# H.D.Kumaraswamy: “ರೋಮ್ ಉರಿಯುತ್ತಿರುವಾಗ ನೀರೋ ಪಿಟೀಲು ಕುಯ್ದು ನಂತೆ” : ಸಿಎಂ ಸಿದ್ದರಾಮಯ್ಯ ವಿರುದ್ಧ ಕುಮಾರಸ್ವಾಮಿ ವಾಗ್ದಾಳಿ

- Link: https://hosakannada.com/politics/karnataka-politics-news-h-d-kumaraswamy-says-about-cm-siddaramaih/
- Published: 2024-03-10T17:06:33+00:00
- Author: ಕೆ. ಎಸ್. ರೂಪಾ

H.D.Kumaraswamy: ರಾಜ್ಯದ ಜನತೆ ಬರಗಾಲದಿಂದ ಬಳಲುತ್ತಿರುವ ಸಂದರ್ಭದಲ್ಲಿ ಮುಖ್ಯಮಂತ್ರಿ ಸಿದ್ದರಾಮಯ್ಯ
ಅವರು ರೋಮನ್ ಚಕ್ರವರ್ತಿ ನೀರೋ ರೀತಿ ವರ್ತಿಸುತ್ತಿದ್ದಾರೆ ಎಂದು ಜೆಡಿಎಸ್ ಮುಖಂಡ ಎಚ್‌ಡಿ ಕುಮಾರಸ್ವಾಮಿ
ಭಾನುವಾರ ವಾಗ್ದಾಳಿ ನಡೆಸಿದ್ದಾರೆ .

Sponsored

ರಾಜ್ಯದಲ್ಲಿನ ಬರ ಪರಿಸ್ಥಿತಿ ಹಾಗೂ ಜನರ ಸಂಕಷ್ಟಗಳ ಬಗ್ಗೆ ಸಿದ್ದರಾಮಯ್ಯ ಸರಕಾರ ಅಣಕ ತೋರುತ್ತಿದೆ
ಎಂದ ಮಾಜಿ ಮುಖ್ಯಮಂತ್ರಿ ಎಚ್ ಡಿ ಕೆ, ತೆರಿಗೆದಾರರ ಹಣ ಬಳಸಿ ಸಮಾವೇಶ ನಡೆಸಿ ಪ್ರಚಾರ ಜಾತ್ರೆಯಲ್ಲಿ
ಮುಳುಗಿದ್ದಾರೆ ಎಂದು ಆರೋಪಿಸಿದರು.

Advertisement

Advertisement

‘ರಾಜ್ಯದ ಇತಿಹಾಸದಲ್ಲೇ ಕಂಡು ಕೇಳರಿಯದ ಬರಗಾಲ ಎದುರಾಗಿದೆ. ನೀರಿನ ಹಾಹಾಕಾರ ತಾಂಡವವಾಡುತ್ತಿದೆ.
ಜನ-ಜಾನುವಾರುಗಳು ನೀರಿಗಾಗಿ ಪರದಾಡುತ್ತಿದ್ದಾರೆ. ರಾಜ್ಯದಲ್ಲಿ ಇಂತಹ ಪರಿಸ್ಥಿತಿ ಇದ್ದರೂ ಕಾಂಗ್ರೆಸ್
ಸರ್ಕಾರ ಖಾತ್ರಿ ಸಮಾವೇಶಗಳಿಗೆ ಕೋಟ್ಯಂತರ ರೂಪಾಯಿ ತೆರಿಗೆದಾರರ ಹಣವನ್ನು ಖರ್ಚು ಮಾಡುತ್ತಿದೆ.ನಾಚಿಕೆಗೇಡು.
ಕುಮಾರಸ್ವಾಮಿ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ರೋಮ್ ಹೊತ್ತಿ ಉರಿಯುತ್ತಿರುವಾಗ ನೀರೋ ಪಿಟೀಲು ಬಾರಿಸಿದರು. ಸಿದ್ದರಾಮಯ್ಯನವರು ನಮ್ಮ ನೀರೋ ನಂತೆ.
ನಿಮಗೆ ಜನರ ಚಿಂತೆ ಇಲ್ಲ, ಚುನಾವಣೆಯ ಬಗ್ಗೆ ಮಾತ್ರ ಚಿಂತಿಸುತ್ತಾರೆ. ರಾಜ್ಯದ ಜನ ನಿಮ್ಮ ಈ ವರ್ತನೆಗಳನ್ನು
ಗಮನಿಸುತ್ತಿದ್ದು ಈ ಬಾರಿಯ ಚುನಾವಣೆಯಲ್ಲಿ ತಕ್ಕ ಪಾಠ ಕಲಿಸಲಿದ್ದಾರೆ ಎಂದು ಹೇಳಿದರು.

ಬರ ಪೀಡಿತ ರೈತರಿಗೆ ನೀಡಲು ಸರಕಾರದ ಬಳಿ 2000 ರೂ. ಇಲ್ಲ, ಆದರೆ ಖಾತರಿ ಸಮಾವೇಶ ನಡೆಸಲು ಸಾಕಷ್ಟು
ಹಣವಿದೆ ಎಂದು ಕಾಂಗ್ರೆಸ್ ಸರ್ಕಾರದ ವಿರುದ್ಧ ಕುಮಾರಸ್ವಾಮಿ ಆರೋಪಿಸಿದ್ದಾರೆ.

ಅಗತ್ಯಬಿದ್ದರೆ ಖಾತರಿ ಯೋಜನೆಗಳು ಮತ್ತು ಸಮಾವೇಶಗಳ ಪ್ರಚಾರಕ್ಕೆ ಖರ್ಚು ಮಾಡಿರುವ ಮೊತ್ತದ ಬಗ್ಗೆ
ಶ್ವೇತಪತ್ರ ಹೊರಡಿಸಿ, ಜನರಿಗೆ ಸತ್ಯಾಂಶ ತಿಳಿಯಬೇಕು ಎಂದು ಒತ್ತಾಯಿಸಿದರು.

Advertisement