# Temples : ಇನ್ಮುಂದೆ ರಾಜ್ಯದ ದೇವಾಲಯಗಳಲ್ಲಿ ಶೂಟಿಂಗ್, ವಿಡಿಯೋ ರೆಕಾರ್ಡ್ ಮಾಡುವಂತಿಲ್ಲ – ಶುಲ್ಕ ಕಟ್ಟಿದ್ರೆ ಮಾತ್ರ ಅವಕಾಶ

- Link: https://hosakannada.com/temple/shooting-and-video-recording-will-no-longer-be-allowed-in-temples-in-the-state-only-allowed-if-a-fee-is-paid/
- Published: 2026-02-20T13:01:42+00:00
- Author: ಹೊಸಕನ್ನಡ ನ್ಯೂಸ್

Temples : ಇನ್ನು ಮುಂದೆ ರಾಜ್ಯದ ದೇವಾಲಯಗಳಲ್ಲಿ ಚಿತ್ರೀಕರಣ ಮಾಡುವಂತಿಲ್ಲ. ಒಂದು ವೇಳೆ ಮಾಡಬೇಕಾದರೆ
ಅನುಮತಿ ಪಡೆದು ಶುಲ್ಕವನ್ನು ಪಾವತಿಸಬೇಕು ಎಂದು ಕರ್ನಾಟಕ ಸರ್ಕಾರ ಆದೇಶ ಹೊರಡಿಸಿದೆ.

Sponsored

ಹೌದು, ರಾಜ್ಯದ ಎಲ್ಲಾ’ಎ’ ಮತ್ತು ‘ಬಿ’ ಗ್ರೇಡ್‌ ದೇವಾಲಯಗಳಲ್ಲಿ ಯಾವುದೇ ಚಿತ್ರೀಕರಣ ಮಾಡಬೇಕೆಂದರೆ
ಶುಲ್ಕ ಕಟ್ಟಬೇಕು. ಸಿನಿಮಾ, ಧಾರಾವಾಹಿ, ಸಾಕ್ಷ್ಯಚಿತ್ರ, ಸುದ್ದಿ ವಾಹಿನಿಗಳು ಹೀಗೆ ಯಾವುದೇ ತರಹದ
ವಿಡಿಯೋ ರೆಕಾರ್ಡಿಂಗ್‌ ಮಾಡಬೇಕೆಂದರೆ ಮುಜರಾಯಿ ಇಲಾಖೆಗೆ ನಿಗದಿತ ಹಣ ಕಟ್ಟಬೇಕು. 

Advertisement

Advertisement

**ಶುಲ್ಕ ಎಷ್ಟು ನಿಗದಿ?**

ಬೆಂಗಳೂರು ನಗರದ ದೇವಸ್ಥಾನಗಳಲ್ಲಿ ಚಲನಚಿತ್ರಗಳ ಚಿತ್ರೀಕರಣಕ್ಕೆ 15 ಸಾವಿರ ರೂ. ಹಾಗೂ ಇತರೆ ಪ್ರದೇಶಗಳ
ದೇವಸ್ಥಾನಗಳಲ್ಲಿ 10 ಸಾವಿರ ರೂ. ಮತ್ತು ಧಾರಾವಾಹಿ/ ಸಾಕ್ಷ್ಯಚಿತ್ರ/ ವಾಣಿಜ್ಯ ಉದ್ದೇಶಗಳ ಚಿತ್ರೀಕರಣಕ್ಕೆ
ದಿನಕ್ಕೆ 5 ಸಾವಿರ ರೂ. ಹಾಗೂ ನ್ಯೂಸ್‌ ಚಾನೆಲ್‌ಗಳಲ್ಲಿ ಕ್ಷೇತ್ರದ ಮಹಿಮೆ ಸಾರುವ, ಐದು ನಿಮಿಷಗಳ
ಅವಧಿ ಮೀರದ ಚಿತ್ರೀಕರಣಕ್ಕಾಗಿ 250 ರೂ. ಹಾಗೂ 5 ನಿಮಿಷಗಳ ನಂತರದ ಚಿತ್ರೀಕರಣಕ್ಕೆ ಗಂಟೆಗಳ ಆಧಾರದಲ್ಲಿ
ಶುಲ್ಕ ನಿಗದಿಪಡಿಸಲಾಗಿದೆ.

ಈ ನೀತಿ ಹೊಸತಲ್ಲ.  2003ರಲ್ಲಿ ಈ ಕುರಿತು ಇಲಾಖೆ ಒಂದು ಮಾರ್ಗಸೂಚಿ ಹೊರಡಿಸಿತ್ತು. ನಂತರ 2012ರಲ್ಲಿ
ಮತ್ತೊಂದು ಮಾರ್ಗಸೂಚಿ ಹೊರಡಿಸಿತ್ತು. ಆದರೆ, ವಿಡಿಯೋ ಮಾಡುವಾಗ ಹಣ ಕಟ್ಟಬೇಕು ಎಂಬ ಮಾಹಿತಿ ಹಲವರಿಗೆ
ಇರಲಿಲ್ಲ. ಹೀಗಾಗಿ, ಕೆಲವು ಷರತ್ತುಗಳನ್ನು ವಿಧಿಸುವ ಮೂಲಕ ಚಿತ್ರೀಕರಣದ ವೇಳೆ ದೇವಾಲಯಗಳ ಪಾವಿತ್ರ್ಯತೆ
ಕಾಪಾಡುವ ನಿಟ್ಟಿನಲ್ಲಿ 2012ರಲ್ಲಿ ಹೊರಡಿಸಿರುವ ಮಾರ್ಗಸೂಚಿಗಳನ್ನು ಕಟ್ಟುನಿಟ್ಟಾಗಿ ಪಾಲಿಸಲು ಮುಜರಾಯಿ
ಇಲಾಖೆ ಮುಂದಾಗಿದೆ.

ಈ ಕುರಿತಾಗಿ ಮುಜರಾಯಿ ಇಲಾಖೆ 15 ಅಂಶಗಳ ಮಾರ್ಗಸೂಚಿಯನ್ನು ಹೊರಳಿಸಿದೆ ಒಂದು ವೇಳೆ ಯಾರಾದರೂ ಅನುಮತಿ
ಪಡೆಯದೆ ಚಿತ್ರೀಕರಣ ಮಾಡಿದಲ್ಲಿ ಫೋನ್ ಅಥವಾ ಕ್ಯಾಮೆರಾವನ್ನು ಪಡೆದು ಡಿಲೀಟ್ ಮಾಡಿ ಹಿಂದಿರುಗಿಸಲಾಗುವುದು
ಎಂದು ಇಲಾಖೆ ತಿಳಿಸಿದೆ.

Advertisement