# ದೇಶದಲ್ಲಿಯೇ ಪ್ರಥಮ ಬಾರಿಗೆ ತಯಾರಾಗಿ ನಿಂತಿದೆ ಫುಡ್ ಡೆಲಿವರಿಯ ‘ಧೀರಾ’ ರೊಬೋಟ್​!!

- Link: https://hosakannada.com/technology/food-delivery-robots/
- Published: 2022-06-26T10:54:49+00:00
- Author: ಹೊಸಕನ್ನಡ ನ್ಯೂಸ್

ಜಗತ್ತು ಬೆಳವಣಿಗೆಯತ್ತ ದಾಪು ಕಾಲಿಡುತ್ತಿದ್ದಂತೆ, ಎಲ್ಲವೂ ಟೆಕ್ನಾಲಜಿಯುತವಾಗಿದೆ. ಪ್ರತಿಯೊಂದು
ಕೆಲಸಕ್ಕೂ ಮನುಷ್ಯರ ಬದಲು ಯಂತ್ರಗಳು ಸಾಲುಗಟ್ಟಿದೆ. ಹೊಸ-ಹೊಸ ಯಂತ್ರಗಳು ತಯಾರಾಗಿ ಮಾರುಕಟ್ಟೆಗೆ
ಲಗ್ಗೆ ಇಡುತ್ತಿದೆ. ಇದೀಗ ದೇಶದಲ್ಲಿಯೇ ಪ್ರಥಮ ಬಾರಿಗೆ ಫುಡ್ ಡೆಲಿವರಿ ರೊಬೋಟ್​ಗಳು ತಯಾರಾಗಿ ನಿಂತಿದೆ.

Sponsored

ರೊಬೋಟ್​​ಗಳು ಹೈದರಾಬಾದಿನಲ್ಲಿ ಫುಡ್ ಡೆಲಿವರಿ ಮಾಡಲಿದ್ದು, ಇನ್ನು ಮುಂದೆ ಸ್ವಿಗ್ಗಿ, ಜೊಮ್ಯಾಟೊ
ಹುಡುಗರು ನಿಮ್ಮ ಗೇಟೆಡ್ ಕಮ್ಯೂನಿಟಿಯೊಳಗಡೆ ಬರುವ ಅಗತ್ಯವಿರಲಾರದು. ಅಪಾರ್ಟಮೆಂಟ್ ಅಥವಾ ಗೇಟೆಡ್
ಕಮ್ಯೂನಿಟಿಯ ಗೇಟಿನಲ್ಲೇ ಡೆಲಿವರಿ ಬಾಯ್​ಗಳು ಫುಡ್ ಪ್ಯಾಕೆಟ್​ಗಳನ್ನು ಈ ರೊಬೋಟ್​ಗಳಿಗೆ ಕೊಟ್ಟರಾಯಿತು.
ಇವು ನೇರವಾಗಿ ಅದು ಯಾರ ಮನೆಗೆ ತಲುಪಬೇಕೋ ಅಲ್ಲಿಗೆ ತಲುಪಿಸುತ್ತವೆ.

Advertisement

Advertisement

ಗೇಟೆಡ್ ಕಮ್ಯೂನಿಟಿಗಳಲ್ಲಿ ಹಾಗೂ ಅಪಾರ್ಟಮೆಂಟುಗಳಲ್ಲಿ ಈ ರೊಬೋಟ್​​ಗಳು ಕೆಲಸ ಮಾಡಲಿದ್ದು, ಡೆಲಿವರಿ
ಬಾಯ್​ಗಳ ಬದಲಾಗಿ ರೊಬೋಟ್​ಗಳೇ ನೇರವಾಗಿ ನಿಮ್ಮ ಮನೆ ಬಾಗಿಲಿಗೆ ಆಹಾರದ ಪೊಟ್ಟಣವನ್ನು ತರಲಿವೆ. ನೂತನ
ತಂತ್ರಜ್ಞಾನದಿಂದ ತಯಾರಾಗಿರುವ ಈ ಮುದ್ದಾದ ರೊಬೋಟ್​ಗಳಿಗೆ ‘ಧೀರಾ’ ಎಂದು ಹೆಸರಿಡಲಾಗಿದೆ.

