# PMMVY Scheme: ಗರ್ಭಿಣಿ, ಬಾಣಂತಿಯರೇ ನಿಮಗೆ ಸಂತಸದ ಸುದ್ದಿ – ಈ ಯೋಜನೆಯಡಿ ನಿಮ್ಮ ಕೈ ಸೇರುತ್ತೆ 11,000 !

- Link: https://hosakannada.com/politics/pmmvy-scheme-good-news-for-pregnant-women-and-under-this-scheme-mother-will-be-getting-11000-incentives/
- Published: 2023-10-20T13:29:27+00:00
- Author: ಹೊಸಕನ್ನಡ ನ್ಯೂಸ್

PMMVY Scheme: ಕೇಂದ್ರ ಸರ್ಕಾರದ(Central Government)ಮಹತ್ವಾಕಾಂಕ್ಷೆಯ ಯೋಜನೆಯಾಗಿರುವ ಪ್ರಧಾನ
ಮಂತ್ರಿ ಮಾತೃ ವಂದನಾ ಯೋಜನೆಯ(Pradhan Mantri Matru Vandana Yojana) ಮೂಲಕ ಗರ್ಭಿಣಿಯರ ಆರೋಗ್ಯವನ್ನು
ಸುಧಾರಿಸುವ ನಿಟ್ಟಿನಲ್ಲಿ ಧನ ಸಹಾಯ ನೀಡುತ್ತಾ ಬಂದಿದೆ. ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯ
ವತಿಯಿಂದ ಜಾರಿಗೊಳಿಸಲಾಗಿರುವ ಪ್ರಧಾನ ಮಂತ್ರಿ ಮಾತೃವಂದನಾ ಯೋಜನೆಯ(PMMVY Scheme) ಸೌಲಭ್ಯ ಪಡೆಯಲು
ಅರ್ಹ ಗರ್ಭಿಣಿ ಹಾಗೂ ಬಾಣಂತಿ ಮಹಿಳೆಯರು ನೋಂದಾವಣಿ ಮಾಡಿಕೊಳ್ಳಬಹುದು.

Sponsored

ಗರ್ಭಿಣಿ/ಬಾಣಂತಿ ಮಹಿಳೆಯರು ತಾಯಿ ಮತ್ತು ಶಿಶು ರಕ್ಷಣಾ ಕಾರ್ಡ್ ಪ್ರತಿ, ಫಲಾನುಭವಿಯ ಆಧಾರ್ ಕಾರ್ಡ್
ಪ್ರತಿ, ಪಡಿತರ ಚೀಟಿ / ಜಾತಿ ಮತ್ತು ಆದಾಯ ಪ್ರಮಾಣ ಪತ್ರ/ನರೇಗಾ ಕಾರ್ಡ್‌/ ಇ-ಶ್ರಮ್ ಕಾರ್ಡ್/ ಆಯುಷ್ಮಾನ್
ಕಾರ್ಡ್ ಇವುಗಳಲ್ಲಿ ಯಾವುದಾದರೂ ಒಂದರ ಜೆರಾಕ್ಸ್ ಪ್ರತಿಯನ್ನು ಸಲ್ಲಿಸಿ ನಮೂನೆಯ ಅರ್ಜಿ ಭರ್ತಿ ಮಾಡಿ
ನೋಂದಣಿ ಮಾಡಿಕೊಳ್ಳಬಹುದು. ಈ ಕುರಿತ ಹೆಚ್ಚಿನ ಮಾಹಿತಿಗಾಗಿ ಸಮೀಪದ ಅಂಗನವಾಡಿ ಕೇಂದ್ರದ ಅಂಗನವಾಡಿ
ಕಾರ್ಯಕರ್ತೆಯರು, ಮಹಿಳಾ ಮೇಲ್ವಿಚಾರಕಿ ಅಥವಾ ಶಿಶು ಅಭಿವೃದ್ಧಿ ಯೋಜನಾಧಿಕಾರಿಗಳನ್ನು ಸಂಪರ್ಕಿಸಬಹುದು
ಎಂದು ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ ಇಲಾಖೆಯ ಉಪನಿರ್ದೇಶಕರು ಪ್ರಕಟಣೆಯ ಮೂಲಕ ಮಾಹಿತಿ ನೀಡಿದ್ದಾರೆ.

