RBI ವಿವಿಧ ಶಾಖೆಗಳಲ್ಲಿನ ಹುದ್ದೆಗೆ ನೇಮಕಾತಿ- ಇಲ್ಲಿದೆ ಅರ್ಹತೆ, ಹುದ್ದೆ ಹಾಗೂ ಸಂಬಳದ ವಿವರ

RBI: ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾ ದೇಶಾದ್ಯಂತ ಇರುವ ತನ್ನ ವಿವಿಧ ಶಾಖೆಗಳಲ್ಲಿನ ಖಾಲಿಯಾದ ಹುದ್ದೆಗಳಿಗೆ ನೇಮಕಾತಿಯನ್ನು ಅಧಿಸೂಚನೆ ಹೊರಡಿಸಿದ್ದು, ಅದರ ಮಾಹಿತಿಯನ್ನು ಹಂಚಿಕೊಂಡಿದೆ.

ಆರ್‌ಬಿಐ ಅಧಿಸೂಚನೆಯಂತೆ ಅರ್ಹ ಮತ್ತು ಆಸಕ್ತ ಅಭ್ಯರ್ಥಿಗಳು ಸೆಪ್ಟೆಂಬರ್ 17 ರವರೆಗೆ ಅರ್ಜಿ ಸಲ್ಲಿಸಬಹುದು. ಒಟ್ಟು 120 ಗ್ರೇಡ್ ಬಿ ಅಧಿಕಾರಿ ಹುದ್ದೆಗಳನ್ನು ಭರ್ತಿ ಮಾಡಲಾಗುತ್ತದೆ ಎಂದು ಮಾಹಿತಿ ಲಭ್ಯವಾಗಿದೆ.

ಹುದ್ದೆಗಳ ವಿವರಗಳು:

ಗ್ರೇಡ್ ಬಿ ಅಧಿಕಾರಿಗಳು (DR) – ಸಾಮಾನ್ಯ ಹುದ್ದೆಗಳ ಸಂಖ್ಯೆ: 83

ಗ್ರೇಡ್ ಬಿ ಅಧಿಕಾರಿಗಳು (DR) – ಅರ್ಥಶಾಸ್ತ್ರ ಮತ್ತು ನೀತಿ ಸಂಶೋಧನಾ ಇಲಾಖೆ (DEPF): 17

ಗ್ರೇಡ್ ಬಿ ಅಧಿಕಾರಿಗಳು (DR) – ಅಂಕಿಅಂಶ ಮತ್ತು ಮಾಹಿತಿ ನಿರ್ವಹಣಾ ಇಲಾಖೆ (DSIM): 20

ಅರ್ಹತೆ:

* ಸಾಮಾನ್ಯ ವಿಭಾಗದ ಹುದ್ದೆಗಳಿಗೆ ಅಭ್ಯರ್ಥಿಗಳು ಯಾವುದೇ ವಿಷಯದಲ್ಲಿ ಕನಿಷ್ಠ ಶೇ.60 ಅಂಕಗಳೊಂದಿಗೆ ಪದವಿ (SC/ST/PwBD ಗೆ ಶೇ.50) ಅಥವಾ ಶೇ.55 ಅಂಕಗಳೊಂದಿಗೆ ಸ್ನಾತಕೋತ್ತರ ಪದವಿ (SC/ST/PwBD ಗೆ 55%) ಪಡೆದಿರಬೇಕು. CA ಫೈನಲ್ ಅಥವಾ ತತ್ಸಮಾನ ಸರ್ಕಾರಿ ಮಾನ್ಯತೆ ಪಡೆದ ತಾಂತ್ರಿಕ ಪದವಿಗಳಂತಹ ವೃತ್ತಿಪರ ಅರ್ಹತೆ ಹೊಂದಿರುವ ಅಭ್ಯರ್ಥಿಗಳು ಸಹ ಅರ್ಹರು.

* DEPR ವಿಭಾಗದ ಹುದ್ದೆಗಳಿಗೆ, ಅಭ್ಯರ್ಥಿಗಳು ಕನಿಷ್ಠ ಶೇ.55 ಅಂಕಗಳೊಂದಿಗೆ ಅರ್ಥಶಾಸ್ತ್ರ, ಹಣಕಾಸು, ಅರ್ಥಶಾಸ್ತ್ರ ಅಥವಾ ಸಂಬಂಧಿತ ವಿಭಾಗದಲ್ಲಿ ಸ್ನಾತಕೋತ್ತರ ಪದವಿಯನ್ನು ಹೊಂದಿರಬೇಕು

