# ರೈಲು ಪ್ರಯಾಣಿಕರಿಗೆ ಶಾಕ್: ಹಲವು ಎಕ್ಸ್‌ಪ್ರೆಸ್ ರೈಲುಗಳು ರದ್ದು

- Link: https://hosakannada.com/news/yadakumari-railway-work-train-cancellation/
- Published: 2026-08-12T11:29:06+00:00
- Author: ಹೊಸಕನ್ನಡ ನ್ಯೂಸ್

**ಮಂಗಳೂರು:** ಮೈಸೂರು ವಿಭಾಗದ ವ್ಯಾಪ್ತಿಯಲ್ಲಿ ಯಡಕುಮೇರು ರೈಲು ನಿಲ್ದಾಣದ ಸಮೀಪ ಹಳಿ ನಿರ್ವಹಣೆ
ಹಾಗೂ ವಿವಿಧ ಎಂಜಿನಿಯರಿಂಗ್ ಕಾಮಗಾರಿಗಳನ್ನು ಕೈಗೊಳ್ಳಲಾಗಿದೆ. ಈ ಹಿನ್ನೆಲೆಯಲ್ಲಿ ಅಕ್ಟೋಬರ್ 4ರಿಂದ
ನವೆಂಬರ್ 4ರವರೆಗೆ ಹಲವು ಎಕ್ಸ್‌ಪ್ರೆಸ್ ರೈಲುಗಳ ಸಂಚಾರದಲ್ಲಿ ವ್ಯತ್ಯಯ ಉಂಟಾಗಲಿದೆ ಎಂದು ರೈಲ್ವೆ
ಇಲಾಖೆ ತಿಳಿಸಿದೆ.

Sponsored

> [ಬೆಂಗಳೂರು : ಹೋಟೆಲ್ಗಳ ಮೇಲೆ ಆಹಾರ ಅಧಿಕಾರಿಗಳ ದಾಳಿ – 2 ವರ್ಷದ ಹಿಂದಿನ ಚಿಕನ್‌, 1 ವರ್ಷದ ಹಿಂದಿನ ಮೀನು ಮಾಂಸ ಪತ್ತೆ](https://hosakannada.com/news/bengaluru-food-officials-raid-hotels-2-year-old-chicken-1-year-old-fish-found/)
> Advertisement
> Advertisement

ಯಶವಂತಪುರ–ಮಂಗಳೂರು ಜಂಕ್ಷನ್ ನಡುವಿನ 16575 ತ್ರೈವಾರಿಕ ಎಕ್ಸ್‌ಪ್ರೆಸ್ ರೈಲು ಅಕ್ಟೋಬರ್ 4, 6,
8, 11, 13, 15, 22, 25, 27, 29 ಹಾಗೂ ನವೆಂಬರ್ 1 ಮತ್ತು 3ರಂದು ಸಂಚರಿಸುವುದಿಲ್ಲ. ಅದೇ ರೀತಿ
16576 ಮಂಗಳೂರು ಜಂಕ್ಷನ್–ಯಶವಂತಪುರ ತ್ರೈವಾರಿಕ ಎಕ್ಸ್‌ಪ್ರೆಸ್ ರೈಲು ಅಕ್ಟೋಬರ್ 5, 7, 9, 12,
14, 16, 23, 26, 28, 30 ಹಾಗೂ ನವೆಂಬರ್ 2 ಮತ್ತು 4ರಂದು ರದ್ದುಗೊಳ್ಳಲಿದೆ.

16515 ಯಶವಂತಪುರ–ಕಾರವಾರ ತ್ರೈವಾರಿಕ ಎಕ್ಸ್‌ಪ್ರೆಸ್ ರೈಲಿನ ಸಂಚಾರವೂ ಅಕ್ಟೋಬರ್ 5, 7, 9, 12,
14, 21, 23, 26, 28, 30 ಹಾಗೂ ನವೆಂಬರ್ 2ರಂದು ಸ್ಥಗಿತಗೊಳ್ಳಲಿದೆ. ಒಟ್ಟು 11 ದಿನ ಈ ರೈಲು ಸಂಚರಿಸುವುದಿಲ್ಲ.

> [ಬೆಂಗಳೂರು : ಹೋಟೆಲ್ಗಳ ಮೇಲೆ ಆಹಾರ ಅಧಿಕಾರಿಗಳ ದಾಳಿ – 2 ವರ್ಷದ ಹಿಂದಿನ ಚಿಕನ್‌, 1 ವರ್ಷದ ಹಿಂದಿನ ಮೀನು ಮಾಂಸ ಪತ್ತೆ](https://hosakannada.com/news/bengaluru-food-officials-raid-hotels-2-year-old-chicken-1-year-old-fish-found/)

 

ಇದರೊಂದಿಗೆ 16516 ಕಾರವಾರ–ಯಶವಂತಪುರ ತ್ರೈವಾರಿಕ ಎಕ್ಸ್‌ಪ್ರೆಸ್ ರೈಲು ಅಕ್ಟೋಬರ್ 6, 8, 10, 13,
15, 22, 24, 27, 29, 31 ಹಾಗೂ ನವೆಂಬರ್ 3ರಂದು ರದ್ದಾಗಲಿದೆ.

ಇನ್ನು 16539 ಯಶವಂತಪುರ–ಮಂಗಳೂರು ಜಂಕ್ಷನ್ ಸಾಪ್ತಾಹಿಕ ಎಕ್ಸ್‌ಪ್ರೆಸ್ ರೈಲು ಅಕ್ಟೋಬರ್ 10, 24
ಮತ್ತು 31ರಂದು ಸಂಚರಿಸುವುದಿಲ್ಲ. 16540 ಮಂಗಳೂರು ಜಂಕ್ಷನ್–ಯಶವಂತಪುರ ಸಾಪ್ತಾಹಿಕ ಎಕ್ಸ್‌ಪ್ರೆಸ್
ರೈಲು ಅಕ್ಟೋಬರ್ 11, 25 ಹಾಗೂ ನವೆಂಬರ್ 1ರಂದು ರದ್ದುಗೊಳ್ಳಲಿದೆ.

ಹಳಿ ನಿರ್ವಹಣೆ ಕಾಮಗಾರಿಯ ಹಿನ್ನೆಲೆಯಲ್ಲಿ ರೈಲು ಸಂಚಾರದಲ್ಲಿ ಬದಲಾವಣೆ ಮಾಡಲಾಗಿರುವುದರಿಂದ ಪ್ರಯಾಣಿಕರು
ತಮ್ಮ ಪ್ರಯಾಣಕ್ಕೂ ಮುನ್ನ ರೈಲಿನ ವೇಳಾಪಟ್ಟಿ ಹಾಗೂ ಸಂಚಾರ ಸ್ಥಿತಿಯನ್ನು ಪರಿಶೀಲಿಸಿಕೊಳ್ಳುವಂತೆ
ರೈಲ್ವೆ ಇಲಾಖೆ ಸೂಚಿಸಿದೆ.

> [ಚಿಕನ್‌ ಅಂಗಡಿಯಿಂದ ನೋಟು ಕಳ್ಳತನ: ಕೊನೆಗೂ ಸಿಕ್ಕಿ ಬಿದ್ದ ಕಳ್ಳ, ಯಾರು ಗೊತ್ತೇ?](https://hosakannada.com/news/theft-of-currency-notes-from-a-chicken-shop-the-thief-has-finally-been-caught-do-you-know-who-it-is/)

Advertisement