Harshika Poonacha Wedding: ಸ್ಯಾಂಡಲ್’ವುಡ್ ನಟಿ ಹರ್ಷಿಕಾ ಪೂಣಚ್ಚ – ಭುವನ್​ ಪೊನ್ನಣ್ಣ ಮದುವೆ ಫಿಕ್ಸ್ ; ಎಲ್ಲಿ? ಯಾವಾಗ? ಕಂಪ್ಲೀಟ್ ಡಿಟೇಲ್ಸ್ ಇಲ್ಲಿದೆ

Harshika Poonacha Wedding: ಸ್ಯಾಂಡಲ್​ವುಡ್ ನಟಿ ಹರ್ಷಿಕಾ ಪೂಣಚ್ಚ (Harshika Poonacha) ಹಾಗೂ ನಟ ಭುವನ್​ ಪೊನ್ನಣ್ಣ (Bhuvan Ponnanna) ಹಸೆಮಣೆ ಏರುತ್ತಿದ್ದಾರೆ. ಆಗಸ್ಟ್​ 24ರಂದು ವಿರಾಜಪೇಟೆಯ ಅಮ್ಮತ್ತಿಯಲ್ಲಿ ಇವರಿಬ್ಬರ ವಿವಾಹ ನೆರವೇರಲಿದೆ. ಸದ್ಯ ಈ ಜೋಡಿಯ ಮದುವೆಯ (Harshika Poonacha Wedding) ಆಮಂತ್ರಣ ಪತ್ರಿಕೆ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಆಮಂತ್ರಣ ಪತ್ರಿಕೆಯನ್ನು ಕೊಡವ ಭಾಷೆಯಲ್ಲಿ ಮುದ್ರಿಸಲಾಗಿದ್ದು, ಕೊಡಗು ಸಂಪ್ರದಾಯದಂತೆಯೇ ಇಬ್ಬರ ಮದುವೆ ಆಗುತ್ತಿದೆ.

ಹರ್ಷಿಕಾ ಪೂಣ್ಣಚ್ಚ ಮತ್ತು ಭುವನ್​ ಪೊನ್ನಣ್ಣ ಅವರು ಚಿತ್ರರಂಗದಲ್ಲಿ ಸಕ್ರಿಯರಾಗಿದ್ದಾರೆ. ಮೊದಲು ಸ್ನೇಹಿತರಾಗಿದ್ದ ಇವರು
ಸದ್ಯ ಪತಿ-ಪತ್ನಿಯಾಗುತ್ತಿದ್ದಾರೆ. ಈ ಮೊದಲೇ ಇವರ ಬಗ್ಗೆ ಹಲವು ಗಾಸಿಪ್ ಹಬ್ಬಿದ್ದರೂ ಈ ಜೋಡಿ ಯಾವುದೇ ಗುಟ್ಟು ಬಿಚ್ಚಿರಲಿಲ್ಲ.
ಭುವನ್ ಮತ್ತು ಹರ್ಷಿಕಾ ಇಬ್ಬರೂ ಹಲವು ವರ್ಷಗಳಿಂದ ಪ್ರೀತಿಸುತ್ತಿದ್ದರು. ಇದೀಗ ಇಬ್ಬರೂ ದಾಂಪತ್ಯ ಜೀವನಕ್ಕೆ ಕಾಲಿಡುತ್ತಿದ್ದಾರೆ. ಎರಡೂ ಕುಟುಂಬಗಳು ಮದುವೆಗೆ ತಯಾರಿ ಮಾಡಿಕೊಳ್ಳುತ್ತಿವೆ.

2008ರಲ್ಲಿ ಚಿತ್ರರಂಗಕ್ಕೆ ಕಾಲಿಟ್ಟ ಹರ್ಷಿಕಾ ಪೂಣ್ಣಚ್ಚ ಅವರು
ಹಲವಾರು ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ. ಕನ್ನಡ, ತಮಿಳು, ಭೋಜ್​ಪುರಿ, ತೆಲುಗು, ಕೊಡವ ಮತ್ತು ಕೊಂಕಣಿ ಭಾಷೆಯ ಸಿನಿಮಾಗಳಲ್ಲಿ ನಟಿಸಿದ್ದಾರೆ. ಮುಗ್ಧ ಅಭಿನಯದ ಮೂಲಕ ಹರ್ಷಿಕಾ ಪೂಣಚ್ಚ ಜನರ ಮನ ಗೆದ್ದಿದ್ದು, ಹೆಚ್ಚಿನ ಜನಪ್ರಿಯತೆ ಪಡೆದಿದ್ದಾರೆ.

ಇದನ್ನು ಓದಿ: Zeenat aman: ಜನ ನನ್ನ ಟ್ಯಾಲೆಂಟ್ ಬದಲು ‘ಅದನ್ನು’ ನೋಡೋದೇ ಜಾಸ್ತಿ, ನಾನೂ ಅದನ್ನೇ ಬಂಡವಾಳ ಮಾಡಿಕೊಂಡೆ – ಸಂಚಲನ ಮೂಡಸಿದ ನಟಿಯ ಹೇಳಿಕೆ