Price Hike : ರಾಜ್ಯದಲ್ಲಿ ಉಷ್ಣಾಂಶ ಹೆಚ್ಚುತ್ತಿರುವ ಕಾರಣ ಚಿಕನ್ ಹಾಗೂ ಮಟನ್ ಪೂರೈಕೆಯಲ್ಲಿ ವ್ಯಕ್ತಿಯ ಉಂಟಾಗಿದೆ. ಈ ಹಿನ್ನೆಲೆಯಲ್ಲಿ ಚಿಕನ್ ಹಾಗೂ ಮಟನ್ ದರದಲ್ಲಿ ಮತ್ತೆ ಭಾರಿ ಏರಿಕೆಯಾಗಿದೆ.
ಹೌದು, ಕಳೆದ ಕೆಲವು ದಿನಗಳಿಂದಲೂ ಚಿಕನ್ ದರದಲ್ಲಿ ಭಾರಿ ಏರಿಕೆಯಾಗುತ್ತಿದೆ. ಸ್ಕಿನ್ಲೆಸ್ ಚಿಕನ್ ಬೆಲೆ ಕೆ.ಜಿ.ಗೆ ₹350ರಿಂದ ₹400ರ ನಡುವೆ ಮಾರಾಟವಾಗುತ್ತಿದೆ. ಬೆಂಗಳೂರಿನಲ್ಲಿ ಚಿಕನ್ ಬೆಲೆ ₹300 ದಾಟಿದ್ದರೆ, ಆಂಧ್ರಪ್ರದೇಶ ಮತ್ತು ತೆಲಂಗಾಣದ ಕೆಲವು ಮಾರುಕಟ್ಟೆಗಳಲ್ಲಿ ₹400ರವರೆಗೆ ತಲುಪಿದೆ. ಇದರೊಂದಿಗೆ ಇಡೀ ಕೋಳಿಯ ದರವು ₹207ರ ಮಟ್ಟ ತಲುಪಿದೆ ಎಂದು ವ್ಯಾಪಾರಿಗಳು ತಿಳಿಸಿದ್ದಾರೆ.
ಮಟನ್ ದರವೂ ಏರಿಕೆಯಾಗಿದೆ. ಮಾರುಕಟ್ಟೆಯಲ್ಲಿ ಒಂದು ಕೆ.ಜಿ. ಮಟನ್ ₹800ರಿಂದ ₹1000ರ ನಡುವೆ ಮಾರಾಟವಾಗುತ್ತಿದ್ದು, ಹಬ್ಬದ ದಿನಗಳು ಮತ್ತು ವಾರಾಂತ್ಯಗಳಲ್ಲಿ ಬೇಡಿಕೆ ಹೆಚ್ಚಾದಂತೆ ಬೆಲೆ ಮತ್ತಷ್ಟು ಏರಿಕೆಯಾಗುತ್ತಿದೆ.
ಬಿಸಿಲಿನ ಪರಿಣಾಮ ಕೋಳಿ ಸಾಕಾಣಿಕೆಗೆ ನೇರ ಹೊಡೆತ ಬಿದ್ದಿದೆ. ಹೆಚ್ಚಿನ ಉಷ್ಣಾಂಶದಿಂದ ಕೋಳಿಗಳ ಸಾವು ಪ್ರಮಾಣ ಹೆಚ್ಚಾಗಿರುವುದರಿಂದ ಸಾಕಾಣಿಕೆದಾರರು ಉತ್ಪಾದನೆ ಕಡಿಮೆ ಮಾಡಿದ್ದಾರೆ. ಹೀಗಾಗಿ ಚಿಕನ್ ಮತ್ತು ಮಟನ್ ದರ ಏರಿಕೆಯಾಗುತ್ತಿದೆ.
