Import : ಭಾರತವು ಮಸಾಲೆ ಪದಾರ್ಥಗಳ ಕಣಜ. ಎಲ್ಲಾ ರೀತಿಯ ಮಸಾಲಾ ಪದಾರ್ಥಗಳನ್ನು ಭಾರತದಲ್ಲಿ ಬೆಳೆಯಲಾಗುತ್ತದೆ. ಇದಕ್ಕಾಗಿ ಬ್ರಿಟಿಷರು ನಮ್ಮನ್ನು ಆಳಿದ್ದು ಎಂಬುದು ನಮಗೆಲ್ಲರಿಗೂ ಗೊತ್ತಿದೆ. ಆದರೆ ಪ್ರತಿದಿನ ಅಡುಗೆಮನೆಯಲ್ಲಿ ಬಳಸುವ ಒಂದು ಪ್ರಮುಖ ಮಸಾಲೆಯನ್ನು ಮಾತ್ರ ಭಾರತ ವಿದೇಶಗಳಿಂದಲೇ ಆಮದು ಮಾಡಿಕೊಳ್ಳಲಾಗುತ್ತಿದೆ. ಹಾಗಿದ್ರೆ ಯಾವುದು ಅದು? ಭಾರತದಲ್ಲಿ ಯಾಕೆ ಬೆಳೆಯಲ್ಲ?
ಭಾರತ ಹೆಚ್ಚಾಗಿ ಆಮದು ಮಾಡಿಕೊಳ್ಳುವ ಆ ಮಸಾಲೆ ಯಾವುದೆಂದರೆ ಹಿಂಗು (ಇಂಗು). ಯಸ್, ಭಾರತೀಯ ಪಾಕಶೈಲಿಯಲ್ಲಿ ಹಿಂಗ್ ಬಹಳ ಮುಖ್ಯ. ದಾಲ್, ಸಾಂಬಾರ್, ಪಲ್ಯಗಳಿಂದ ಹಿಡಿದು ಹಲವು ತಿನಿಸುಗಳಲ್ಲಿ ಸುವಾಸನೆ ಮತ್ತು ರುಚಿಗಾಗಿ ಬಳಸಲಾಗುತ್ತದೆ. ಆದರೆ ದೇಶದಲ್ಲಿ ಇದರ ಉತ್ಪಾದನೆ ಬಹಳ ಕಡಿಮೆ. ಭಾರತ ತನ್ನ ಅಗತ್ಯದ ಸುಮಾರು 90% ಹಿಂಗ್ ಅನ್ನು ವಿದೇಶಗಳಿಂದಲೇ ತರಿಸಿಕೊಳ್ಳುತ್ತದೆ.
ಹಿಂಗ್ನ ಪ್ರಮುಖ ಮೂಲ ದೇಶ ಅಫ್ಘಾನಿಸ್ತಾನ. ಜೊತೆಗೆ ಇರಾನ್, ತಜಿಕಿಸ್ತಾನ್ ಮತ್ತು ಉಜ್ಬೇಕಿಸ್ತಾನ್ ದೇಶಗಳಲ್ಲಿಯೂ ಇದರ ಉತ್ಪಾದನೆ ನಡೆಯುತ್ತದೆ. ಭಾರತವು ಪ್ರತಿ ವರ್ಷ ಸುಮಾರು 1200 ರಿಂದ 1500 ಟನ್ ಕಚ್ಚಾ ಹಿಂಗ್ ಆಮದು ಮಾಡಿಕೊಳ್ಳುತ್ತದೆ. ಇದಕ್ಕಾಗಿ ಸುಮಾರು 940 ಕೋಟಿ ರೂ. ವೆಚ್ಚವಾಗುತ್ತದೆ.