# Mumbai: ದುಡ್ಡು ಕೊಡಲಿಲ್ಲ ಎಂದು 3 ತಿಂಗಳ ಕಂದನನ್ನು ರೇಪ್ ಮಾಡಿ ಕೊಂದ ತೃತೀಯಲಿಂಗಿ – ಗಲ್ಲುಶಿಕ್ಷೆ ವಿಧಿಸಿದ ಕೋರ್ಟ್

- Link: https://hosakannada.com/social/transgender-man-raped-and-killed-a-3-month-old-girl-for-not-paying-the-court-imposed-the-death-penalty/
- Published: 2024-02-29T09:14:19+00:00
- Author: ಕೆ. ಎಸ್. ರೂಪಾ

Mumbai: 2021ರಲ್ಲಿ ಮುಬೈನ ಕಫೆ ಪರೇಡ್‌ನಲ್ಲಿ ಪೈಶಾಚಿಕ ಘಟನೆ ನಡೆದಿತ್ತು. ಇಡೀ ದೇಶವೇ ಈ ಘಟನೆಯಿಂದ
ಬೆಚ್ಚಿಬಿದ್ದಿತ್ತು. ಅದೇನೆಂದರೆ ತೃತೀಯಲಿಂಗಿಯೊಬ್ಬರು 3 ತಿಂಗಳ ಹೆಣ್ಣು ಮಗುವನ್ನು ಅಪಹರಿಸಿ, ಅತ್ಯಾಚಾರ
ಹಾಗೂ ಕೊಲೆ ಮಾಡಿದ ಪ್ರಕರಣ. ಇದೀಗ ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಮುಂಬೈನ(Mumbai) ಪೋಕ್ಸೋ ಕೋರ್ಟ್‌
ಮಂಗಳವಾರ 24 ವರ್ಷದ ತೃತೀಯ ಲಿಂಗಿಗೆ ಗಲ್ಲು ಶಿಕ್ಷೆ ವಿಧಿಸಿ ಆದೇಶ ಹೊರಡಿಸಿದೆ.

Sponsored

**ಇದನ್ನೂ ಓದಿ: [Nirmala Sitaraman: ಬೆಂಗಳೂರಿನ ತೆರಿಗೆ ಪಾವತಿದಾರರು ನಮಗೆ ಉತ್ಸಾಹವನ್ನು ಹೆಚ್ಚಿಸುತ್ತಿದ್ದಾರೆ : ನಿರ್ಮಲಾ ಸೀತಾರಾಮನ್](https://hosakannada.com/2024/02/29/political-news-nirmala-sitharaman-said-that-the-tax-payers-of-bengaluru-are-cheering-us-up/)**

Advertisement

Advertisement

ಹೌದು, ಇದನ್ನು ಅನಾಗರಿಕ ಹಾಗೂ ಅಮಾನವೀತ ಘಟನೆ ಎಂದು ಅಭಿಪ್ರಾಯಪಟ್ಟಿರುವ ಕೋರ್ಟ್‌, ಇದು ಅಪರೂಪದಲ್ಲಿಯೇ
ಅಪರೂಪದ ಪ್ರಕರಣ ಎಂದು ಹೇಳಿದೆ. ಮಕ್ಕಳ ಲೈಂಗಿಕ ಅಪರಾಧಗಳ ತಡೆಗಟ್ಟುವಿಕೆ (ಪೋಕ್ಸೊ) ನ್ಯಾಯಾಲಯದ 
ವಿಶೇಷ ನ್ಯಾಯಾಧೀಶರಾದ ಆದಿತೀ ಕದಮ್ ಈ ಕುರಿತು ತೀರ್ಪು ನೀಡಿದ್ದಾರೆ.

ಏನಿದು ಪ್ರಕರಣ?

ತನಿಖೆಯ ಪ್ರಕಾರ ಆರೋಪಿಯಾಗಿರುವ ತೃತೀಯ ಲಿಂಗಿ, ಹೆಣ್ಣು ಮಗು ಹುಟ್ಟಿರುವ ಕಾರಣಕ್ಕೆ ರಾತ್ರಿ 8 ಗಂಟೆ
ಸುಮಾರಿಗೆ 9 ಗಜದ ಸೀರೆ, ತೆಂಗಿನಕಾಯಿ ಮತ್ತು ಹೆಣ್ಣು ಮಗು ಜನಿಸಿದಾಗ ₹ 1,100 ರೂಪದಲ್ಲಿ ಉಡುಗೊರೆ
ಕೇಳಿಕೊಂಡು ಮನೆಗೆ ಬಂದಿದ್ದ. ಆದರೆ, ಕುಟುಂಬ ಇದನ್ನು ನೀಡಲು ನಿರಾಕರಿಸಿದೆ. ಇದರಿಂದ ಸಿಟ್ಟಾಗಿದ್ದ
ತೃತೀಯ ಲಿಂಗಿ ಈ ಕುಟುಂಬದ ಮೇಲೆ ಸೇಡು ತೀರಿಸಿಕೊಳ್ಳಲೇಬೇಕು ಎನ್ನುವ ಜಿದ್ದಿಗೆ ಇಳಿದಿದ್ದ. ಆ ಬಳಿಕ
ಇಡೀ ಮನೆಯವರು ಮಲಗಿದ್ದ ವೇಳೆ ಸಣ್ಣ ಮಗುವನ್ನು ಕಿಡ್ನ್ಯಾಪ್‌ ಮಾಡಿದ್ದ. ಮಾತ್ರವಲ್ಲ, ಪುಟ್ಟ ಶಿಶುವಿನ
ಮೇಲೆ ಅತ್ಯಾಚಾರ ಎಸಗಿ ಕೊಲೆ ಮಾಡಿ, ಶವವನ್ನು ಪಕ್ಕದಲ್ಲಿಯೇ ಹರಿಯುವ ತೋಡಿನಲ್ಲಿ ಎಸೆದಿದ್ದ. ಈ ವೇಳೆ
ಈತನಿಗೆ ಮತ್ತೊಬ್ಬ ಸಹಾಯ ಕೂಡ ಮಾಡಿದ್ದ. ಆದರೆ, ನ್ಯಾಯಾಧೀಶರು ಆತನ ಮೇಲಿದ್ದ ಎಲ್ಲಾ ಆರೋಪಗಳನ್ನು
ಖುಲಾಸೆ ಮಾಡಿದ್ದಾರೆ.

Advertisement
