# Mangaluru : ಮಂಗಳೂರಲ್ಲಿ ರಸ್ತೆಗಿಳಿಯಲಿದೆ ಎಲೆಕ್ಟ್ರಿಕ್ ಬಸ್ – ಸರ್ಕಾರದಿಂದಲ್ಲ, ಖಾಸಗಿ ಸಂಸ್ಥೆಯಿಂದಲೇ ಆರಂಭ

- Link: https://hosakannada.com/travel/electric-buses-to-hit-the-roads-in-mangalore-not-from-the-government-but-from-a-private-organization/
- Published: 2026-02-24T10:23:10+00:00
- Author: ಹೊಸಕನ್ನಡ ನ್ಯೂಸ್

Mangaluru : ಕೇಂದ್ರ ಸರ್ಕಾರವು ಈಗಾಗಲೇ ರಾಜ್ಯಕ್ಕೆ ಸುಮಾರು 250 ಎಲೆಕ್ಟ್ರಿಕ್ ಬಸ್ ಗಳನ್ನು ಮಂಜೂರು
ಮಾಡಿದೆ. ಬೆಂಗಳೂರು ಸೇರಿ ಕೆಲವು ನಗರಗಳಲ್ಲಿ ಈಗಾಗಲೇ ಎಲೆಕ್ಟ್ರಿಕ್ ಬಸ್ ಓಡಾಟ ಆರಂಭಿಸಿದೆ. ಸರ್ಕಾರದ
ಈ ನಿರ್ಧಾರ ಖಾಸಗಿ ಸಂಸ್ಥೆಗಳಿಗೆ ದೊಡ್ಡ ಹೊಡೆತವನ್ನು ಉಂಟುಮಾಡುತ್ತದೆ ಎಂದು ವಿಶ್ಲೇಷಿಸಲಾಗಿತ್ತು.
ಆದರೆ ಇದೀಗ ಸರ್ಕಾರಕ್ಕೆ ಸೆಡ್ಡು ಹೊಡೆದು ಖಾಸಗಿ ಸಂಸ್ಥೆಯೊಂದು ಮೊದಲ ಬಾರಿಗೆ ಎಲೆಕ್ಟ್ರಿಕ್ ಬಸ್
ಒಂದನ್ನು ಓಡಿಸಲು ನಿರ್ಧರಿಸಿದೆ. ಅದು ಕೂಡ ಕರಾವಳಿ ನಗರವಾದ ಮಂಗಳೂರಲ್ಲಿ!!

Sponsored

ಯಸ್, ಸರ್ಕಾರಿ ಇ-ಬಸ್‌ (E-Bus) ಆರಂಭವಾಗುವ ಮೊದಲೇ, ಮಂಗಳೂರು ನಗರದಲ್ಲಿ ಖಾಸಗಿ ಸಾರಿಗೆ ವ್ಯವಸ್ಥೆಯಲ್ಲೇ
ಮೊದಲ ಬಾರಿಗೆ ಎಲೆಕ್ಟ್ರಿಕ್‌ ಬಸ್‌ (ಇ-ಬಸ್‌) ಸೇವೆ ಆರಂಭಿಸಲು ಮುಂದಾಗಿದೆ. ಫೆಬ್ರವರಿ 26, 2026
ರಂದು ಈ ಬಸ್‌ ಅಧಿಕೃತವಾಗಿ ರಸ್ತೆಗಿಳಿಯಲಿದೆ. ಈ ಮೂಲಕ ಮಂಗಳೂರಿನ ಸಾರಿಗೆ ವ್ಯವಸ್ಥೆಯಲ್ಲಿ ಹೊಸ 
ಅಧ್ಯಾಯ ಆರಂಭವಾಗಲಿದೆ.

Advertisement

Advertisement

ದಕ್ಷಿಣ ಕನ್ನಡದ ವಿವಿಧ ಮಾರ್ಗಗಳಲ್ಲಿ 100 ಎಲೆಕ್ಟ್ರಿಕ್‌ ಬಸ್‌ಗಳನ್ನು ಓಡಿಸಲು ಕೆಎಸ್‌ಆರ್‌ಟಿಸಿ
ಸಿದ್ಧತೆಗಳನ್ನು ನಡೆಸುತ್ತಿದೆ. ಈ ಮಧ್ಯೆ ಖಾಸಗಿ ಸಾರಿಗೆ ಸಂಸ್ಥೆ, ಕೆಎಸ್‌ಆರ್‌ಟಿಸಿಗೆ ಟಕ್ಕರ್‌
ನೀಡಲು ಇವಿ ಬಸ್‌ಗಳನ್ನು ಪರಿಚಯಿಸಲು ಮುಂದಾಗಿದೆ. ಈ ಹಿನ್ನಲೆಯಲ್ಲಿ ದೇಶದಲ್ಲಿ ಮೊದಲ ಖಾಸಗಿ ಇ-ಬಸ್‌
ಸೇವೆ ಆರಂಭಸುತ್ತಿರುವ ಮಂಗಳೂರು ಮೊದಲ ನಗರ ಎಂಬ ಹೆಗ್ಗಳಿಕೆ ಮಂಗಳೂರು ಪಾತ್ರವಾಗುತ್ತಿದೆ

ದಕ್ಷಿಣ ಕನ್ನಡ ಜಿಲ್ಲಾ ಬಸ್‌ ಮಾಲೀಕರ ಸಂಘದ ಮಾಜಿ ಅಧ್ಯಕ್ಷರೂ ಆಗಿರುವ ದಿಲ್ರಾಜ್‌ ಆಳ್ವಾ ಅವರು 
ಮಾತನಾಡಿ “ಫೆಬ್ರವರಿ 26, 2026ರಂದು ರೂಟ್‌ ಸಂಖ್ಯೆ 27 ರಲ್ಲಿ ಹೊಸ ಎಲೆಕ್ಟ್ರಿಕ್‌ ಬಸ್‌ ಅನ್ನು
ಬಿಡುಗಡೆ ಮಾಡಲು ಸಜ್ಜಾಗಿದೆ. “ತಯಾರಕರು ಮುಂದಿನ ಒಂದೆರಡು ದಿನಗಳಲ್ಲಿ ವಾಹನವನ್ನು ತಲುಪಿಸುತ್ತಾರೆ.
ಆ ನಂತರ ನಗರದಲ್ಲಿ ಇವಿ-ಬಸ್‌ಗಳು ಓಡಾಡಲಿದೆ ಮತ್ತು ಪರಿಸರ ಸುರಕ್ಷತೆಗೆ ಸಹಕಾರಿಯಗಲಿದೆ” ಎಂದರು

Advertisement