# AI  ಬಳಿ ‘ಅಸ್ಸಾಂ ಚುನಾವಣೆ ಗೆಲ್ಲುವುದು ಹೇಗೆ?’ ಎಂದು ಡಿಕೆಶಿ ಪ್ರಶ್ನೆ – ಬಂದ ಉತ್ತರ ನೋಡಿ ಶಾಕ್

- Link: https://hosakannada.com/technology/d-k-shivkumar-asked-ai-how-to-win-assam-elections-shocked-to-see-the-answer/
- Published: 2026-03-12T14:51:16+00:00
- Author: ಹೊಸಕನ್ನಡ ನ್ಯೂಸ್

AI: ಇದೀಗ ಪ್ರಪಂಚವು AI ಯುಗದಲ್ಲಿ ಮುಂದುವರೆಯುತ್ತಿದೆ. ಸೋಶಿಯಲ್ ಮೀಡಿಯಾ ಓಪನ್ ಮಾಡಿದರೆ ಸಾಕು
ಎಐ ಆಧಾರಿತ ವಿಡಿಯೋಗಳ ಕಣ್ಣಿಗೆ ರಾಚುತ್ತವೆ. ಟೆಕ್ನಾಲಜಿ, ಶಿಕ್ಷಣ, ಉದ್ಯೋಗ ಸೇರಿದಂತೆ ಈಗ ರಾಜಕೀಯ
ಕ್ಷೇತ್ರಕ್ಕೂ ಎ ಐ ಕಾಲಿಟ್ಟಿದೆ. ಇದೀಗ ಕರ್ನಾಟಕದ ಉಪಮುಖ್ಯಮಂತ್ರಿ ಡಿಕೆ ಶಿವಕುಮಾರ್ ಅವರು ಎಐ ಬಳಿ
ಪ್ರಶ್ನೆ ಒಂದನ್ನು ಮಾಡಿದ್ದು, ಅದು ಕೊಟ್ಟ ಉತ್ತರವನ್ನು ಕೇಳಿ ತಬ್ಬಿಬ್ಬಾಗಿದ್ದಾರೆ.

Sponsored

 ಸದ್ಯ ಕರ್ನಾಟಕದಲ್ಲಿ ವಿಧಾನಸಭಾ ಅಧಿವೇಶನಗಳು ನಡೆಯುತ್ತಿದ್ದು ಈ ವೇಳೆ ವಿಧಾನ ಪರಿಷತ್ ನಲ್ಲಿ AI
ಚರ್ಚೆ ಶುರುವಾಗಿದೆ. ಇದಕ್ಕೆ ಉತ್ತರ ನೀಡಿದ ಉಪಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್ ತಮ್ಮ ವೈಯಕ್ತಿಕ
ಅನುಭವ ಹಂಚಿಕೊಂಡು ಹಾಸ್ಯಾಸ್ಪದ ರೀತಿಯಲ್ಲಿ ಉತ್ತರ ನೀಡಿದ್ದಾರೆ. ತಮ್ಮ ಭಾಷಣದ ಬಗ್ಗೆ ಪಿಎ ಅವರಿಗೆ
ಕೇಳುತ್ತಿದ್ದಾಗ, ತಮ್ಮ ಮಗಳು ‘ಯಾಕೆ ಅವರಿಗೆ ಕೇಳ್ತಿರಾ? ಚಾಟ್‌ಜಿಪಿಟಿಯಲ್ಲಿ ಕೇಳಿ’ ಎಂದು ಹೇಳಿ
ಸಲಹೆ ನೀಡಿ, ಮೊಬೈಲ್‌ನಲ್ಲಿ ತೋರಿಸಿದ್ದಾಗಿ ವಿವರಿಸಿದ್ದಾರೆ.

Advertisement

Advertisement

ತಾವು ಅಸ್ಸಾಂಗೆ ಹೋದಾಗ ‘How to win Assam election’ ಎಂದು ಚಾಟ್‌ಜಿಪಿಟಿಗೆ ಕೇಳಿದ್ದಾಗಿ ಹೇಳಿದರು.
ಅದಕ್ಕೆ ಬಂದ ಉತ್ತರ ಕಂಡು ಬೆರಗಾದೆ ಎಂದರು, ಚಾಟ್​ ಜಿಪಿಟಿ ಕೊಟ್ಟ ಉತ್ತರ ಏನೆಂದರೆ, ‘ಕರ್ನಾಟಕ 
ಮಾಡೆಲ್ ಅನ್ನು ಫಾಲೋ ಮಾಡಿ’ ಎಂದು ತೋರಿಸುತ್ತದೆ ಎಂದು ಡಿಕೆಶಿ ಹೇಳಿದರು. ಅಸ್ಸಾಂ ಚುನಾವಣೆ ಗೆಲ್ಲಲು
ಕರ್ನಾಟಕ ಮಾಡಲ್​ ಫಾಲೋ ಮಾಡಿ ಎಂದು ಉತ್ತರ ನೀಡಿದೆ. ‘ಅದನ್ನೆಲ್ಲಾ ಇಟ್ಕೊಂಡು ನಾವು ಎಲೆಕ್ಷನ್ ಮಾಡೋಕೆ
ಆಗುತ್ತಾ? ಬೇಕಾದರೆ ನೀವೂ ನನ್ನ ಜೊತೆ ಬನ್ನಿ, ಇಲ್ಲೇ ಕೂರೋಣ ನಾನೇ ಮೊಬೈಲ್‌ನಲ್ಲಿ ತೋರಿಸ್ತೀನಿ’
ಎಂದು ಸದಸ್ಯರನ್ನು ಕರೆದು ಹಾಸ್ಯ ಮಾಡಿದ್ದಾರೆ.

Advertisement