# BJP: ಬಿಜೆಪಿಗೆ ಬಡಿಯಿತು ಬಂತೊಂದು ಬರಸಿಡಿಲು – ಕಾಂಗ್ರೆಸ್ ಸೇರಲು ಮುಂದಾದ ರಾಜ್ಯ ಬಿಜೆಪಿಯ ಪ್ರಬಲ ನಾಯಕಿ

- Link: https://hosakannada.com/politics/bjp-leader-is-ready-to-join-the-congress-party/
- Published: 2023-10-09T15:08:31+00:00
- Author: ಕೆ. ಎಸ್. ರೂಪಾ

BJP: ಲೋಕಸಭಾ ಚುನಾವಣೆ ಹಿನ್ನೆಲೆಯಲ್ಲಿ ಬಿಜೆಪಿ ಹಾಗೂ ಜೆಡಿಎಸ್ ಮೈತ್ರಿ ಮಾಡಿ ದೋಸ್ತಿ ಆದ್ರೆ, 
ಕಾಂಗ್ರೆಸ್‌ ʼಆಪರೇಷನ್‌ ಹಸ್ತʼ (Operation Hasta) ಆರಂಭಿಸಿದೆ. ಈಗಾಗಲೇ ಹಲವು ನಾಯಕರು, ವಿವಿಧ
ಪಕ್ಷಗಳಿಂದ ಕಾಂಗ್ರೆಸ್‌ ಸೇರ್ಪಡೆಯಾಗಿದ್ದಾರೆ. ಆಪರೇಷನ್ ಹಸ್ತದಿಂದ ಬಿಜೆಪಿಗಂತೂ ತುಂಬಲಾರದ ನಷ್ಟವಾಗಿದೆ.
ಇದೀಗ ಮತ್ತೆ ಹಿರಿಯೂರು ಬಿಜೆಪಿ(BJP) ಮಾಜಿ ಶಾಸಕಿ ಪೂರ್ಣಿಮಾ ಶ್ರೀನಿವಾಸ್‌(Poornima shrinivas)
ಅವರು ಬಿಜೆಪಿ ತೊರೆದು, ಕಾಂಗ್ರೆಸ್ ಸೇರ್ಪಡೆಯಾಗುವುದು ಖಚಿತವಾಗಿದೆ.

Sponsored

![](https://hosakannada.com/wp-content/uploads/2023/10/WhatsApp-Image-2023-10-09-
at-3.00.28-PM-750x430.jpeg)

Advertisement

Advertisement

ಹೌದು, ಲೋಕಸಭಾ ಚುನಾವಣೆ(Parliament election)ಹತ್ತಿರ ಬರುತ್ತಿದ್ದಂತೆ ಹಲವು ಬಿಜೆಪಿ ಮುಖಂಡರು
ಕಾಂಗ್ರೆಸ್ ಸೇರುವುದು ಖಚಿತವಾಗುತ್ತಿದೆ. ಸದ್ಯ ಚಿತ್ರದುರ್ಗ ಜಿಲ್ಲೆಯ ಹಿರಿಯೂರು ಕ್ಷೇತ್ರದ ಬಿಜೆಪಿಯ
ಮಾಜಿ ಶಾಸಕಿ ಪೂರ್ಣಿಮಾ ಶ್ರೀನಿವಾಸ್ ಶೀಘ್ರದಲ್ಲೇ ಕಾಂಗ್ರೆಸ್ ಸೇರ್ಪಡೆಯಾಗಲಿದ್ದಾರೆ.
 ಈ ಕುರಿತು
ಭಾನುವಾರ ಸಂಜೆ ಮುಖ್ಯಮಂತ್ರಿ ಕಾವೇರಿ ನಿವಾಸದಲ್ಲಿ ಸಿಎಂ ಸಿದ್ದರಾಮಯ್ಯ ಹಾಗೂ ಉಪಮುಖ್ಯಮಂತ್ರಿ ಡಿಕೆ
ಶಿವಕುಮಾರ್ ಅವರನ್ನು ಭೇಟಿ ಮಾಡಿ ಮಾತುಕತೆ ನಡೆಸಿದ್ದಾರೆ.

![](https://hosakannada.com/wp-content/uploads/2023/10/WhatsApp-Image-2023-10-09-
at-3.00.32-PM1-750x430.jpeg)

ಅಂದಹಾಗೆ ಅ.20ರಂದು ಅಧಿಕೃತವಾಗಿ ಅವರು ಕಾಂಗ್ರೆಸ್ ಸೇರ್ಪಡೆಯಾಗಲಿದ್ದಾರೆ ಎಂದು ತಿಳಿದುಬಂದಿದೆ.
ಹಿರಿಯೂರು ವಿಧಾನಸಭಾ ಕ್ಷೇತ್ರದ ಶಾಸಕಿಯಾಗಿದ್ದ ಕೆ.ಪೂರ್ಣಿಮಾ ಕಳೆದ ವಿಧಾನಸಭಾ ಚುನಾವಣೆಯಲ್ಲಿ ಬಿಜೆಪಿಯಿಂದ
ಸ್ಪರ್ಧಿಸಿ ಸೋಲುಕಂಡಿದ್ದರು. ಚುನಾವಣೆ ಬಳಿಕ ಬಿಜೆಪಿ ತೊರೆದು ಕಾಂಗ್ರೆಸ್‌ ಸೇರ್ಪಡೆಯಾಗಲಿದ್ದಾರೆ
ಎಂಬ ವದಂತಿ ಹರಿದಾಡಿತ್ತು. ಆದರೆ ಈ ಸುದ್ದಿಯನ್ನು ಪೂರ್ಣಿಮಾ ತಳ್ಳಿಹಾಕಿದ್ದರು.

ಇನ್ನು ಮಾಜಿ ಶಾಸಕಿ ಕೆ ಪೂರ್ಣಿಮಾ ಶ್ರೀನಿವಾಸ್ ಅವರ ಪತಿ ಡಿಟಿ ಶ್ರೀನಿವಾಸ್ ಅವರು ಆಗ್ನೇಯ ಶಿಕ್ಷಕರ
ಕ್ಷೇತ್ರದಿಂದ ಸ್ಪರ್ಧಿಸಲು ತಯಾರಿ ನಡೆಸುತ್ತಿದ್ದು, ಕಾಂಗ್ರೆಸ್ ಟಿಕೆಟ್ ಆಕಾಂಕ್ಷಿಯಾಗಿದ್ದಾರೆ.
ಈ ಹಿಂದೆ ಪದವೀಧರ ಕ್ಷೇತ್ರದಿಂದ ಸ್ಪರ್ಧಿಸಿ ಸೋತಿದ್ದರು. ಇದೀಗ ಆಗ್ನೇಯ ಶಿಕ್ಷಕರ ಕ್ಷೇತ್ರದಿಂದ 
ಸ್ಪರ್ಧಿಸಲು ಕಾದಿದ್ದಾರೆ.

 

 

Advertisement