# Viral Video : ಕೇವಲ 4 ಲಕ್ಷ ಖರ್ಚು ಮಾಡಿ ಮಾರುತಿ 800 ಕಾರನ್ನೇ ಲ್ಯಾಂಬೋರ್ಘಿನಿ ಯಾಗಿ ಪರಿವರ್ತಿಸಿದಯುವಕ – ವೀಡಿಯೋ ವೈರಲ್

- Link: https://hosakannada.com/technology/young-man-transforms-maruti-800-into-lamborghini-by-spending-just-rs-4-lakh-video-goes-viral/
- Published: 2026-03-09T17:11:47+00:00
- Author: ಹೊಸಕನ್ನಡ ನ್ಯೂಸ್

Viral Video : ಇಂದು ಮಾರುಕಟ್ಟೆಗೆ ನಾನಾ ರೀತಿಯ ಐಷಾರಾಮಿ ಕಾರುಗಳು ಲಗ್ಗೆ ಇಡುತ್ತಿವೆ. ಎಲ್ಲರಿಗೂ
ಕೂಡ ತಾನು ದುಬಾರಿ ಬೆಲೆಯ, ಐಷಾರಾಮಿ ಕಾರುಗಳನ್ನು ಕೊಂಡುಕೊಳ್ಳಬೇಕೆಂಬ ಆಸೆ ಇದ್ದೇ ಇರುತ್ತದೆ. ಆದರೆ
ಆರ್ಥಿಕ ಸಂಕಷ್ಟದಿಂದಾಗಿ ಇವುಗಳನ್ನು ರಸ್ತೆಯಲ್ಲಿ ಓಡಾಡುವುದನ್ನು ಕಂಡು ಸಂತೋಷಪಡಬೇಕಾದ ಸ್ಥಿತಿ 
ಹಲವರಿಗೆ ಇದೆ. ಇಲ್ಲೊಬ್ಬ ಯುವಕ ಮಾರುತಿ 800 ಕಾರನ್ನು ಬಳಸಿ ಲ್ಯಾಂಭೋರ್ಘಿನಿಯನ್ನೇ ಹೋಲುವ ಕಾರೊಂದನ್ನು
ಸಿದ್ಧಪಡಿಸಿದ್ದಾನೆ. ಇದರ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ.

Sponsored

ಹೌದು, ಜಾರ್ಖಂಡ್‌ನ ಚಂಡಿಲ್‌ನ ನಿವಾಸಿಯಾಗಿರುವ ಆರೀಫ್ ಎಂಬುವವರೇ ಈ ರೀತಿ ಮಾರುತಿ 800 ಕಾರನ್ನು
ತಮ್ಮ ಸ್ವಂತ ಪ್ರತಿಭೆ ಬಳಸಿ ಲ್ಯಾಂಬೋರ್ಘಿನಿ ಕಾರಾಗಿ ಬದಲಿಸಿದ ಯುವ ಇಂಜಿನಿಯರ್. ಈ ಕಾರಿನ ಬಹುತೇಕ
ಡಿಸೈನ್‌ ಅನ್ನು ಇವರೇ ಮಾಡಿದ್ದು, ಈ ಕಾರಿಗಾಗಿ ಅಗತ್ಯ ಬಿಡಿ ಭಾಗಗಳನ್ನು ಆರೀಫ್ ಮಾರುಕಟ್ಟೆಯಿಂದ
ಖರೀದಿಸಿದ್ದಾರೆ. ಈ ವಿಡಿಯೋ ವೈರಲ್ ಆಗುತ್ತಿದ್ದಂತೆ ಅನೇಕರು ವೀಡಿಯೋ ನೋಡಿ ಫಿದಾ ಆಗಿದ್ದಾರೆ. ಯುವ
ಮೆಕಾನಿಕ್‌ ಆರೀಫ್‌ನ ಪ್ರತಿಭೆಗೆ ಫಿದಾ ಆಗಿದ್ದಾರೆ.

