# Assembly election : ಮುಂದಿನ ವರ್ಷ ರಾಜ್ಯದಲ್ಲಿ ಮತ್ತೆ ನಡೆಯಲಿದೆ ವಿಧಾನಸಭಾ ಚುನಾವಣೆ ?!

- Link: https://hosakannada.com/politics/assembly-elections-will-be-held-again-in-the-state-next-year/
- Published: 2023-10-09T17:13:58+00:00
- Author: ಕೆ. ಎಸ್. ರೂಪಾ

Assembly election: ರಾಜ್ಯಗಳಾದ ರಾಜಸ್ಥಾನ, ಮಧ್ಯಪ್ರದೇಶ, ಛತ್ತೀಸ್‌ಗಢ, ತೆಲಂಗಾಣ, ಮಿಜೋರಾಂಗಳ
ಚುನಾವಣೆಯ ದಿನಾಂಕವನ್ನು ಇಂದು ಆಯೋಗ ಪ್ರಕಟಿಸಿದ್ದು, ಈ ಬೆನ್ನಲ್ಲೇ ಕರ್ನಾಟಕ ಮಾಜಿ ಸಿಎಂ ಎಚ್ ಡಿ
ಕುಮಾರಸ್ವಾಮಿ(H D Kumarswamy)ಅವರು ಹೊಸ ಬಾಂಬ್ ಸಿಡಿಸಿದ್ದಾರೆ.

Sponsored

ಹೌದು, ಬಿಜೆಪಿ ಜೊತೆ ಮೈತ್ರಿ ಮಾಡಿಕೊಂಡಿರುವ ಜೆಡಿಎಸ್ ನಾಯಕ ಹಾಗೂ ರಾಜ್ಯದ ಮಾಜಿ ಸಿಎಂ ಎಚ್ ಡಿ 
ಕುಮಾರಸ್ವಾಮಿ ಅವರು 2024ಕ್ಕೆ ಮತ್ತೆ ರಾಜ್ಯದಲ್ಲಿ ವಿಧಾನಸಭೆ ಚುನಾವಣೆ (Assembly Election) 
ನಡೆಯುವುದು ಖಚಿತ ಎಂದು ಸ್ಪೋಟಕ ಭವಿಷ್ಯ ನುಡಿದಿದ್ದಾರೆ.

Advertisement

Advertisement

![](https://hosakannada.com/wp-content/uploads/2023/10/WhatsApp-Image-2023-10-09-
at-5.08.06-PM3.jpeg)

ಅಂದಹಾಗೆ ಬಿಡದಿಯ ತಮ್ಮ ತೋಟದ ಮನೆಯಲ್ಲಿ ನಡೆದ ರಾಮನಗರ ಜಿಲ್ಲಾ ಜೆಡಿಎಸ್ ಮುಖಂಡರ ಸಭೆಯಲ್ಲಿ ಮಾತನಾಡಿದ
ಅವರು, ಇಷ್ಟು ಕೆಟ್ಟ ಸರ್ಕಾರವನ್ನು ನಾನು ನೋಡಿಯೇ ಇಲ್ಲ. ಆಂತರಿಕ ಕಚ್ಚಾಟದಿಂದ ಈ ಸರ್ಕಾರ ಬೀಳುತ್ತದೆ.
ಸಾರ್ವಜನಿಕವಾಗಿ ನನ್ನ ಕೈ ಮೇಲೆ ಎತ್ತಿ ಜೋಡೆತ್ತು ಎಂದು ಹೇಳಿದ ನಯವಂಚಕ ಮಾತುಗಳನ್ನು ನಂಬಿ ಮೋಸ 
ಹೋದೆ. ಆಮೇಲೆ ಅವರು ನನ್ನನ್ನು ನಡುರಸ್ತೆಯಲ್ಲಿ ಕೈ ಬಿಟ್ಟು ಎತ್ತು, ಗಾಡಿಯೊಂದಿಗೆ ಪಲಾಯನ ಮಾಡಿದರು.
2018 ಸರ್ಕಾರ ಹೋಗಿದ್ದು ಡಿ.ಕೆ ಶಿವಕುಮಾರ್ ಅವರಿಂದಲೇ ಹೊರತು ನನ್ನಿಂದ ಅಲ್ಲ ಎಂದಿದ್ದಾರೆ.

ಅಲ್ಲದೆ ನಮ್ಮನ್ನು ಅವರು ಓಡಿಸಿದರೆ ಹಾಸನಕ್ಕೆ ಓಡಿಸಬಹುದು. ಆದರೆ ಅವರು ಒಮ್ಮೆ ತಿಹಾರ್‌ ಜೈಲನ್ನು
ನೋಡಿ ಬಂದಿದ್ದಾರೆ. ಮುಂದೆ ಖಾಯಂ ಆಗಿ ಅಲ್ಲಿಗೆ ಹೋದರೂ ಅಚ್ಚರಿ ಇಲ್ಲ. ಅವರು ತಿಹಾರ್‌ ಜೈಲಿಗೆ ಓಡುವ
ಕಾಲ ಹತ್ತಿರದಲ್ಲಿದೆ. ಜೀವನದಲ್ಲಿ ಎಂದೂ ಅವರ ಜತೆ ನಾನು ರಾಜಿ ಆಗಿಲ್ಲ. ಒಮ್ಮೆ ಅವರ ಜತೆ ಸರಕಾರ 
ಮಾಡಿ ಈಗಲೂ ನೋವು ಅನುಭವಿಸುತ್ತಾ ಇದ್ದೇನೆ ಎಂದು ಡಿ.ಕೆ.ಶಿವಕುಮಾರ್‌ ವಿರುದ್ಧ ವಾಗ್ಧಾಳಿ ನಡೆಸಿದ್ದಾರೆ.

 

ಇದನ್ನು ಓದಿ: [Drunk and Drive: ಬೈಕ್‌ ಇಂಡಿಕೇಟರ್‌ ನಿಂದ ಉಳಿಯಿತು ಕುಡುಕನ ಪ್ರಾಣ !! ಅಷ್ಟಕ್ಕೂ ಆಗಿದ್ದೇನು ?!](https://hosakannada.com/2023/10/09/chikkamagaluru-drunk-and-drive-case-bike-indicator-saved-drunker-rider-life-intresting-news/)

Advertisement