಮುಖ್ಯವಾಗಿ ಸಿಮ್ ಕಾರ್ಡ್ ಹಗರಣವನ್ನು ಎದುರಿಸಲು ಭಾರತೀಯ ದೂರಸಂಪರ್ಕ ಇಲಾಖೆ ವಿಶೇಷ ಪೋರ್ಟಲ್ ಅನ್ನು ಪ್ರಾರಂಭಿಸಿದ್ದು, ಈ ಪೋರ್ಟಲ್ ಸಹಾಯದಿಂದ, ನಿಮ್ಮ ಐಡಿಯಲ್ಲಿ ಎಷ್ಟು ಸಿಮ್ ಕಾರ್ಡ್ ಗಳನ್ನು ಸಕ್ರಿಯಗೊಳಿಸಲಾಗಿದೆ ಎಂಬುದನ್ನು ಕಂಡುಹಿಡಿಯಬಹುದು. ಅದಲ್ಲದೆ ನಿಮಗೆ ತಿಳಿಯದೆ ನಿಮ್ಮ ಐಡಿಗೆ ಬೇರೆ ಯಾವುದೇ ಸಿಮ್ ಕಾರ್ಡ್ ನೀಡಿದ್ದರೆ, ನೀವು ಅದನ್ನು ನಿರ್ಬಂಧಿಸಬಹುದು.
ಸರ್ಕಾರದ ಮಾರ್ಗಸೂಚಿಗಳ ಪ್ರಕಾರ, ಒಬ್ಬ ವ್ಯಕ್ತಿಯು 9 ಮೊಬೈಲ್ ಸಂಪರ್ಕಗಳನ್ನು ತೆಗೆದುಕೊಳ್ಳಬಹುದು. ಅದಲ್ಲದೆ ಆಯ್ದ ವ್ಯಕ್ತಿಗಳನ್ನು ಹೊರತುಪಡಿಸಿ, ಯಾರೂ ಅವರ ಹೆಸರಿನಲ್ಲಿ ಅನೇಕ ಸಿಮ್ ಗಳನ್ನು ನೀಡುವುದಿಲ್ಲ.
ನಿಮ್ಮ ಹೆಸರಿನಲ್ಲಿ ಎಷ್ಟು ಸಿಮ್ ಗಳು ನೋಂದಾಯಿಸಲ್ಪಟ್ಟಿವೆ ಎಂದು ಪರಿಶೀಲಿಸುವುದು ವಿಧಾನ ಇಲ್ಲಿದೆ :
ಮೊದಲು ನೀವು (https://tafcop.dgtelecom.gov.in/alert.php) ಪೋರ್ಟಲ್ ಗೆ ಲಾಗಿನ್ ಮಾಡಿ. ನಂತರ, ನಿಮ್ಮ ಸಂಖ್ಯೆಯನ್ನು ನಮೂದಿಸಿ ಮತ್ತು ಪೋರ್ಟಲ್ನಲ್ಲಿ ಒಟಿಪಿಯನ್ನು ನಮೂದಿಸಿ. ಈಗ ನೀವು ಸಕ್ರಿಯ ಸಂಪರ್ಕಗಳ ಬಗ್ಗೆ ಮಾಹಿತಿಯನ್ನು ನೋಡಲು ಪ್ರಾರಂಭಿಸುತ್ತೀರಿ. ಇಲ್ಲಿ ಬಳಕೆದಾರರು ತಮಗೆ ಗೊತ್ತಿಲ್ಲದ ಸಂಖ್ಯೆಗಳನ್ನು ನಿರ್ಬಂಧಿಸಲು ವಿನಂತಿಗಳನ್ನು ಕಳುಹಿಸಬಹುದು.
ವಿನಂತಿಸಿದ ನಂತರ, ಇಲಾಖೆಯಿಂದ ಟಿಕೆಟ್ ಐಡಿಯನ್ನು ಕಳುಹಿಸಲಾಗುತ್ತದೆ, ಇದರಿಂದ ನೀವು ಅದನ್ನು ಟ್ರ್ಯಾಕ್ ಮಾಡಬಹುದು. ನಂತರ ಆ ಸಂಖ್ಯೆಯನ್ನು ಕೆಲವು ವಾರಗಳಲ್ಲಿ ಬ್ಯಾನ್‌ ಮಾಡಲಾಗುತ್ತದೆ.
ಈ ಪ್ರಕ್ರಿಯೆಯನ್ನು ಅನುಸರಿಸಿದರೆ, ನಿಮ್ಮ ಹೆಸರಿನಲ್ಲಿ ಎಷ್ಟು ಸಿಮ್ ಗಳು ನೋಂದಾಯಿಸಲ್ಪಟ್ಟಿವೆ ಮತ್ತು ನಿಮಗೆ ತಿಳಿದಿಲ್ಲದ ಎಷ್ಟು ಸಿಮ್ ಕಾರ್ಡ್ ಗಳು ಇವೆ ಎಂದು ನೀವು ಸುಲಭವಾಗಿ ಕಂಡುಹಿಡಿಯಬಹುದು.