Advertisement

Advertisement

ಈ ಯೋಜನೆಯಡಿ ಮೊದಲ ಪ್ರಸವದ ಗರ್ಭಿಣಿ ಹಾಗೂ ಬಾಣಂತಿ ಮಹಿಳೆಯರಿಗೆ 5,000 ರೂ.ಗಳ ಪ್ರೋತ್ಸಾಹಧನ ನೀಡಲಾಗುತ್ತದೆ.
ಗರ್ಭಿಣಿ ಮಹಿಳೆಯರ ಎರಡನೇ ಪ್ರಸವದಲ್ಲಿ ಜನಿಸುವ ಹೆಣ್ಣು ಮಗುವಿಗೆ 6,000 ರೂ. ಗಳ ಪ್ರೋತ್ಸಾಹಧನ 
ನೀಡಲಾಗುತ್ತದೆ. ಗರ್ಭಿಣಿ / ಬಾಣಂತಿ ಮಹಿಳೆಯರು ಪೂರಕ ಆಹಾರ ಸ್ವೀಕರಿಸಲು, ಆರೋಗ್ಯವಂತ ಮಗುವಿನ ಜನನ
ಮತ್ತು ಪಾಲನೆಗೆ ನೆರವಾಗುವ ನಿಟ್ಟಿನಲ್ಲಿ ಈ ಪ್ರೋತ್ಸಾಹಧನ ನೀಡಲಾಗುತ್ತದೆ.

ಗರ್ಭಿಣಿ/ ಬಾಣಂತಿಯ ಮೊದಲನೇ ಪ್ರಸವದ ಮೊದಲ ಕಂತಿನಲ್ಲಿ 3,000 ರೂ. ಗಳನ್ನು ನೇರವಾಗಿ ಡಿಬಿಟಿ ಮಾಡಲಾಗುತ್ತದೆ.
ಗರ್ಭಧಾರಣೆ ಖಾತರಿ ನಂತರ, ಮೊದಲನೇ ಪ್ರಸವದ ಬಾಣಂತಿಗೆ ಎರಡನೇ ಕಂತಿನಲ್ಲಿ 2,000 ರೂ. ಗಳನ್ನು ಮಗು
ಜನಿಸಿದ ಬಳಿಕ ಎರಡನೇ ಪ್ರಸವದ ಹೆಣ್ಣು ಮಗು ಜನಿಸಿದ 3 ತಿಂಗಳ ನಂತರದಲ್ಲಿ 6,000 ರೂ. ಗಳನ್ನು ನೇರ
ನಗದು ವರ್ಗಾವಣೆ (ಡಿ.ಬಿ.ಟಿ) ಮೂಲಕ ಫಲಾನುಭವಿಯ ಆಧಾರ್ ಜೋಡಣೆಯಾದ ಬ್ಯಾಂಕ್ ಖಾತೆಗೆ ವರ್ಗಾವಣೆ ಮಾಡಲಾಗುತ್ತದೆ.

 

ಇದನ್ನು ಓದಿ: [Yoghurt : ದಿನ ನಿತ್ಯವೂ ಮೊಸರು ತಿನ್ನುತ್ತೀರಾ ?! ಇದು ಆರೋಗ್ಯಕ್ಕೆ ಒಳಿತಾ, ಏನ್ ಹೇಳುತ್ತೆ ಸೈನ್ಸ್ ?!](https://hosakannada.com/2023/10/20/what-does-science-say-about-the-health-benefits-of-eating-yogurt-daily/)

Advertisement
