# Starbucks : ಸ್ಟಾರ್‌ಬಕ್ಸ್ ಲೋಗೋದಲ್ಲಿರುವ ‘ಆ’ ಹುಡುಗಿ ಯಾರು? ಕಂಪನಿ ನೀಡಿದೆ ಸ್ಪಷ್ಟನೆ!

- Link: https://hosakannada.com/news/who-is-that-girl-in-the-starbucks-logo/
- Published: 2023-03-09T11:45:49+00:00
- Author: Mallika

StarBucks : ದೇಶ ವಿದೇಶಗಳಲ್ಲಿ ಭಾರೀ ಪ್ರಖ್ಯಾತಿಯನ್ನು ಪಡೆದ ಪಾನೀಯ ಬ್ರಾಂಡ್‌ ಸ್ಟಾರ್‌ಬಕ್ಸ್‌.
ಹೌದು ಈ ಕಂಪನಿಯ ಪಾನೀಯಗಳಿಗೆ ಮಾರು ಹೋದವರಿಲ್ಲ. ಜಗತ್ತಿನ ಅತ್ಯುತ್ತಮ ಕಾಫಿ ಅಥವಾ ಕಾಸ್ಟ್ರಿಯೆಸ್ಟ್‌
ಕಾಫಿ ಸಂಸ್ಥೆ ಇದು. ಅಂದ ಹಾಗೆ ಇದು ಬಡವರ ಕೈಗೆಟುಕದ ಪಾನೀಯ. ಯಾಕೆಂದರೆ ಇದೊಂದು ಕಾಸ್ಟ್ಲಿಯೆಸ್ಟ್‌
ಬ್ರಾಂಡ್‌. ನೀವು ಎಲ್ಲಾದರೂ ಶ್ರೀಮಂತರು, ಸೆಲೆಬ್ರೆಟಿಗಳ ಕೈಯಲ್ಲಿ ಅಲ್ಲೊಮ್ಮೆ ಇಲ್ಲೊಮ್ಮೆ ಈ ಬ್ರಾಂಡ್‌ನ
ಬಾಟಲ್‌ನ್ನು ಹಿಡಿದುಕೊಂಡು, ಸಿಪ್‌ ಏರಿಸಿಕೊಂಡು ಹೋಗುವ ದೃಶ್ಯವನ್ನು ನೀವು ಗಮನಿಸಿರಬಹುದು.

Sponsored

ಸ್ಟಾರ್‌ಬಕ್ಸ್ (Starbucks) ವಿಶ್ವದ ಪ್ರಸಿದ್ಧ ಐಷಾರಾಮಿ ಪಾನೀಯ ಬ್ರಾಂಡ್ (Branded Drink) ಆಗಿದೆ.
ಪ್ರಪಂಚದ 84 ದೇಶಗಳಲ್ಲಿ 34,630 ಮಳಿಗೆಗಳಿವೆ. ಭಾರತದಲ್ಲಿ (India) ಈ ಬ್ರಾಂಡ್‌ನ ಪ್ರವೇಶವು 2012
ರಲ್ಲಿ ಆಗಿತ್ತು. ಕಳೆದ ಹತ್ತು ವರ್ಷಗಳಲ್ಲಿ ಭಾರತದಲ್ಲಿ 252 ಫ್ರಾಂಚೈಸಿಗಳಿವೆ. ಈ ಕಂಪನಿಯ ಲೋಗೋದಲ್ಲಿ(
Logo) ಓರ್ವ ಯುವತಿ ಇರುವುದು ನಿಮಗೆ ಗೊತ್ತಿರಬಹುದು. ಈ ಯುವತಿ ಯಾರು ಎನ್ನುವ ಕುತೂಹಲಕ್ಕೆ ಈಗ, 
ಈ ಲೋಗೋ ಬಗ್ಗೆ ಕಂಪನಿ ವಿವರಣೆ ನೀಡಿದೆ.