Advertisement

Advertisement

ಆರೀಫ್ ಅವರು ತರಬೇತಿ ಪಡೆದ ಮೆಕಾನಿಕ್ ಆಗಿದ್ದು, ಇವರು ತಮ್ಮ ತಾಂತ್ರಿಕ ಜ್ಞಾನ ಹಾಗೂ ಕಲ್ಪನೆಯನ್ನು
ಬಳಸಿ ಹ್ಯಾಚ್‌ಬ್ಯಾಕ್ ಕಾರನ್ನು ನಿರ್ಮಿಸಿದ್ದಾರೆ. ಇದಕ್ಕಾಗಿ ದುಬಾರಿ ಬಿಡಿಭಾಗಗಳನ್ನು ಖರೀದಿಸುವ
ಬದಲು, ಆರಿಫ್ ವಾಹನವನ್ನು ನಿರ್ಮಿಸಲು ಹೆಚ್ಚಾಗಿ ತನ್ನದೇ ಆದ ಕರಕುಶಲತೆ ಬಳಸಿದ್ದಾರೆ. ಕನ್ನಡಿ, 
ಕಾರಿನ ಗ್ಲಾಸ್ ಮುಂತಾದ ಕೆಲವು ಮೂಲಭೂತ ವಸ್ತುಗಳನ್ನು ಮಾತ್ರ ಅವರು ಮಾರುಕಟ್ಟೆಯಿಂದ ಖರೀದಿಸಿದೆ.
ಕಾರಿನ ದೇಹದ ವಿನ್ಯಾಸ ಮತ್ತು ಸ್ಟೈಲಿಂಗ್ ಅಂಶಗಳನ್ನು ಒಳಗೊಂಡಂತೆ ಉಳಿದ ರಚನೆಯನ್ನು ಆರಿಫ್ ಸ್ವತಃ
ರಚಿಸಿದ್ದಾರೆ.

ಮಾರುತಿ 800 ರ ಮೂಲ ಚೌಕಟ್ಟನ್ನು ಮಾರ್ಪಡಿಸುವ ಮೂಲಕ, ಅವರು ಐಷಾರಾಮಿ ಲಂಬೋರ್ಘಿನಿ ಮಾದರಿಗಳಿಂದ 
ಪ್ರೇರಿತವಾದ ದಿಟ್ಟ ಸ್ಪೋರ್ಟ್ಸ್ ಕಾರನ್ನು ನಿರ್ಮಿಸಿದ್ದಾರೆ. ಪರಿಣಾಮ ನೋಡುಗರ ತಲೆ ತಿರುಗಿಸುವಂತಹ
ಕಾರು ರೆಡಿಯಾಗಿದೆ. ವರದಿಗಳ ಪ್ರಕಾರ ಈ ಕಾರನ್ನು ನಿರ್ಮಿಸುವುದಕ್ಕೆ ಸುಮಾರು 4 ಲಕ್ಷ ರೂಪಾಯಿ ವೆಚ್ಚವಾಗಿದೆ
ಎಂದು ವರದಿಯಾಗಿದೆ. ವೀಡಿಯೋವನ್ನು ಮಿಲಿಯನ್‌ಗೂ ಹೆಚ್ಚು ಜನ ವೀಕ್ಷಿಸಿದ್ದಾರೆ. ವಿಶೇಷವಾಗಿ ವೃತ್ತಿಪರ
ಆಟೋಮೊಬೈಲ್ ಕಾರ್ಯಾಗಾರದಲ್ಲಿ ಭಾಗಿಯಾಗದೆಯೇ ಅವರು ಈ ರೀತಿ ಅದ್ಭುತವಾದ ಕಾರನ್ನು ರೆಡಿ ಮಾಡಿರುವುದನ್ನು
ನೋಡಿ ಜನ ಫಿದಾ ಆಗಿದ್ದಾರೆ.

 ವಿಡಿಯೋ ನೋಡಿ 👇

[https://x.com/i/status/2029187608530592229](https://x.com/i/status/2029187608530592229)

Advertisement