# ಜಿಟಿ ದೇವೇಗೌಡರಿಗೂ ಜೆಡಿಎಸ್ ಪಕ್ಷಕ್ಕೂ ಇನ್ಮುಂದೆ ಯಾವ ಸಂಬಂಧವಿಲ್ಲ, ನನ್ನಪ್ಪ ಹೇಳಿದರು ನಾನು ಕೇಳಲ್ಲ- ಎಚ್ ಡಿ ಕುಮಾರಸ್ವಾಮಿ

- Link: https://hosakannada.com/politics/gt-deve-gowda-and-jds-party-have-no-further-connection-my-father-said-i-will-not-listen-hd-kumaraswamy/
- Published: 2026-06-19T18:42:58+00:00
- Author: ಹೊಸಕನ್ನಡ ನ್ಯೂಸ್

ಹಿರಿಯ ನಾಯಕ ಜಿಟಿ ದೇವೇಗೌಡ ಅವರಿಗೂ ಜೆಡಿಎಸ್ ಪಕ್ಷಕ್ಕೂ ಇನ್ಮುಂದೆ ಯಾವುದೇ ರೀತಿಯ ಸಂಬಂಧ ಇರುವುದಿಲ್ಲ.
ನನ್ನ ಅಪ್ಪ ಹೇಳಿದರು ಕೂಡ ನಾನದನ್ನು ಕೇಳುವುದಿಲ್ಲ ಇದು ನನ್ನ ಅಂತಿಮ ತೀರ್ಮಾನ ಎಂದು ಕೇಂದ್ರ ಸಚಿವ
ಎಚ್ ಡಿ ಕುಮಾರಸ್ವಾಮಿ ಅವರು ಕಡ್ಡಿ ತುಂಡಾಗುವಂತೆ ಹೇಳಿದ್ದಾರೆ. 

Sponsored

 ಜಿ ಟಿ ದೇವೇಗೌಡ ಅವರು ಜೆಡಿಎಸ್ ನಾಯಕರು ಹಾಗೂ ಪಕ್ಷದ ಜೊತೆಗೆ ಸುಮಾರು ಒಂದು ವರ್ಷಗಳಿಗಿಂತಲೂ ಹೆಚ್ಚು
ಕಾಲದಿಂದ ಅಂತರವನ್ನು ಕಾಯ್ದುಕೊಂಡಿದ್ದರು. ಯಾವುದೇ ಸಭೆ, ಸಮಾರಂಭಗಳಲ್ಲಿಯೂ ಕೂಡ ಅವರ ಪಾಲ್ಗೊಳ್ಳುತ್ತಿರಲಿಲ್ಲ.
ಈ ವಿಚಾರವಾಗಿ ಕುಮಾರಸ್ವಾಮಿಯವರಿಗೆ ಅವರ ಮೇಲೆ ಮೊದಲಿನಿಂದಲೂ ಬೇಸರವಿತ್ತು. ಆದರೆ ಈ ಬೆನ್ನಲ್ಲೇ 
ಇದೀಗ ವಿಧಾನಪರಿಷತ್ ಚುನಾವಣೆಯಲ್ಲಿಯೂ ಅವರು ಅಡ್ಡ ಮತದಾನ ಮಾಡಿರುವುದು ಬೆಳಕಿಗೆ ಬಂದಿರುವ ಕಾರಣ 
ಅವರ ಮೇಲೆ ಕೋಪಗೊಂಡ ಕುಮಾರಸ್ವಾಮಿ “ಅವರಿಗೂ ಪಕ್ಷಕ್ಕೂ ಇನ್ನು ಮುಂದೆ ಯಾವ ಸಂಬಂಧವಿರುವುದಿಲ್ಲ” 
ಎಂದು ಹೇಳಿದ್ದಾರೆ.

Advertisement

Advertisement

 ಕೆಲವು ದಿನಗಳ ಹಿಂದಷ್ಟೇ ಮಾತನಾಡಿದ್ದ ಜಿಟಿ ದೇವೇಗೌಡ ಅವರು “ನಾನು ಎಂದಿಗೂ ಜೆಡಿಎಸ್ ನಲ್ಲಿ ಇರುತ್ತೇನೆ.
ಜೆಡಿಎಸ್ ನಿಂದಲೇ ಸ್ಪರ್ಧಿಸುತ್ತೇನೆ” ಎಂಬ ಹೇಳಿಕೆಯನ್ನು ನೀಡಿದ್ದರು. ಎಚ್ ಡಿ ದೇವೇಗೌಡ ಅವರಿಗೆ
ಅವರ ಮೇಲೆ ಒಲವಿತ್ತು. ಇದೆಲ್ಲವನ್ನು ಪರಿಗಣಿಸಿ ಕುಮಾರಸ್ವಾಮಿಯವರು “ನನ್ನ ಅಪ್ಪ ಹೇಳಿದರು ಕೂಡ ನಾನು
ಕೇಳುವುದಿಲ್ಲ” ಎಂದು ಖಡಕ್ ಆಗಿ ಹೇಳಿದ್ದಾರೆ.

Advertisement