# Srinivasa prasad- Siddaramaiah: ಸಿದ್ದರಾಮಯ್ಯ ಇಲ್ಲಿ ಗುಡುಗಿದ್ರೆ ಅಲ್ಲಿ ಆಸ್ಪತ್ರೆಯಲ್ಲಿ ಹೆರಿಗೆ ಆಗ್ಬಿಡುತ್ತೆ: ಶ್ರೀನಿವಾಸ್ ಪ್ರಸಾದ್ ಲೇವಡಿ

- Link: https://hosakannada.com/politics/srinivasa-prasad-slams-congress-leader-siddaramaiah/
- Published: 2023-04-24T08:51:19+00:00
- Author: ಹೊಸಕನ್ನಡ

Srinivasa prasad- Siddaramaiah:  [ಸಿದ್ದರಾಮಯ್ಯ](https://en.m.wikipedia.org/wiki/Siddaramaiah)
ನವರು ಇಲ್ಲಿ ಗುಡುಗಿದ್ರೆ ಅಲ್ಲಿ ಹೆರಿಗೆ ಆಸ್ಪತ್ರೆಯಲ್ಲಿ ಹೆರಿಗೆಯೇ ಆಗ್ಬಿಡುತ್ತೆ ಎಂದು ಚಾಮರಾಜನಗರದ
[ವಿ. ಶ್ರೀನಿವಾಸ ಪ್ರಸಾದ್](https://en.m.wikipedia.org/wiki/Srinivasa_Prasad) (Srinivasa
prasad- Siddaramaiah) ಲೇವಡಿ ಮಾಡಿದ್ದಾರೆ. ಅಲ್ಲಿ ವರುಣಾ ಕ್ಷೇತ್ರದಲ್ಲಿ ಸಿದ್ದರಾಮಯ್ಯ ನಡೆಸುತ್ತಿರುವ
ಅಬ್ಬರದ ಪ್ರಚಾರದ ಕುರಿತು ಮೈಸೂರಿನಲ್ಲಿಂದು ಸುದ್ದಿಗಾರರೊಂದಿಗೆ ಮಾತನಾಡಿದ ಶ್ರೀನಿವಾಸ್ ಪ್ರಸಾದ್
ಅವರು ಮಾತನಾಡುತ್ತಿದ್ದರು.
 ” ಸಿದ್ದರಾಮಯ್ಯ ಗುಡುಗಿದ್ರೆ, ಅಲ್ಲಿ ಹೆರಿಗೆ ಆಸ್ಪತ್ರೆಯಲ್ಲಿ ಹೆರಿಗೆಯೇ
ಆಗುತ್ತೆ. ಲೋಕಸಭೆಯಲ್ಲೂ ರಾಹುಲ್ ಗಾಂಧಿನ ನಿಲ್ಲಿಸಿಕೊಂಡು ಗುಡುಗಿದ್ರು. ಅತ್ತ ಮೋದಿ ಮುಳುಗೇ ಹೋದರು
ಅನ್ನೋ ಹಾಗೇ ಗುಡುಗಿದ್ರು. ಕೊನೆಗೆ ಏನಾಯ್ತು ಹೇಳಿ ? ರಾಜ್ಯದಲ್ಲಿ ಕೇವಲ 1 ಸೀಟು ಮಾತ್ರ ಗೆದ್ದರು”
ಎಂದು ಅವರು ವ್ಯಂಗ್ಯವಾಡಿದ್ದಾರೆ.

Sponsored

“ಎಷ್ಟು ಬೇಕಾದ್ರೂ ಗುಡುಗಿ..ಗುಡುಗಿ..ಚಾಮುಂಡೇಶ್ವರಿಯನ್ನು 30 ಸಾವಿರ ವೋಟ್‌ನಲ್ಲಿ ಸೋತರು. ಈಗ 
ವರುಣಾ ಕ್ಷೇತ್ರದಲ್ಲಿ 1 ಲಕ್ಷ ವೋಟ್ ನಲ್ಲಿ ಗೆಲ್ಲುತ್ತೇನೆ ಅನ್ನುತ್ತಿದ್ದಾರೆ. ಹಾಗೆ ಗೆಲ್ಲೋಕೆ
ಸಾಧ್ಯನಾ ಹೇಳಿ ? ಓರ್ವ ಪ್ರತಿಪಕ್ಷ ನಾಯಕನಾಗಿ ಅವರು ಮಾತನಾಡುವ ಮಾತಾ ಅದು? ಈಗ ಸೋಮಣ್ಣ ಹೊರಗಿನವರು
ಅನ್ನೋ ಸಿದ್ದರಾಮಯ್ಯ, ತಾವು ಬಾದಾಮಿಗೆ ಯಾಕೆ ಹೋದ್ರು? ” ಎಂದು ಸಿದ್ದುನ ತಿವಿದಿದ್ದಾರೆ.