ಹೈದರಾಬಾದ್ ಮೂಲದ ಎಕ್ಸ್​ಪ್ರೆಸ್ ಟೆಕ್ನೊಲಾಜಿಸ್ಟಿಕ್ಸ್​ ಎಂಬ ಸ್ಟಾರ್ಟಪ್ ಕಂಪನಿಯು ಈ ಧೀರಾ ರೊಬೋಟ್​​
ಗಳನ್ನು ಕಾರ್ಯಾಚರಣೆಗೆ ತರುತ್ತಿದೆ. ಆರಂಭದಲ್ಲಿ ನಾರಸಿಂಗಿ ಪ್ರದೇಶದಲ್ಲಿ ಗೇಟೆಡ್ ಕಮ್ಯೂನಿಟಿಯೊಳಗೆ
ಎರಡು ರೊಬೋಟ್​ಗಳನ್ನ ನಿಯೋಜಿಸಲಾಗುತ್ತಿದೆ. ಇದೇ ತಿಂಗಳು 28 ರಿಂದ ಇವು ಕೆಲಸ ಮಾಡಲಾರಂಭಿಸುತ್ತವೆ.
ಶೀಘ್ರದಲ್ಲೇ ಇನ್ನಷ್ಟು ಡೆಲಿವರಿ ರೊಬೋಟ್​ಗಳನ್ನು ನಾವು ತರಲಿದ್ದೇವೆ ಎಂದು ಎಕ್ಸ್​ಪ್ರೆಸ್ ಟೆಕ್ನೊಲಾಜಿಸ್ಟಿಕ್ಸ್
ಸಿಇಒ ಶ್ರೀನಿವಾಸ್​ ತಿಳಿಸಿದರು.

ಒಂದು ಬಾರಿಗೆ ಒಂದು ಧೀರಾ​ ರೊಬೋಟ್​ 16 ಪಾರ್ಸಲ್​ಗಳನ್ನು ಕೊಂಡೊಯ್ಯಬಹುದು. ಡೆಲಿವರಿ ಬಾಯ್​ಗಳು
ಈ ರೊಬೋಟ್​ನ ಬಾಕ್ಸ್​ನಲ್ಲಿ ಫುಡ್​ ಪ್ಯಾಕೆಟ್​ಗಳನ್ನಿಟ್ಟು, ರೊಬೋಟ್​ ಕೀಪ್ಯಾಡ್​ನಲ್ಲಿ ಫ್ಲ್ಯಾಟ್
ನಂಬರ್ ಒತ್ತಿದರಾಯಿತು. ರೊಬೋಟ್​ ತಕ್ಷಣವೇ ಪ್ಯಾಕೆಟ್ ಅನ್ನು ಸರಿಯಾದ ಮನೆಗೆ ತಲುಪಿಸುತ್ತದೆ. ರೊಬೋಟ್​
ನಿಮ್ಮ ಮನೆಯ ಬಾಗಿಲಿಗೆ ಬಂದ ತಕ್ಷಣ ಫೋನಿಗೆ ಓಟಿಪಿ ಬರುತ್ತದೆ. ಓಟಿಪಿ ಒತ್ತಿದ ತಕ್ಷಣ ರೊಬೋಟ್​ 
ನಿಮಗೆ ಪಾರ್ಸಲ್ ನೀಡುತ್ತದೆ. ಬಹುಮಹಡಿ ಕಟ್ಟಡಗಳಲ್ಲೂ ಕೆಲಸ ಮಾಡುವಂತೆ ಇವನ್ನು ತಯಾರಿಸಲಾಗಿದೆ. 
ಲಿಫ್ಟ್​ನಲ್ಲಿರುವ ಚಿಪ್ ಒಂದರ ಸಹಾಯದಿಂದ ಇವು ಸರಿಯಾದ ಮಹಡಿಗೆ ಹೋಗಬಲ್ಲವು.

Advertisement