Rishi sunak: ಬ್ರಿಟನ್ ಪ್ರಧಾನಿ(Britan prime minister) ರಿಷಿ ಸುನಕ್(Rishi sunak) ಮತ್ತು ಅವರ ಪತ್ನಿ ಅಕ್ಷತಾ ಮೂರ್ತಿ(Akshata Murthy)ಅವರು ಸಂಪತ್ತಿನ ವಿಚಾರದಲ್ಲಿ ರಾಜ ಚಾರ್ಲ್ಸ್(King Charles) ರನ್ನು ಹಿಂದಿಕ್ಕಿದ್ದಾರೆ. ಸಂಡೇ ಟೈಮ್ಸ್ ಸುದ್ದಿ ನಿಯತಕಾಲಿಕವು ಬ್ರಿಟನ್ನಲ್ಲಿ ವಾಸಿಸುವ ಅಗ್ರ 1,000 ಶ್ರೀಮಂತ ವ್ಯಕ್ತಿಗಳು/ ಕುಟುಂಬಗಳ ನಿವ್ವಳ ಮೌಲ್ಯವನ್ನು ಆಧರಿಸಿ ತನ್ನ ಇತ್ತೀಚಿನ ಶ್ರೀಮಂತ ಪಟ್ಟಿಯನ್ನು ಬಿಡುಗಡೆ ಮಾಡಿದೆ.
ಇದನ್ನೂ ಓದಿ: Ghost Marriage: ಪ್ರೇತ ಮದುವೆಗೆ ಸಿಕ್ಕಿದ ವರ; ಆಟಿಯಲ್ಲಿ ಮದುವೆ
ಕಳೆದ ವರ್ಷ 275ನೇ ಸ್ಥಾನದಲ್ಲಿದ್ದ ಸುನಕ್ ದಂಪತಿ( sunak Couple) ಈ ಬಾರಿ 245ನೇ ಸ್ಥಾನಕ್ಕೆ ಏರಿದ್ದಾರೆ. ಇತ್ತೀಚಿನ ಪಟ್ಟಿಯಲ್ಲಿ ಕಿಂಗ್ ಚಾರ್ಲ್ಸ್(King Charles) 258 ನೇ ಸ್ಥಾನದಲ್ಲಿದ್ದಾರೆ ಎಂಬುದು ಗಮನಾರ್ಹ. 2023 ರಲ್ಲಿ, ಸುನಕ್ ದಂಪತಿಗಳ ಸಂಪತ್ತು 529 ಮಿಲಿಯನ್ ಪೌಂಡ್ಗಳಷ್ಟಿತ್ತು, ಆದರೆ ಅದು ಒಂದು ವರ್ಷದಲ್ಲಿ 651 ಮಿಲಿಯನ್ ಪೌಂಡ್ಗಳಿಗೆ (ರೂ. 6,867 ಕೋಟಿ) ಹೆಚ್ಚಾಯಿತು. ಅದೇ ಚಾರ್ಲ್ಸ್-3 ಸಂಪತ್ತು ಕೇವಲ 600 ಮಿಲಿಯನ್ ಪೌಂಡ್ಗಳಿಂದ 610 ಮಿಲಿಯನ್ ಪೌಂಡ್ಗಳಿಗೆ (ರೂ. 6,435 ಕೋಟಿ) ಏರಿಕೆಯಾಗಿದೆ.
ಪ್ರಸ್ತುತ ಆರ್ಥಿಕ ಬಿಕ್ಕಟ್ಟಿನಲ್ಲಿ, ಬ್ರಿಟನ್ನ(Britan) ಕೋಟ್ಯಾಧಿಪತಿಗಳ ಆಸ್ತಿ ಕರಗುತ್ತಿದೆ. ಆದಾಗ್ಯೂ, ಭಾರತೀಯ ಕಂಪನಿ ಇನ್ಫೋಸಿಸ್ನಲ್ಲಿ ಅಕ್ಷತಾ ಮೂರ್ತಿ ಅವರ ದೊಡ್ಡ ಷೇರುಗಳಿಂದಾಗಿ ತಂದೆ ನಾರಾಯಣ ಮೂರ್ತಿ ಅವರ ಸಂಪತ್ತು ಗಮನಾರ್ಹವಾಗಿ ಹೆಚ್ಚಾಗಿದೆ ಎಂದು ಅಂದಾಜಿಸಲಾಗಿದೆ. ಭಾರತದ ಹಿಂದೂಜಾ ಗ್ರೂಪ್ ಅನ್ನು ನೋಡಿಕೊಳ್ಳುತ್ತಿರುವ ಗೋಪಿ ಹಿಂದುಜಾ(Gopi Hinduja) ಕುಟುಂಬವು 37.2 ಬಿಲಿಯನ್ ಪೌಂಡ್ಗಳೊಂದಿಗೆ ಶ್ರೀಮಂತ ಪಟ್ಟಿಯಲ್ಲಿ ಅಗ್ರಸ್ಥಾನದಲ್ಲಿದೆ.
