Swara Bhasker :ಸದಾ ತಮ್ಮ ವಿವಾದಿತ ಹೇಳಿಕೆಗಳ ಮೂಲಕವೇ ಹೆಚ್ಚು ಸದ್ದು ಮಾಡುವ ಬಾಲಿವುಡ್ ನಟಿ ಸ್ವರಾ ಭಾಸ್ಕರ್ (Swara Bhasker) ಕಳೆದ ತಿಂಗಳು ತಾವು ಅಣ್ಣ ಎಂದು ಕರೆದಿದ್ದ ರಾಜಕಾರಣಿ ಫಹಾದ್ ಅಹ್ಮದ್ ಅವರನ್ನು ಸದ್ಧಿಲ್ಲದಂತೆ ಮದುವೆಯಾಗಿದ್ದರು. ಈ ವೇಳೆ ಸ್ವರ ವಿರುದ್ಧ ವಿರೋಧಗಳು ವ್ಯಕಾತವಾಗಿದ್ವು. ಆದರೆ ಇದಾವುದರ ಕುರಿತು ತಲೆಕೆಡಿಸಿಕೊಳ್ಳದ ಸ್ವರಾ ಭಾಸ್ಕರ್ ಮತ್ತೊಂದು ಮದುವೆ ಆಗುವ ಸಂಭ್ರಮದಲ್ಲಿದ್ದಾರೆ.
ಹೌದು, ಕುಟುಂಬದವರ ಆಸೆಯಂತೆ ಸ್ವಾರಾ ಅವರು ಫಹಾದ್ ಜೊತೆ ಹಿಂದೂ ಸಂಪ್ರದಾಯದಂತೆ ಮತ್ತೆ ಮದುವೆಯಾಗುತ್ತಿದ್ದಾರೆ. ಸದ್ಯ ಇವರ ಈ ಎರಡನೇ ಸಲ ಮದುವೆಯ ಸಂಗೀತ, ಹಳದಿ ಶಾಸ್ತ್ರದ ಸಂಭ್ರಮದ ಫೋಟೋಗಳು ಈಗ ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡ್ತಿದೆ. ಸಮಾಜವಾದಿ ಪಕ್ಷದ ನಾಯಕ ಫಹಾದ್ ಅಹ್ಮದ್ (Fahad Ahamad) ಜೊತೆ ರಿಜಿಸ್ಟರ್ ಮದುವೆಯಾಗುವ (Wedding) ಮೂಲಕ ನಟಿ ಸ್ವರಾ ಭಾಸ್ಕರ್ ಅಚ್ಚರಿ ಮೂಡಿಸಿದ್ದರು. ಈ ಸರಳ ಮದುವೆ ಸ್ವರಾ ಅವರ ತಂದೆ- ತಾಯಿ ಕುಟುಂಬಸ್ಥರಿಗೆ ಇಷ್ಟವಾಗಿಲ್ಲ. ಇದೀಗ ಅವರ ಆಸೆಯಂತೆಯೇ ನಟಿ ಅದ್ದೂರಿಯಾಗಿ ಮದುವೆಯಾಗುತ್ತಿದ್ದಾರೆ.
ಖಾಸಗಿ ರೆಸಾರ್ಟ್ವೊಂದರಲ್ಲಿ ಸ್ವರಾ ಮತ್ತು ಫಹಾದ್ ಮಾರ್ಚ್ 16ರಂದು ಅದ್ದೂರಿಯಾಗಿ ದಾಂಪತ್ಯ ಜೀವನಕ್ಕೆ ಕಾಲಿಡುತ್ತಿದ್ದಾರೆ. ಅವರ ದೆಹಲಿ ಮನೆಯಲ್ಲಿ ಈಗಾಗಲೇ ಸಂಗೀತ ಮತ್ತು ಹಳದಿ ಶಾಸ್ತ್ರವು ಸಡಗರದಿಂದ ನಡೆದಿದ್ದು, ಈ ಕುರಿತ ಫೋಟೋ ಮತ್ತು ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ಸದ್ದು ಮಾಡ್ತಿದೆ.
ಅಂದಹಾಗೆ ಕಳೆದ ತಿಂಗಳು ಮದುವೆಗೂ ಮುನ್ನ ಸ್ವರಾ, ನಿಗೂಢ ವ್ಯಕ್ತಿ ಜೊತೆ ಫೋಟೋ ಶೇರ್ ಮಾಡಿ ಅಚ್ಚರಿ ಮೂಡಿಸಿದ್ದರು. ಆ ಫೋಟೋದಲ್ಲಿ ಸ್ವರಾ ಅವರನ್ನು ತಬ್ಬಿಕೊಂಡಿದ್ದರು. ಆದರೆ ಅವರ ಮುಖ ಕಾಣುತ್ತಿರಲಿಲ್ಲ. ‘ಇದು ಪ್ರೀತಿ ಆಗಿರಬಹುದು’ ಎಂದಷ್ಟೇ ಹೇಳಿದ್ದ ಸ್ವರಾ ಭಾಸ್ಕರ್ ದಿಢೀರನೆ ಆ ವ್ಯಕ್ತಿಯ ಜೊತೆ ಮದುವೆಯಾಗಿ ಫೋಟೋ ಶೇರ್ ಮಾಡಿ ಸರ್ಪ್ರೈಸ್ ಮೂಡಿಸಿದ್ದರು. ಸ್ವರಾ ಖುದ್ದು ಆ ವ್ಯಕ್ತಿಯ ಪಕ್ಕದಲ್ಲಿ ಪತ್ನಿಯಾಗಿ ಕಾಣಿಸಿಕೊಂಡಿದ್ದರು. ಈ ಮೂಲಕ ಅಭಿಮಾನಿಗಳಿಗೆ ಶಾಕ್ ಕೊಟ್ಟಿದ್ದರು. ಟ್ವಿಟರ್ (Tweet) ಹಾಗೂ ಇನ್ಸ್ಟಾಗ್ರಾಮ್ನಲ್ಲಿ ತಮ್ಮ ಮದುವೆ ವಿಚಾರ ತಿಳಿಸಿದ್ದರು. ತಾವು ಕೈ ಹಿಡಿದಿರುವ ವರ ಎಂದರೆ ರಾಜಕಾರಣಿ ಹಾಗೂ ಕಾರ್ಯಕರ್ತ ಫಹಾದ್ ಅಹ್ಮದ್ ಎಂದು ಹೇಳಿದ್ದರು. ಸಮಾಜವಾದಿ ಪಕ್ಷದ ನಾಯಕ ಫಹಾದ್ ಝಿರಾರ್ ಅಹ್ಮದ್ (Fahad Zirar Ahmad) ಅವರೊಂದಿಗೆ ತಾವು ಮದುವೆಯಾಗಿರುವುದಾಗಿ ಹೇಳಿದ್ದರು.