Advertisement

Advertisement

ನಿನ್ನೆಯ ಪತ್ರಿಕಾ ಹೇಳಿಕೆಯ ಸಂದರ್ಭ ಬಿಜೆಪಿಯಲ್ಲಿ ಲಿಂಗಾಯತ ಮುಖ್ಯಮಂತ್ರಿ ಆಯ್ಕೆ ಬಗ್ಗೆ ಪ್ರತಿಕ್ರಿಯಿಸಿದ
ಪ್ರಸಾದ್ ಅವ್ರು, ‘ ಅಮಿತ್ ಶಾ ಈ ಬಗ್ಗೆ ಮಾತನಾಡಬೇಡಿ ಅಂತಾ ಈಗಾಗಲೇ ಹೇಳಿದ್ದಾರೆ. ಮುಖ್ಯಮಂತ್ರಿ
ಬಗ್ಗೆ ಫಲಿತಾಂಶದ ನಂತರ ಯೋಚನೆ ಮಾಡೋಣ ಅಂತಾ ಹೇಳಿದ್ದಾರೆ. ಫಲಿತಾಂಶದ ಮೇಲೆ ದಲಿತ ಸಿಎಂ, ಅಥವಾ ಲಿಂಗಾಯತ
ಸಿಎಂ ಅನ್ನೋದು ನಿರ್ಧಾರವಾಗುತ್ತೆ. ಪಕ್ಷದ ವರಿಷ್ಠರು ಅದನ್ನ ತೀರ್ಮಾನ ಮಾಡ್ತಾರೆ ‘ ಎಂದಿದ್ದಾರೆ.

ಅನುಕಂಪವನ್ನು ಅಭಿವೃದ್ಧಿಗೆ ತಳುಕು ಹಾಕುವುದು ಸರಿಯಲ್ಲ ಎಂದು ನಂಜನಗೂಡು ಕ್ಷೇತ್ರದ ಕಾಂಗ್ರೆಸ್ 
ಅಭ್ಯರ್ಥಿ ವಿಚಾರಕ್ಕೆ ಅವರು ಹೇಳಿದ್ದಾರೆ. ನಂಜನಗೂಡಿನ ಕಾಂಗ್ರೆಸ್ ಅಭ್ಯರ್ಥಿ ಧ್ರುವನಾರಾಯಣ್ ಹಾಗೂ
ಅವರ ಪತ್ನಿ ಸಾವನ್ನಪ್ಪಿದ ಬಗ್ಗೆ ನಮಗೂ ಅನುಕಂಪವಿದೆ. ನಿಮಗೂ, ಎಲ್ಲರಿಗೂ ಅನುಕಂಪವಿದೆ. ಈ ಬಗ್ಗೆ
ಪಕ್ಷಾತೀತವಾಗಿ ಅನುಕಂಪ ವ್ಯಕ್ತವಾಗಿದೆ. ಸಂಸದ ಪ್ರತಾಪ್ ಸಿಂಹ ಹಾಗೂ ನಾನು ಸಹ ಹೋಗಿ ಸಂತಾಪ ವ್ಯಕ್ತಪಡಿಸಿ
ಬಂದಿದ್ದೇವೆ. ಅನುಕಂಪ ಅಂದ ತಕ್ಷಣ ಈ ಕ್ಷೇತ್ರದಲ್ಲಿ ಆಗಿರುವ ಅಭಿವೃದ್ಧಿ ಕಾರ್ಯಗಳು ಮಾಯ ಆಗ್ತವಾ
ಎಂದು ಅವರು ಪ್ರಶ್ನಿಸಿದ್ದಾರೆ.

” ಇಲ್ಲಿ ನಮ್ಮ ಹರ್ಷವರ್ಧನ್ 500 ಕೋಟಿ ರೂಪಾಯಿ ಅನುದಾನ ತಂದು ಅಭಿವೃದ್ಧಿ ಮಾಡಿದ್ದಾರೆ. ಇದನ್ನು
ಸ್ವತಃ ಮುಖ್ಯಮಂತ್ರಿ ಹೇಳಿದ್ದಾರೆ. ಅನುಕಂಪದ ‌ನಡುವೆ, ಅಭಿವೃದ್ಧಿ ಕಾರ್ಯಗಳನ್ನು ಕಡೆಗಣಿಸಲು ಆಗುತ್ತಾ?
ಅನುಕಂಪವನ್ನು ಅಭಿವೃದ್ಧಿಗೆ ತಳುಕು ಹಾಕುವುದು ಸರಿಯಲ್ಲ. ಹಾಗಾದ್ರೆ ಅಭಿವೃದ್ಧಿಗಳು ಲೆಕ್ಕಕ್ಕೇ 
ಬರಲ್ವಾ ?” ಎಂದವರು ಮರು ಪ್ರಶ್ನಿಸಿದ್ದಾರೆ.

ಇದನ್ನೂ ಓದಿ: [Karnataka polls: ನಾಮಪತ್ರ ಹಾಕಿದ್ದಾರೆ, ಆದ್ರೆ ಸಹಿಯೇ ಹಾಕಿಲ್ಲ ಆಸಾಮಿ: ಈ ಮಹಾ ಯಡವಟ್ಟ ಈಗ ಏನ್ ಮಾಡ್ತಾರೆ ಗೊತ್ತೇ ?](https://hosakannada.com/2023/04/24/karnataka-polls-this-candidate-not-signed-in-nomination-letter/)

Advertisement