# Karnataka: ರಾಜ್ಯದಲ್ಲಿ ಕಾಂಗ್ರೆಸ್ ಶಾಸಕರು 134, ಆದ್ರೆ ಸಚಿವರು 149 !!

- Link: https://hosakannada.com/politics/karnataka-congress-has-134-mlas-in-the-state-but-149-ministers/
- Published: 2026-02-10T11:01:51+00:00
- Author: ಹೊಸಕನ್ನಡ ನ್ಯೂಸ್

Karnataka: ಕರ್ನಾಟಕದಲ್ಲಿ ಇರುವ ಕಾಂಗ್ರೆಸ್ ಶಾಸಕರು 134. ಆದರೆ ರಾಜ್ಯದಲ್ಲಿ 149 ಜನ ಸಚಿವರು
ಇದ್ದಾರೆ ಎಂದರೆ ನೀವು ನಂಬುತ್ತೀರಾ. ನಂಬಲೇಬೇಕು ಯಾಕೆಂದರೆ ನಮ್ಮ ಘನತವೆತ್ತರ ರಾಜ್ಯ ಸರ್ಕಾರ ಈ 
ರೀತಿಯ ಹೊಸ ಸಂಪ್ರದಾಯವನ್ನು ಶುರು ಮಾಡಿದೆ. 

Sponsored

ಯಸ್, ಇದು ವಿಚಿತ್ರವೆನಿಸಿದರು ಕೂಡ ಸತ್ಯ. ಯಾಕೆಂದರೆ ಫೆಬ್ರವರಿ 7ರಂದು ಕರ್ನಾಟಕ ಸರ್ಕಾರ ಪ್ರಸ್ತುತ
ಕಾರ್ಯ ನಿರ್ವಹಣೆ ಮಾಡುತ್ತಿರುವ ನಿಗಮ/ ಮಂಡಳಿ/ ಪ್ರಾಧಿಕಾರಗಳ ಅಧ್ಯಕ್ಷರುಗಳಿಗೆ ತಕ್ಷಣದಿಂದ ಜಾರಿಗೆ
ಬರುವಂತೆ ಹಾಗೂ ಮುಂದಿನ ಆದೇಶದ ತನಕ ರಾಜ್ಯ ಸಚಿವರ ಸ್ಥಾನಮಾನ ನೀಡಿ ಆದೇಶಿಸಿದೆ. ಹೀಗೆ ರಾಜ್ಯ ಸಚಿವರ
ಸ್ಥಾನಮಾನ ಪಡೆದ ನಿಗಮ/ ಮಂಡಳಿ/ ಪ್ರಾಧಿಕಾರಗಳ ಅಧ್ಯಕ್ಷರುಗಳು ಒಟ್ಟು 54. ಮುಖ್ಯಮಂತ್ರಿ ಸಿದ್ದರಾಮಯ್ಯ
ಸಂಪುಟದಲ್ಲಿರುವ ಸಂಪುಟ ದರ್ಜೆ ಸಚಿವರು, ರಾಜ್ಯ ಸಚಿವರನ್ನು ಹೊರತುಪಡಿಸಿ 54 ಜನರಿಗೆ ರಾಜ್ಯ ಸಚಿವ
ಸ್ಥಾನಮಾನ ನೀಡಲಾಗಿದೆ. ಹೀಗಾಗಿ ರಾಜ್ಯದಲ್ಲಿ ಶಾಸಕರುಗಳಿಗಿಂತ ಸಚಿವರೆ ಜಾಸ್ತಿ ಇದ್ದಾರೆ!

Advertisement

Advertisement

ಸಿಗೋ ಸೌಲಭ್ಯ:

ಮಾಸಿಕ ವೇತನ 50,000

ಆತಿಥ್ಯ ಭತ್ಯೆ 3,000

ಮನೆ ಬಾಡಿಗೆ ಭತ್ಯೆ 80,000

ಮನೆ ನಿರ್ವಹಣೆ, ಸಿಬ್ಬಂದಿ ಭತ್ಯೆ 20,000

ದಿನಭತ್ಯೆ ರಾಜ್ಯದಲ್ಲಿ 2,000, ಹೊರ ರಾಜ್ಯಕ್ಕೆ ಹೋದರೆ 2,500

ಸಧ್ಯ ಈ ಕುರಿತು ಈಗ ಚರ್ಚೆಗಳು ನಡೆಯುತ್ತಿವೆ. ಕಾರಣ ನಿಗಮ/ ಮಂಡಳಿ/ ಪ್ರಾಧಿಕಾರಗಳ ಅಧ್ಯಕ್ಷರುಗಳಿಗೆ
ರಾಜ್ಯ ಸಚಿವ ಸ್ಥಾನಮಾನ ನೀಡಿದರೆ ಅವರಿಗೆ ವೇತನ, ಭತ್ಯ ಸೇರಿ ವಿವಿಧ ಸೌಲಭ್ಯ ನೀಡಬೇಕಾಗುತ್ತದೆ. 
ಇದಕ್ಕೆ ಜನರ ತೆರಿಗೆ ಹಣ ಪೋಲಾಗುತ್ತದೆ. ಈ ಕುರಿತು ವಿವಿಧ ರಾಷ್ಟ್ರೀಯ ಮಾಧ್ಯಮಗಳಲ್ಲೂ ವರದಿ ಪ್ರಸಾರವಾಗಿದೆ.
ಈ ಬಗ್ಗೆ ವಿಪಕ್ಷ ನಾಯಕರು ಕೂಡ ಕಾಂಗ್ರೆಸ್ ಸರ್ಕಾರವನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.

Advertisement
