# ಟಿವಿ ರಿಮೋಟ್ ಗೆ ಒಮ್ಮೆ ಹೊಡೆದಾಗ ಮಾತ್ರ ಕೆಲಸ ಮಾಡೋದ್ಯಾಕೆ?

- Link: https://hosakannada.com/news/why-does-the-tv-remote-work-only-when-you-hit-it/
- Published: 2026-09-11T16:56:19+00:00
- Author: ಹೊಸಕನ್ನಡ ನ್ಯೂಸ್

ಮನೆಯಲ್ಲಿ ಕೆಲವೊಮ್ಮೆ ಟಿವಿ ರಿಮೋಟ್ ಗಳ ಸೆಲ್ ಡೌನ್ ಆದ ಸಂದರ್ಭದಲ್ಲಿ ಅದಕ್ಕೆ ಪಟೀರ್… ಎಂದು ಒಂದು
ಏಟು ಕೊಟ್ಟ ತಕ್ಷಣ ಕೆಲಸ ಮಾಡಲು ಆರಂಭಿಸುತ್ತದೆ. ಎಲ್ಲರ ಮನೆಯಲ್ಲಿಯೂ ಇದು ಸಾಮಾನ್ಯ ವಿಚಾರವಾಗಿದೆ.
ಹಾಗಾದ್ರೆ ಹೀಗೆ ಒಮ್ಮೆ ಹೊಡೆದ ಸಂದರ್ಭದಲ್ಲಿ ಮಾತ್ರ ಆ ರಿಮೋಟ್ ಕೆಲಸ ಮಾಡುವುದು ಏಕೆ? ಇದಕ್ಕೆ ಏನು
ಕಾರಣ ಎಂದು ಎಂದಾದರೂ ಯೋಚಿಸಿದ್ದೀರಾ? ಇಲ್ಲಿದೆ ನೋಡಿ ಇಂಟ್ರೆಸ್ಟಿಂಗ್ ಮ್ಯಾಟರ್.

Sponsored

1. **ಸ್ಪ್ರಿಂಗ್ ಸಡಿಲವಾಗಿರುವುದು**

Advertisement

Advertisement

ರಿಮೋಟ್ ಕೈಯಿಂದ ಕೆಳಗೆ ಬಿದ್ದಾಗ ಅಥವಾ ತುಂಬಾ ಸಮಯ ಒಂದೇ ಕಡೆ ಇದ್ದಾಗ, ಬ್ಯಾಟರಿಯನ್ನು ಹಿಡಿದಿಟ್ಟುಕೊಳ್ಳುವ
ಸ್ಪ್ರಿಂಗ್ ಸಡಿಲವಾಗಿರುತ್ತದೆ. ರಿಮೋಟ್‌ಗೆ ಬಡಿದಾಗ ಬ್ಯಾಟರಿ ಸ್ವಲ್ಪ ಜರಿದು ಸರಿಯಾದ ಸ್ಥಾನಕ್ಕೆ
ಕೂರುತ್ತದೆ, ಇದರಿಂದ ಸಂಪರ್ಕ ಪುನಃ ಸಿಗುತ್ತದೆ.

2**.ಬ್ಯಾಟರಿಯ ಕೊನೆಯ ಹಂತದ ಚಾರ್ಜ್**

ಬ್ಯಾಟರಿಯ ಜೀವಿತಾವಧಿ ಮುಗಿಯುತ್ತಾ ಬಂದಾಗ, ಅದರ ಒಳಗಿನ ರಾಸಾಯನಿಕ ಪ್ರತಿಕ್ರಿಯೆ ನಿಧಾನವಾಗಿರುತ್ತದೆ.
ರಿಮೋಟ್‌ಗೆ ತಟ್ಟಿದಾಗ ಅಥವಾ ಅಲುಗಾಡಿಸಿದಾಗ ಬ್ಯಾಟರಿಯೊಳಗಿನ ರಾಸಾಯನಿಕಗಳು ಸ್ವಲ್ಪ ಚಲಿಸಿ, ಕ್ಷಣಕಾಲ
ಅತ್ಯಲ್ಪ ಪ್ರಮಾಣದ ಹೆಚ್ಚುವರಿ ವೋಲ್ಟೇಜ್ ಉತ್ಪತ್ತಿಯಾಗುತ್ತದೆ. ರಿಮೋಟ್‌ನಿಂದ ಟಿವಿಗೆ ಸಿಗ್ನಲ್
ಕಳುಹಿಸಲು ಈ ಒಂದು ಸೆಕೆಂಡಿನ ಶಕ್ತಿಯೇ ಸಾಕಾಗುತ್ತದೆ.

**3. ಬ್ಯಾಟರಿ ತುಕ್ಕು**

ರಿಮೋಟ್ ಒಳಗೆ ಬ್ಯಾಟರಿಗಳನ್ನು ಕೂರಿಸುವ ಜಾಗದಲ್ಲಿ ಲೋಹದ ಸ್ಪ್ರಿಂಗ್‌ಗಳು ಇರುತ್ತವೆ. ಗಾಳಿಯಲ್ಲಿನ
ತೇವಾಂಶ ಮತ್ತು ಧೂಳಿನಿಂದಾಗಿ ಬ್ಯಾಟರಿಯ ತುದಿ ಹಾಗೂ ಸ್ಪ್ರಿಂಗ್ ನಡುವೆ ನಮಗೆ ಕಣ್ಣಿಗೆ ಕಾಣಿಸದಂತಹ
ಅತ್ಯಂತ ತೆಳುವಾದ ತುಕ್ಕು ಅಥವಾ ಆಕ್ಸೈಡ್ ಪದರ ಜಮೆಯಾಗುತ್ತದೆ. ಇದು ಬ್ಯಾಟರಿಯಿಂದ ರಿಮೋಟ್‌ಗೆ ವಿದ್ಯುತ್
ಹರಿಯುವುದನ್ನು ತಡೆಯುತ್ತದೆ.

**ಇದಕ್ಕೆ ಸುಲಭ ಪರಿಹಾರವೇನು?**

ರಿಮೋಟ್‌ಗೆ ಬಡಿಯುವ ಬದಲು, ಬ್ಯಾಟರಿ ಕವರ್ ತೆಗೆದು ಎರಡೂ ಬ್ಯಾಟರಿಗಳನ್ನು ನಿಮ್ಮ ಬೆರಳಿನಿಂದಲೇ 
ಹಿಂದಕ್ಕೂ ಮುಂದಕ್ಕೂ ಒಂದೆರಡು ಬಾರಿ ತಿರುಗಿಸಿ (Rotate ಮಾಡಿ). ಇದರಿಂದ ತುಕ್ಕು ಸರಿದು ತಕ್ಷಣ
ಸಂಪರ್ಕ ಸಿಗುತ್ತದೆ.

Advertisement