* DSIM ವಿಭಾಗದ ಹುದ್ದೆಗಳಿಗೆ, ಅಭ್ಯರ್ಥಿಗಳು ಕನಿಷ್ಠ ಶೇ. 55 ಅಂಕಗಳೊಂದಿಗೆ ಅಂಕಿಅಂಶಗಳು, ಗಣಿತ ಅಂಕಿಅಂಶಗಳು, ಗಣಿತ ಅರ್ಥಶಾಸ್ತ್ರ ಅಥವಾ ಸಂಬಂಧಿತ ವಿಭಾಗದಲ್ಲಿ ಸ್ನಾತಕೋತ್ತರ ಪದವಿಯನ್ನು ಪೂರ್ಣಗೊಳಿಸಿರಬೇಕು. ISI, PGDBA (ISI ಕೋಲ್ಕತ್ತಾ/IIT ಖರಗ್‌ಪುರ/IIM ಕಲ್ಕತ್ತಾ) ದಿಂದ M.Stat. ಅಥವಾ ಸಂಬಂಧಿತ ಸ್ನಾತಕೋತ್ತರ ಡಿಪ್ಲೊಮಾ ಕೋರ್ಸ್‌ಗಳನ್ನು ಮಾಡಿದ ಅಭ್ಯರ್ಥಿಗಳು ಸಹ ಅರ್ಹರು

ಪರೀಕ್ಷಾ ವೇಳಾಪಟ್ಟಿ:

ಹಂತ-I ಆನ್‌ಲೈನ್ ಪರೀಕ್ಷೆ ಗ್ರೇಡ್ ‘ಬಿ’ (DR) – ಸಾಮಾನ್ಯ ಪರೀಕ್ಷೆ: ಅಕ್ಟೋಬರ್ 18

ಹಂತ-I ಆನ್‌ಲೈನ್ ಪರೀಕ್ಷೆ ಗ್ರೇಡ್ ‘ಬಿ’ (ಡಿಆರ್) – ಡಿಇಪಿಆರ್ (ಪೇಪರ್ 1 ಮತ್ತು 2), ಡಿಎಸ್‌ಐಎಂ (ಪೇಪರ್-1) ಪರೀಕ್ಷೆ: ಅಕ್ಟೋಬರ್ 19

ಹಂತ-II ಆನ್‌ಲೈನ್ ಪರೀಕ್ಷೆ ‘ಬಿ’ (DR) – ಸಾಮಾನ್ಯ ಪರೀಕ್ಷೆ: ಡಿಸೆಂಬರ್ 06

ಹಂತ-II ಆನ್‌ಲೈನ್/ಲಿಖಿತ ಪರೀಕ್ಷೆ ಗ್ರೇಡ್ ‘ಬಿ’ (ಡಿಆರ್) -ಡಿಇಪಿಆರ್ (ಪೇಪರ್-1 & 2) /ಡಿಎಸ್ಐಎಂ (ಪೇಪರ್-2 & 3) ಪರೀಕ್ಷೆ: ಡಿಸೆಂಬರ್ 06

ಇದನ್ನೂ ಓದಿ:Chemical weapons: ಐವರು ಐಸಿಸ್ ಉಗ್ರರು ಅರೆಸ್ಟ್: ಭಾರೀ ಪ್ರಮಾಣದ ಕೆಮಿಕಲ್ ವೆಪನ್ ವಶ

ಅರ್ಜಿ ಸಲ್ಲಿಕೆ ವಿವರ:

ಅರ್ಜಿದಾರರು ಜುಲೈ 1, 2025 ರಂತೆ 21 ರಿಂದ 30 ವರ್ಷ ವಯಸ್ಸಿನವರಾಗಿರಬೇಕು. ಆಸಕ್ತ ಅಭ್ಯರ್ಥಿಗಳು ಸೆಪ್ಟೆಂಬರ್ 30 ರಂದು ಸಂಜೆ 6 ಗಂಟೆಯವರೆಗೆ ಆನ್‌ಲೈನ್‌ನಲ್ಲಿ ಅರ್ಜಿ ಸಲ್ಲಿಸಬಹುದು. ಅರ್ಜಿ ಶುಲ್ಕದ ಪ್ರಕಾರ, ಸಾಮಾನ್ಯ/ಒಬಿಸಿ ಅಭ್ಯರ್ಥಿಗಳು ತಲಾ 850 ರೂ. ಮತ್ತು ಎಸ್‌ಸಿ/ಎಸ್‌ಟಿ/ಪಿಡಬ್ಲ್ಯೂಬಿಡಿ ಅಭ್ಯರ್ಥಿಗಳು ತಲಾ 100 ರೂ. ಪಾವತಿಸಬೇಕಾಗುತ್ತದೆ. ಅಂತಿಮ ಆಯ್ಕೆಯು ಪ್ರಾಥಮಿಕ ಪರೀಕ್ಷೆ, ಮುಖ್ಯ ಪರೀಕ್ಷೆ ಮತ್ತು ಸಂದರ್ಶನವನ್ನು ಆಧರಿಸಿರುತ್ತದೆ. ಆಯ್ಕೆಯಾದವರಿಗೆ ತಿಂಗಳಿಗೆ 78,450 ರೂ.ವರೆಗೆ ವೇತನ ನೀಡಲಾಗುತ್ತದೆ.