ಕ್ರಿಕೇಟ್ ದೈತ್ಯ ಪ್ರತಿಭೆ ಮಹೇಂದ್ರ ಸಿಂಗ್ ಧೋನಿ. ಧೋನಿ ಅಪಾರ ಅಭಿಮಾನಿ ಬಳಗವನ್ನು ಹೊಂದಿದ್ದಾರೆ. ಧೋನಿ ಏನೆ ಮಾಡಿದರು ಅದು ಅನುಕರಣಿಯ ಮತ್ತು ಸುದ್ದಿಯಾಗುತ್ತದೆ.
ಮಹೇಂದ್ರ ಸಿಂಗ್ ಧೋನಿ ಅವರ ಜೆರ್ಸಿ ನಂಬರ್ 7. ಸಾಕಷ್ಟು ಮಂದಿ ಅವರ ಜೆರ್ಸಿ ನಂಬರ್ 7 ಯಾಕೆ ಎಂಬುದರ ಬಗ್ಗೆ ಹಲವಾರು ರೀತಿಯ ಮಾತನಾಡುತ್ತಾರೆ. ಧೋನಿ ಅಭಿಮಾನಿಗಳು ಅವರ ಶರ್ಟ್ ಮೇಲೂ ನಂಬರ್ 7 ಬರೆಸುತ್ತಾರೆ. ಧೋನಿ ಜೆರ್ಸಿ ನಂಬರ್ 7 ಏಕೆ ಎಂದು ಅವರೇ ಆ ಗುಟ್ಟನ್ನು ರಟ್ಟು ಮಾಡಿದ್ದಾರೆ. ನೋಡಿ
ಜನರು ನನಗೆ 7 ಅದೃಷ್ಟದ ಸಂಖ್ಯೆ ಎಂದು ಭಾವಿಸಿದ್ದರು. ಆಗಾಗ ಜನರು ನನ್ನನ್ನು ಕೇಳುತ್ತಲೇ ಇದ್ದರು. ನಾನು ಅದೃಷ್ಟದ ಸಂಖ್ಯೆ ಎಂಬ ಮೂಢನಂಬಿಕೆಯನ್ನು ಹೊಂದಿಲ್ಲ. 7 ನನ್ನ ಹೃದಯಕ್ಕೆ ಹತ್ತಿರವಾದ ಸಂಖ್ಯೆ. ನಾನು ಜುಲೈ 7ರಂದು ಜನಿಸಿದ ಕಾರಣದಿಂದಾಗಿ ನಾನು ಜೆರ್ಸಿ ನಂಬರ್ 7 ಅನ್ನು ಆಯ್ಕೆ ಮಾಡಿಕೊಂಡಿದ್ದೇನೆ ಎಂದು ಸ್ಪಷ್ಟನೆ ನೀಡಿದ್ದಾರೆ.
ಇನ್ನೊಂದು ಗಣಿತದ ಲೆಕ್ಕಾಚಾರ ವನ್ನು ಜನತೆ ಎದುರು ಬಿಡಿಸಿ ಇಟ್ಟಿದ್ದಾರೆ ಧೋನಿ ; ಜುಲೈ ಅಂದರೆ ಏಳನೇ ತಿಂಗಳು. ನಾನು ಹುಟ್ಟಿದ ವರ್ಷ 1981. ಕೊನೆಯ ಎರಡು ಸಂಖ್ಯೆಗಳನ್ನು ತೆಗೆದು, ಪ್ರತ್ಯೇಕವಾಗಿ ಕಳೆದರೆ 7 ಬರುತ್ತದೆ. ಇದರಿಂದಾಗಿ 7 ಸಂಖ್ಯೆ ನನಗೆ ತುಂಬಾ ಹತ್ತಿರವಾಗಿದೆ ಎಂದು ಧೋನಿ ಹೇಳಿದ್ದಾರೆ.