# Yatnal: ಚಾಮುಂಡೇಶ್ವರಿ ಎದುರು ಫೈಲ್ ಇಟ್ಟು ಯತ್ನಾಳ್ ಪೂಜೆ- ಏನಿದೆ ಆ ಫೈಲ್ ನಲ್ಲಿ?

- Link: https://hosakannada.com/news/yatnal-put-file-infront-of-god-and-worshiped-god-chamundeshwari/
- Published: 2025-02-21T22:40:27+00:00
- Author: ಹೊಸಕನ್ನಡ ನ್ಯೂಸ್

Yatnal: ಬಿಜೆಪಿಯ ರೆಬೆಲ್ ನಾಯಕ ಬಸವನಗೌಡ ಪಾಟೀಲ್ ಯತ್ನಾಳ್ ಅವರಿಗೆ ಬಿಜೆಪಿ ಹೈಕಮಾಂಡ್ ನೋಟಿಸ್
ಕೊಟ್ಟ ಬಳಿಕ ಅವರ ಬಣ ಕೊಂಚ ತಣ್ಣಗಾಗಿದೆ. ಈ ಮೂಲಕ ಯತ್ನಾಳ್ ಅವರಿಗೆ ಮುಖಭಂಗವಾಗಿದೆ. ಆದರೆ ಈ ಬೆನ್ನಲ್ಲೇ
ಅಚ್ಚರಿ ಎಂಬಂತೆ ಎತ್ನಾಳ್ ಅವರು ನಾಡದೇವಿ ಚಾಮುಂಡೇಶ್ವರಿ ಸನ್ನಿಧಾನಕ್ಕೆ ತೆರಳಿ ಫೈಲ್ ಒಂದನ್ನು 
ಚಾಮುಂಡೇಶ್ವರಿ ಎದುರು ಇಟ್ಟು ಪೂಜೆ ಸಲ್ಲಿಸಿದ್ದಾರೆ. ಹೀಗಾಗಿ ನಾಡಿನ ಜನರ ಚಿತ್ತ ಆ ಫೈಲ್ನತ್ತ ಮೂಡಿದ್ದು
ಅದರೊಳಗೆ ಏನಿದೆ ಎಂಬುದು ಕುತೂಹಲವಾಗಿದೆ.

Sponsored

ಹೌದು, ಅತ್ತ ಹೈಕಮಾಂಡ್ ನೋಟಿಸ್ ನೀಡಿದ್ರೆ, ಇತ್ತ ಶಕ್ತಿ ದೇವತೆ ಎದುರು ಫೈಲ್ ಇಟ್ಟು ಯತ್ನಾಳ್ ಪೂಜೆ
ಸಲ್ಲಿಸಿದ್ದರು. ಅಷ್ಟಕ್ಕೂ ಆ ಫೈಲ್‌ನಲ್ಲಿ ಏನಿರಬಹುದು ಎನ್ನುವುದು ತೀವ್ರ ಕುತೂಹಲಕ್ಕೆ ಕಾರಣವಾಗಿತ್ತು.
ಆ ಫೈಲ್‌ನಲ್ಲಿ ಕೇಂದ್ರ ನೋಟಿಸ್ ಗೆ ಉತ್ತರ ಕೊಟ್ಟ ಪ್ರತಿ ಇದೆಯಾ ಅಥವಾ ವಿಜಯೇಂದ್ರ ವಿರುದ್ಧ ಮತ್ತಷ್ಟು
ದಾಖಲೆ ಇಟ್ಟು ಪೂಜೆ ಮಾಡಿಸಿದ್ರಾ ಎಂಬ ಹಲವು ಪ್ರಶ್ನೆಗಳನ್ನು ಹುಟ್ಟುಹಾಕುವಂತೆ ಮಾಡಿತ್ತು. ಇದೀಗ
ಇದೆಲ್ಲದಕ್ಕೂ ಯತ್ನಾಳ್ ಅವರೇ ಸ್ಪಷ್ಟೀಕರಣ ನೀಡಿದ್ದಾರೆ.

Advertisement

Advertisement

ಈ ಬಗ್ಗೆ ಎಕ್ಸ್ ಖಾತೆಯಲ್ಲಿ ಪೋಸ್ಟ್ ಮಾಡಿರುವ ಯತ್ನಾಳ್, ಸುಪ್ರೀಂ ಕೋರ್ಟ್ ಆದೇಶಾನುಸಾರ ನಮ್ಮ ಸಿದ್ದಸಿರಿ
ಪವರ್ ಹಾಗೂ ಎಥನಾಲ್ ಕಾರ್ಖಾನೆಗೆ ಕರ್ನಾಟಕ ರಾಜ್ಯ ಮಾಲಿನ್ಯ ನಿಯಂತ್ರಣ ಮಂಡಳಿ ಅನುಮತಿ ನೀಡಿದೆ. 
ಈ ಸಂಬಂಧ ನಾನು ನಾಡದೇವತೆ ಚಾಮುಂಡೇಶ್ವರಿ ಅಮ್ಮನವರಿಗೆ ವಿಶೇಷ ಪ್ರಾರ್ಥನೆ ಸಲ್ಲಿಸಿ ಪೂಜೆ ಸಲ್ಲಿಸಿದ್ದೇನೆ.
ಚಿಂಚೋಳಿ ತಾಲ್ಲೂಕಿನಲ್ಲಿರುವ ನಮ್ಮ ಕಾರ್ಖಾನೆ ಆರಂಭವಾಗುವುದರಿಂದ ನೂರಾರು ಉದ್ಯೋಗ ಸೃಷ್ಟಿಯಾಗುತ್ತದೆ
ಹಾಗೂ ರೈತರ ಏಳಿಗೆಗೆ ನಾಂದಿಯಾಗುತ್ತದೆ ಎಂದು ಬರೆದುಕೊಂಡಿದ್ದಾರೆ.

Advertisement