# Drug Injection: ಸ್ನೇಹಿತನಿಂದ ಥ್ರಿಲ್‌ಗಾಗಿ ಡ್ರಗ್‌ ಇಂಜೆಕ್ಷನ್‌ ಪಡೆದ 18 ರ ಹರೆಯದ ಯುವತಿ; ಮುಂದಾಗಿದ್ದು ಮಾತ್ರ ಭೀಕರ ಘಟನೆ

- Link: https://hosakannada.com/social/drug-injection-18-year-old-girl-who-received-a-drug-injection-for-a-thrill-from-a-friend/
- Published: 2024-04-11T11:08:03+00:00
- Author: ಹೊಸಕನ್ನಡ ನ್ಯೂಸ್

Drug Injection :18 ವರ್ಷದ ಯುವತಿಯೊಬ್ಬಳಿಗೆ ಡ್ರಗ್ಸ್ ಸೇರಿಸುವುದರಿಂದ ಥ್ರಿಲ್ಲಿಂಗ್ ಅನುಭವ 
ದೊರೆಯುತ್ತದೆ ಎಂದು ಹೇಳಿ ಸ್ನೇಹಿತನನೊಬ್ಬ ಅತಿಯಾದ ಡ್ರಗ್ಸ್ ನೀಡಿದ ಪರಿಣಾಮ ಯುವತಿ ಮೃತಪಟ್ಟಿರುವ
ಘಟನೆ ಉತ್ತರ ಪ್ರದೇಶದ ಲಕ್ನೋದಲ್ಲಿ ನಡೆದಿದೆ.

Sponsored

ಇದನ್ನೂ ಓದಿ: [Fish Meal: ಮೀನು ತಿಂದು ವೀಡಿಯೋ ಶೇರ್‌ ಮಾಡಿದ ತೇಜಸ್ವಿ-ಬಿಜೆಪಿಯಿಂದ ತೀವ್ರ ಟೀಕೆ](https://hosakannada.com/2024/04/11/fish-meal-tejaswi-who-shared-the-video-of-eating-fish-is-severely-criticized-by-bjp/)

Advertisement

Advertisement

ಮೃತ ಯುವತಿ ಬೆಂಗಳೂರಿನ ಖಾಸಗಿ ಕಂಪನಿಯಲ್ಲಿ ಕಾರ್ಯನಿರ್ವಹಿಸುತ್ತಿದ್ದಳು. ಬೆಂಗಳೂರಿಂದ ಏ.3 ರಂದು
ಲಕ್ನೋಗೆ ರೈಲಿನಲ್ಲಿ ಹೋದ ಯುವತಿ ಬಳಿಕ ಅಲ್ಲಿಂದ ಬೆಂಗಳೂರಿಗೆ ಏ.7ರಂದು ಹಿಂತಿರುಗುವ ಸಮಯದಲ್ಲಿ 
ಆಕೆಯ 28 ವರ್ಷದ ಸ್ನೇಹಿತ ವಿವೇಕ್ ಮಯೂರ್ ಸಂಪರ್ಕಿಸಿದ್ದು, ಡ್ರಗ್ಸ್ ತೆಗೆದುಕೊಳ್ಳುವುದರಿಂದ ಥ್ರಿಲಿಂಗ್
ಅನುಭವ ದೊರೆಯುತ್ತದೆ ಎಂದು ಹೇಳಿದ್ದಾನೆ. ನಂತರ ಯುವತಿ ಡ್ರಗ್ಸ್ ತೆಗೆದುಕೊಳ್ಳಲು ಒಪ್ಪಿದ್ದು, ಆಕೆಯನ್ನು
ಖಾಲಿ ಜಾಗ ಒಂದಕ್ಕೆ ಕರೆದೊಯ್ದು ವ್ಯಸನಕಾರಿ ಮಿಶ್ರಣವನ್ನು( ಮಾದಕವಸ್ತು) ಚುಚ್ಚಿದ್ದಾನೆ ಎಂದು ಪೊಲೀಸರು
ತಿಳಿಸಿದ್ದಾರೆ.

