Rakshitha Shetty : ಬಿಗ್ ಬಾಸ್ ಸೀಸನ್ ಕನ್ನಡ 12ರಲ್ಲಿ ಜಿಲ್ಲೆ ನಟ ಹಾಗೂ ರಕ್ಷಿತಾ ಶೆಟ್ಟಿಯ ಬಾಂಡಿಂಗ್ ಬಗ್ಗೆ ಇಡೀ ಕನ್ನಡ ನಾಡಿನ ಜನತೆ ಮೆಚ್ಚಿಕೊಂಡಿದ್ದರು. ಯಾವ ಸಂದರ್ಭದಲ್ಲಿ ರಕ್ಷಿತ ಗಿಲ್ಲಿಯನ್ನು ಬಿಟ್ಟು ಕೊಡುತ್ತಿರಲಿಲ್ಲ. ಗಿಲ್ಲಿಯನ್ನು ರಕ್ಷಿತ ಕೇರ್ ಮಾಡುವುದು, ಕಾಳಜಿ ಮಾಡುವುದನ್ನು ಕಂಡು ಜನರು ಇಬ್ಬರ ನಡುವೆ ಏನೋ ಇದೆ ಎಂದೆಲ್ಲ ಕಾಲೆಳೆಯುತ್ತಿದ್ದರು. ಜನರ ಅನುಮಾನಕ್ಕೆ ತಕ್ಕಂತೆ ರಕ್ಷಿತ ಕೂಡ ನಡೆದುಕೊಳ್ಳುತ್ತಿದ್ದು ಒಂದು ತರದ ಕಾಮಿಡಿಯ ಸನ್ನಿವೇಶವನ್ನು ತರುತ್ತಿತ್ತು.
ಈ ಮಟ್ಟಿಗೆ ಗಿಲ್ಲಿ ಮತ್ತು ರಕ್ಷಿತಾ ಶೆಟ್ಟಿ ಮಧ್ಯೆ ಮುದ್ದಾದ ಬಾಂಡಿಂಗ್ ಕ್ರಿಯೇಟ್ ಆಗಿಬಿಟ್ಟಿತ್ತು. ಗಿಲ್ಲಿ ತಂಗಿ ಅಂತ ಯಾರಾದರೂ ಹೇಳಿಬಿಟ್ರೆ ಮುಗೀತು, ತಂಗಿ ಅನ್ಬೇಡಿ ಎನ್ನುತ್ತಿದ್ದ ರಕ್ಷಿತಾ ಶೆಟ್ಟಿ, ಈಗಲೂ ಇದನ್ನೇ ಮುಂದುವರೆಸಿದ್ದಾರೆ. ಅಂತೆಯೇ ಬಿಗ್ ಬಾಸ್ ಸ್ಪರ್ಧಿ ಹಾಗೂ ವಿನ್ನರ್ ಆಗಿರುವ ಒಳ್ಳೆ ಹುಡುಗ ಪ್ರಥಮ್ ಅವರು ಕಾರ್ಯಕ್ರಮ ಒಂದರಲ್ಲಿ ರಕ್ಷಿತ ಶೆಟ್ಟಿಗೆ ಗಿಲ್ಲಿ ನಟನ ತಂಗಿ ಎಂದು ಕಾಲೆಳೆದಿದ್ದಾರೆ. ಇದಕ್ಕೆ ರಕ್ಷಿತ ಕೊಟ್ಟ ರಿಯಾಕ್ಷನ್ ಹೇಗಿತ್ತು ಗೊತ್ತಾ.
ಯಸ್, ʻಬಿಗ್ ಬಾಸ್ ಕನ್ನಡ ಸೀಸನ್ 12′ ಸ್ಪರ್ಧಿಗಳು ಸದ್ಯ ವಿವಿಧ ವೇದಿಕೆ ಕಾರ್ಯಕ್ರಮಗಳಿಗೆ ಗೆಸ್ಟ್ ಆಗಿ ಹೋಗುತ್ತಿದ್ದಾರೆ. ಇತ್ತೀಚೆಗೆ ರಕ್ಷಿತಾ ಶೆಟ್ಟಿ, ಜಾಹ್ನವಿ, ಅಶ್ವಿನಿ ಗೌಡ ಹಾಗೂ ಒಳ್ಳೆ ಹುಡುಗ ಪ್ರಥಮ್ ಒಂದೇ ವೇದಿಕೆಯಲ್ಲಿ ಕಾಣಿಸಿಕೊಂಡಿದ್ದಾರೆ. ಇದೇ ವೇಳೆ, ಅಲ್ಲಿ ನೆರದಿದ್ದ ಅಷ್ಟು ಅಭಿಮಾನಿಗಳ ಮುಂದೆ “ಗಿಲ್ಲಿ ತಂಗಿ ರಕ್ಷಿತಾ ಶೆಟ್ಟಿ” ಎಂದು ಪ್ರಥಮ್ ಹೇಳಿದ್ದಾರೆ. ಇದಕ್ಕೆ, “ಸರ್.. ಗಿಲ್ಲಿ ತಂಗಿ ಅನ್ಬೇಡಿ, ಬೇಕಾದರೆ ವಂಶದ ಕುಡಿ ಅನ್ನಿ” ಎಂದು ರಿಪ್ಲೈ ಕೊಟ್ಟಿದ್ದಾರೆ ರಕ್ಷಿತಾ ಶೆಟ್ಟಿ. ಸದ್ಯ ಈ ಕುರಿತ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.