# ಕುಡಿದು ಟೈಟಾಗಿ ಸ್ಕೂಟರ್ ನ ಹಿಂಬದಿಗೆ ಹಿಮ್ಮುಖವಾಗಿ ಕುಳಿತ ಯುವತಿ | ವೀಡಿಯೋ ವೈರಲ್

- Link: https://hosakannada.com/travel/drunken-lady-and-scooter-backside-viral-video-in-electronic-city/
- Published: 2022-10-23T14:35:39+00:00
- Author: ಕೆ. ಎಸ್. ರೂಪಾ

ಇತ್ತೀಚಿನ ಯುವಕ ಯುವತಿಯರು ಯಾವಾಗ ಯಾಕೆ ಏನು ಎಲ್ಲಿ ಹೇಗೆ ವರ್ತಿಸುತ್ತಾರೆ ಅನ್ನೋದು ತಿಳಿಯಲ್ಲ.
ಕೆಲವೊಮ್ಮೆ ಅವರ ಅಸಭ್ಯ ವರ್ತನೆ, ಹುಚ್ಚಾಟಗಳಿಂದ ಸಮಾಜಕ್ಕೆ ತೊಂದರೆ ಆಗಬಹುದು ಅನ್ನುವ ಪರಿಜ್ಞಾನ
ಕೂಡ ಇರುವುದಿಲ್ಲ ಅನ್ನಿಸುತ್ತೆ. ಇನ್ನೂ ಇಲೆಕ್ಟ್ರಾನಿಕ್​ ಸಿಟಿಯಲ್ಲಿ ಯುವಕರಿಗಿಂತ ಯುವತಿಯರು ಕಮ್ಮಿಯಿಲ್ಲ
ಅನ್ನೋ ತರ ಅಸಭ್ಯ ವರ್ತನೆ ಮಾಡಿರುವುದು ಬೆಳಕಿಗೆ ಬಂದಿದೆ.

Sponsored

ಹೌದು ಇಲೆಕ್ಟ್ರಾನಿಕ್​ ಸಿಟಿಯಲ್ಲಿ ಯುವತಿಯೊಬ್ಬಳು ಸ್ಕೂಟರ್​​ನ ಹಿಂಬದಿಯಲ್ಲಿ, ಹಿಮ್ಮುಖವಾಗಿ ಕುಳಿತು
ತೂರಾಡುತ್ತ, ಮೈಬಳುಕಿಸುತ್ತಿದ್ದ ವಿಡಿಯೋ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್​ ಆಗಿದೆ.

Advertisement

Advertisement

ಅಕ್ಟೊಬರ್ 22ರಂದು ಶನಿವಾರ ರಾತ್ರಿ ಈ ದೃಶ್ಯ ಕಂಡುಬಂದಿದೆ. ಸ್ಕೂಟರ್ ಓಡಿಸುತ್ತಿದ್ದವಳೂ ಸಹ ಹೆಲ್ಮೆಟ್​
ಧರಿಸಿರಲಿಲ್ಲ. ಹಿಂಬದಿಯಲ್ಲಿ ಕುಳಿತವಳಂತೂ ಕೇಳಬೇಡಿ ಆಕೆಯದ್ದೇ ಲೋಕದಲ್ಲಿ ತೇಲಾಡುತ್ತಿದ್ದಂತೆ ಇದ್ದಳು.
ಕೈ, ಕಾಲು ಅಲ್ಲಾಡಿಸುತ್ತ, ಕುಳಿತಲ್ಲೇ ಡ್ಯಾನ್ಸ್ ಕೂಡ ಮಾಡುತ್ತಿದ್ದಳು. ತುಂಬ ಅಪಾಯಕಾರಿ ರೀತಿಯಲ್ಲಿ
ಆ ಸ್ಕೂಟರ್ ಓಡುತ್ತಿತ್ತು.

ಕೇರಳ ನೋಂದಣಿ ಸಂಖ್ಯೆ ಇರುವ ಸ್ಕೂಟರ್ ಇದಾಗಿದ್ದು, ವೀಕೆಂಡ್ ಹಿನ್ನೆಲೆಯಲ್ಲಿ ಈ ಯುವತಿಯರು ಅದ್ಯಾವುದೋ
ಪಾರ್ಟಿಗೆ ಹೋಗಿ ವಾಪಸ್​ ಬರುತ್ತಿದ್ದರು ಎಂದು ಮಾಹಿತಿ ದೊರೆತಿದೆ. ಹಿಂಬದಿಯು ಯುವತಿ ತೂರಾಡುತ್ತಿದ್ದುದನ್ನು
ನೋಡಿದರೆ ಆಕೆ ಮದ್ಯಪಾನ ಮಾಡಿರುವಂತೆ ಕಾಣುತ್ತಿತ್ತು. ಎಲೆಕ್ಟ್ರಾನಿಕ್​ ಸಿಟಿಯ ಪ್ರಮುಖ ರಸ್ತೆಗಳಲ್ಲಿ
ಇವರ ಸ್ಕೂಟರ್​ ಬೇಕಾಬಿಟ್ಟಿ ಓಡಿದೆ.

ಇವರ ಈ ಹುಚ್ಚಾಟದಿಂದ ವಾಹನ ಸವಾರರಿಗೆ ತೊಂದರೆಯೂ ಆಗಿದೆ.ಅದಲ್ಲದೆ ಈ ಘಟನೆ ಬಗ್ಗೆ ಪೊಲೀಸರು ಸೂಕ್ತ
ಕ್ರಮ ಕೈಗೊಳ್ಳಬೇಕು ಎಂದು ಜನರು ಆಕ್ರೋಶ ಗೊಂಡಿರುವವುದು ಸೋಷಿಯಲ್ ಮೀಡಿಯಾ ಕಾಮೆಂಟ್ ಮೂಲಕ ತಿಳಿದು
ಬಂದಿದೆ.

Advertisement