ಇದನ್ನೂ ಓದಿ: [CM Siddaramaiah: ‘ಹಿಂದೂಗಳ ಅಗತ್ಯವಿಲ್ಲ, ಮುಸ್ಲಿಮರದ್ದೇ ವೋಟು ಸಾಕು’ ಎಂಬುದು ಸುಳ್ಳು ಸುದ್ದಿ- ಸಿಎಂ ಸಿದ್ದರಾಮಯ್ಯ ಸ್ಪಷ್ಟೀಕರಣ !!](https://hosakannada.com/2024/04/11/cm-siddaramaiah-clarifies-that-hindu-vote-is-not-necessary-muslim-vote-is-enough-is-fake-news/)

ಪ್ರಕರಣ ಸಂಬಂಧ ಆರೋಪಿ ವಿವೇಕ್ ಮೌರ್ಯನನ್ನು ಬಂಧಿಸಲಾಗಿದ್ದು, ಬಿಬಿಡಿ ಪೊಲೀಸರು ಐಪಿಸಿ ಸೆಕ್ಷನ್
302 (ಕೊಲೆ) ಅಡಿಯಲ್ಲಿ ಎಫ್‌ಐಆರ್ ದಾಖಲಿಸಿದ್ದಾರೆ. ಆದರೆ ತನಿಖೆಯ ಸಮಯದಲ್ಲಿ ಅದನ್ನು ಐಪಿಸಿ ಸೆಕ್ಷನ್
304 (ಕೊಲೆಗೆ ಸಮನಾಗಿರುವುದಿಲ್ಲ ಅಪರಾಧಿ ನರಹತ್ಯೆ) ಗೆ ಪರಿವರ್ತಿಸಲಾಗಿದೆ ಎಂದು ಎಸಿಪಿ ತಿಳಿಸಿದ್ದಾರೆ.

ಪೋಲೀಸರ ಪ್ರಕಾರ, ಮಾದಕ ವಸ್ತುವಿನ ಪ್ರಮಾಣ ಹೆಚ್ಚಾದ ನಂತರ ಯುವತಿ ಸ್ಥಿತಿ ಹದಗೆಟ್ಟಿತ್ತು, ಅದೇ 
ವೇಳೆ ಯುವಕ ತೀವ್ರವಾಗಿ ಕುಡಿದಿದ್ದ ಪರಿಣಾಮ ಈ ದುರ್ಘಟನೆ ನಡೆದಿದೆ ತಿಳಿಸಿದ್ದಾರೆ

ಎಚ್ಚರವಾದ ಬಳಿಕ ಯುವಕ 112 ಅನ್ನು ಡಯಲ್ ಮಾಡಿ ಸಹಾಯ ಕೇಳಿದಾಗ, ಪೊಲೀಸರು ಅವಳನ್ನು ರಾಮ್ ಮನೋಹ‌ರ್
ಲೋಹಿಯಾ ಆಸ್ಪತ್ರೆಗೆ ಸಾಗಿಸಿದರು. ಆದರೆ ಇಸಿಜಿ ನಡೆಸಿದ ಬಳಿಕ ಬಾಲಕಿ ಮೃತಪಟ್ಟಿದ್ದಾಳೆ ಎಂದು ವೈದ್ಯರು
ಘೋಷಿಸಿದ್ದಾರೆ.

ಯುವತಿಯ ಕುಟುಂಬವು ಯುವಕ ಆಕೆಯನ್ನು ಕೊಲೆ ಮಾಡುವ ಉದ್ದೇಶದಿಂದಲೇ “ಡ್ರಗ್ಸ್ ಓವರ್ ಡೋಸ್” ನೀಡಿದ್ದಾನೆ
ಎಂದು ತಿಳಿಸಿದ್ದಾಗಿ ಪೊಲೀಸರು ಹೇಳಿದ್ದಾರೆ.

ವಿಚಾರಣೆಯ ಸಮಯದಲ್ಲಿ, ಆರೋಪಿಯು ಓವರ್ ಡೋಸ್ ತಪ್ಪಾಗಿ ನೀಡಿದ್ದಾಗಿ ಪೊಲೀಸರಿಗೆ ತಿಳಿಸಿದ್ದಾನೆ. 
ಬಿಬಿಡಿ ಪೊಲೀಸರು ಆರೋಪಿಯನ್ನು ವಶಕ್ಕೆ ಪಡೆದು ಎಫ್‌ಐಆ‌ರ್ ದಾಖಲಿಸಿ ನಂತರ ಶವವನ್ನು ಮರಣೋತ್ತರ ಪರೀಕ್ಷೆಗೆ
ಕಳುಹಿಸಿದ್ದಾರೆ.

Advertisement