Advertisement

Advertisement

ಕಂಪನಿಯು ಕಳೆದ 50 ವರ್ಷಗಳಿಂದ ಬ್ರ್ಯಾಂಡಿಂಗ್ ಮತ್ತು ಗುಣಮಟ್ಟವನ್ನು ಕೇಂದ್ರೀಕರಿಸಿದೆ. ಕಂಪನಿಯು
5 ದಶಕಗಳಲ್ಲಿ 4 ಬಾರಿ ಲೋಗೋ ವಿನ್ಯಾಸವನ್ನು ಬದಲಾಯಿಸಿದೆ. ಈ ಲೋಗೋ ಒಂದು ಕಾಲದಲ್ಲಿ ಕಂದು ಬಣ್ಣದ್ದಾಗಿತ್ತು.
ಈಗ ಈ ಲೋಗೋ ಹಸಿರು ಬಣ್ಣದಲ್ಲಿ ಮೂಡಿ ಬಂದಿದೆ. ಈ ಲೋಗೋದಲ್ಲಿ ಯುವತಿಯೊಬ್ಬಳು ಇರುವುದು, ನಿಜಕ್ಕೂ
ಆ ಲೋಗೋದಲ್ಲಿ ಕಾಣಿಸಿಕೊಂಡ ಯುವತಿಯತ್ತ ಅನೇಕ ಗ್ರಾಹಕರು ಆಕರ್ಷಿತರಾಗಿರುವುದು ಸಹಜ.

![](https://hosakannada.com/wp-content/uploads/2023/03/IMG-20230309-WA0023-1-300x158.
jpg)

ಸ್ಟಾರ್‌ಬಕ್ಸ್(Starbucks) ಅಧಿಕೃತ ವೆಬ್‌ಸೈಟ್ ಪ್ರಕಾರ, ಲೋಗೋದಲ್ಲಿರುವ ಯುವತಿ ಪೌರಾಣಿಕ ಪಾತ್ರ.
ಆಕೆ ನಿಜವಾದ ಯುವತಿ ಅಲ್ಲ. ಪುರಾಣಗಳ ಪ್ರಕಾರ ಸೈರನ್‌ಗಳನ್ನು ಎರಡು ಬಾಲಗಳೊಂದಿಗೆ ತೋರಿಸಲಾಗಿದೆ.
1971 ರಲ್ಲಿ, ಕಂಪನಿಯ ಸಂಸ್ಥಾಪಕ ಹರ್ಮನ್ ಮೆಲ್ವಿಲ್ಲೆ ಮೊಬಿ-ಡಿಕ್ ಕಾದಂಬರಿಯಿಂದ ಸ್ಫೂರ್ತಿ ಪಡೆದು,
ಇದರಿಂದ ಅವರು ಸ್ಟಾರ್‌ಬಕ್ಸ್ ಎಂಬ ಹೆಸರನ್ನು ಇಟ್ಟರು. ಬಳಿಕ ಲೋಗೋ ತಯಾರಿಸುವ ಪ್ರಕ್ರಿಯೆ ಆರಂಭವಾಯಿತು.

ಸಮುದ್ರದಲ್ಲಿನ ಮತ್ಸ್ಯಕನ್ಯೆಯರ ರೀತಿ ಈ ನಿಗೂಢ ಪಾತ್ರವನ್ನು ಸೈರನ್ ಎಂದು ಕರೆಯಲಾಗುತ್ತದೆ. ಕಂಪನಿಯ
ಮೂವರು ಸಂಸ್ಥಾಪಕರು ಈ ಪಾತ್ರವನ್ನು ಇಷ್ಟಪಟ್ಟಿದ್ದು, ಈ ಪಾತ್ರದಿಂದ ಸ್ಫೂರ್ತಿ ಪಡೆದು ತರುಣಿಯ ಲೋಗೋ
ರಚಿಸಲಾಗಿದೆ.

ಈ ಲಾಂಛನದ ಸಮುದ್ರ ಸಂಪರ್ಕಕ್ಕೆ ಒಂದು ಕಾರಣವೆಂದರೆ ಮೊದಲ ಸ್ಟಾರ್‌ಬಕ್ಸ್ ಅಂಗಡಿಯನ್ನು ಯುಎಸ್‌ಎಯ(
USA) ಸಿಯಾಟಲ್‌ನಲ್ಲಿ ತೆರೆದಿತ್ತು. ಈ ಅಂಗಡಿಯು ಕಡಲತೀರದಲ್ಲಿದೆ. ಸಂಸ್ಥಾಪಕರ ಪ್ರಕಾರ, ನಮ್ಮ ನಗರವು
ಯಾವಾಗಲೂ ನೀರಿನೊಂದಿಗೆ ಸಂಬಂಧವನ್ನು ಹೊಂದಿದೆ. ಆ ಸಮಯದಲ್ಲಿ ಸಿಯಾಟಲ್ ತಲುಪಲು ದೀರ್ಘ ಪ್ರಯಾಣವಾಗಿತ್ತು.
ಆದ್ದರಿಂದ ಮತ್ಸ್ಯಕನ್ಯೆಯ ಲೋಗೋವನ್ನು ಸೇರಿಸಲಾಗಿದೆ.

Advertisement