Karnataka: ಕರ್ನಾಟಕದಲ್ಲಿ ಇರುವ ಕಾಂಗ್ರೆಸ್ ಶಾಸಕರು 134. ಆದರೆ ರಾಜ್ಯದಲ್ಲಿ 149 ಜನ ಸಚಿವರು ಇದ್ದಾರೆ ಎಂದರೆ ನೀವು ನಂಬುತ್ತೀರಾ. ನಂಬಲೇಬೇಕು ಯಾಕೆಂದರೆ ನಮ್ಮ ಘನತವೆತ್ತರ ರಾಜ್ಯ ಸರ್ಕಾರ ಈ ರೀತಿಯ ಹೊಸ ಸಂಪ್ರದಾಯವನ್ನು ಶುರು ಮಾಡಿದೆ.
ಯಸ್, ಇದು ವಿಚಿತ್ರವೆನಿಸಿದರು ಕೂಡ ಸತ್ಯ. ಯಾಕೆಂದರೆ ಫೆಬ್ರವರಿ 7ರಂದು ಕರ್ನಾಟಕ ಸರ್ಕಾರ ಪ್ರಸ್ತುತ ಕಾರ್ಯ ನಿರ್ವಹಣೆ ಮಾಡುತ್ತಿರುವ ನಿಗಮ/ ಮಂಡಳಿ/ ಪ್ರಾಧಿಕಾರಗಳ ಅಧ್ಯಕ್ಷರುಗಳಿಗೆ ತಕ್ಷಣದಿಂದ ಜಾರಿಗೆ ಬರುವಂತೆ ಹಾಗೂ ಮುಂದಿನ ಆದೇಶದ ತನಕ ರಾಜ್ಯ ಸಚಿವರ ಸ್ಥಾನಮಾನ ನೀಡಿ ಆದೇಶಿಸಿದೆ. ಹೀಗೆ ರಾಜ್ಯ ಸಚಿವರ ಸ್ಥಾನಮಾನ ಪಡೆದ ನಿಗಮ/ ಮಂಡಳಿ/ ಪ್ರಾಧಿಕಾರಗಳ ಅಧ್ಯಕ್ಷರುಗಳು ಒಟ್ಟು 54. ಮುಖ್ಯಮಂತ್ರಿ ಸಿದ್ದರಾಮಯ್ಯ ಸಂಪುಟದಲ್ಲಿರುವ ಸಂಪುಟ ದರ್ಜೆ ಸಚಿವರು, ರಾಜ್ಯ ಸಚಿವರನ್ನು ಹೊರತುಪಡಿಸಿ 54 ಜನರಿಗೆ ರಾಜ್ಯ ಸಚಿವ ಸ್ಥಾನಮಾನ ನೀಡಲಾಗಿದೆ. ಹೀಗಾಗಿ ರಾಜ್ಯದಲ್ಲಿ ಶಾಸಕರುಗಳಿಗಿಂತ ಸಚಿವರೆ ಜಾಸ್ತಿ ಇದ್ದಾರೆ!
ಸಿಗೋ ಸೌಲಭ್ಯ:
ಮಾಸಿಕ ವೇತನ 50,000
ಆತಿಥ್ಯ ಭತ್ಯೆ 3,000
ಮನೆ ಬಾಡಿಗೆ ಭತ್ಯೆ 80,000
ಮನೆ ನಿರ್ವಹಣೆ, ಸಿಬ್ಬಂದಿ ಭತ್ಯೆ 20,000
ದಿನಭತ್ಯೆ ರಾಜ್ಯದಲ್ಲಿ 2,000, ಹೊರ ರಾಜ್ಯಕ್ಕೆ ಹೋದರೆ 2,500
ಸಧ್ಯ ಈ ಕುರಿತು ಈಗ ಚರ್ಚೆಗಳು ನಡೆಯುತ್ತಿವೆ. ಕಾರಣ ನಿಗಮ/ ಮಂಡಳಿ/ ಪ್ರಾಧಿಕಾರಗಳ ಅಧ್ಯಕ್ಷರುಗಳಿಗೆ ರಾಜ್ಯ ಸಚಿವ ಸ್ಥಾನಮಾನ ನೀಡಿದರೆ ಅವರಿಗೆ ವೇತನ, ಭತ್ಯ ಸೇರಿ ವಿವಿಧ ಸೌಲಭ್ಯ ನೀಡಬೇಕಾಗುತ್ತದೆ. ಇದಕ್ಕೆ ಜನರ ತೆರಿಗೆ ಹಣ ಪೋಲಾಗುತ್ತದೆ. ಈ ಕುರಿತು ವಿವಿಧ ರಾಷ್ಟ್ರೀಯ ಮಾಧ್ಯಮಗಳಲ್ಲೂ ವರದಿ ಪ್ರಸಾರವಾಗಿದೆ. ಈ ಬಗ್ಗೆ ವಿಪಕ್ಷ ನಾಯಕರು ಕೂಡ ಕಾಂಗ್ರೆಸ್ ಸರ್ಕಾರವನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.
