# ನೀವು ಒರಿಜಿನಲ್ ಆಸ್ತಿ ಪತ್ರಗಳನ್ನು ಕಳೆದುಕೊಂಡಿದ್ದೀರಾ? ಹಾಗಾದ್ರೆ ಚಿಂತೆ ಬಿಡಿ, ಹೀಗೆ ಮಾಡಿ| ಆಸ್ತಿ ಪತ್ರಗಳನ್ನು ಮರಳಿ ಪಡೆಯಿರಿ|

- Link: https://hosakannada.com/news/what-if-you-lost-your-property-papers-details-here-in-kannada-news/
- Published: 2023-01-19T19:22:34+00:00
- Author: ಕೆ. ಎಸ್. ರೂಪಾ

ನಾವು ಹೊಂದಿರುವ ಆಸ್ತಿ ನಮ್ಮದು ಎಂಬುವುದನ್ನು ಸಾಬೀತುಪಡಿಸುವ ಎಲ್ಲ ಪತ್ರವನ್ನು ನಾವು ಹೊಂದಿರಬೇಕಾಗುತ್ತದೆ.
ಆಸ್ತಿಯ ಮಾಲೀಕತ್ವವನ್ನು ಆಸ್ತಿ ಪತ್ರ ಸಾಬೀತುಪಡಿಸುತ್ತದೆ. ಆಸ್ತಿಗೆ ಸಂಬಂಧಿಸಿದ ಯಾವುದೇ ವಹಿವಾಟನ್ನು
ನಾವು ನಡೆಸಬೇಕಾದರೆ ಆಸ್ತಿ ಪತ್ರ ಅತೀ ಮುಖ್ಯವಾಗಿದೆ. ಅದು ಕೂಡಾ ನಮ್ಮಲ್ಲಿ ಒರಿಜಿನಲ್ ಆಸ್ತಿ ಪತ್ರ
ಇರಬೇಕಾಗುತ್ತದೆ. ಆದರೆ ಈ ಆಸ್ತಿ ಪತ್ರವೇ ಕಳೆದು ಹೋದರೆ ನಾವು ಏನು ಮಾಡುವುದು? ನೀವೇನಾದರು ಆಸ್ತಿ
ಪತ್ರ ಕಳ್ಕೊಂಡಿದಿರಾ? ಹಾಗಾದ್ರೆ ಚಿಂತೆ ಬಿಡಿ, ಹೀಗೆ ಮಾಡಿ.

Sponsored

ನಿಮ್ಮ ಆಸ್ತಿ ಪತ್ರ ಕಳೆದುಹೋದ ಕೂಡಲೇ ನೀವು ಮೊದಲು ಮಾಡಬೇಕಾದುದ್ದು ಎಫ್‌ಐಆರ್ ಫೈಲ್ ಮಾಡುವುದು.
ತಕ್ಷಣ ನಿಮ್ಮ ಹತ್ತಿರದ ಪೋಲೀಸ್ ಠಾಣೆಗೆ ತೆರಳಿ ಒರಿಜಿನಲ್ ಆಸ್ತಿ ಪತ್ರ ಕಳೆದುಹೋಗಿದೆ ಎಂದು ದೂರು
ದಾಖಲು ಮಾಡಬೇಕಾಗುತ್ತದೆ. ಎಫ್‌ಐಆರ್ ಫೈಲ್ ಮಾಡಿದ ಬಳಿಕ ಅನುಕೂಲಕ್ಕೆಂದು ಅದರ ಒಂದು ಪ್ರತಿಯನ್ನು
ನಿಮ್ಮ ಬಳಿ ಇಟ್ಟುಕೊಳ್ಳಿ.

Advertisement

Advertisement

ಎರಡನೆಯದಾಗಿ ನೀವು ಮಾಡಬೇಕಾದ ಕಾರ್ಯವೆಂದರೆ ಕೂಡಲೇ ಹತ್ತಿರದ ಪತ್ರಿಕಾ ಕಛೇರಿಗಳನ್ನು ಸಂಪರ್ಕಿಸಿ
ಕೈಗೆಟುಕುವ ದರದ ಒಂದು ಜಾಹೀರಾತು ನೀಡಿ. ನಮ್ಮ ಆಸ್ತಿ ಪತ್ರ ಕಳೆದುಹೋಗಿದೆ, ಸಿಕ್ಕಿದವರು ದಯವಿಟ್ಟು
ಈ ವಿಳಾಸಕ್ಕೆ ತಿಳಿಸಿ ಅಥವಾ ಈ ಸಂಬರ್ ಗೆ ಕರೆ ಮಾಡಿ ಎಂದು ಉಲ್ಲೇಖಿಸಿ. ನೀವು ಕೊಡುವ ನಿಮ್ಮ ವಿಳಾಸ
ನಿಖರವಾಗಿರಬೇಕು. ಇಂಗ್ಲೀಷ್ ಹಾಗೂ ಕನ್ನಡ ಪತ್ರಿಕೆಯಲ್ಲಿ ಜಾಹೀರಾತು ಪ್ರಕಟಿಸಿ.

ಹೌಸಿಂಗ್ ಸೊಸೈಟಿ ಮಂಜೂರು ಮಾಡಿದ ಷೇರು ಪ್ರಮಾಣ ಪತ್ರ ಕಳೆದು ಹೋದರೆ ಮರು ಮಂಜೂರಾತಿಗೆ ಅರ್ಜಿ ಸಲ್ಲಿಸಬೇಕು.
ನಂತರ ಅರ್ಜಿಯೊಂದಿಗೆ ಎಫ್‌ಐಆರ್ ಪ್ರತಿ ಮತ್ತು ಪತ್ರಿಕೆ ಜಾಹೀರಾತು ಇತ್ಯಾದಿಗಳನ್ನು ಲಗತ್ತಿಸುವುದು
ಕಡ್ಡಾಯವಾಗಿದೆ. ಆದ್ದರಿಂದ ಒರಿಜಿನಲ್ ಆಸ್ತಿ ಪ್ರಮಾಣಪತ್ರವು ಕಳೆದುಹೋದರೆ ಮೇಲಿನ ಎರಡು ವಿಷಯಗಳನ್ನು
ತಕ್ಷಣವೇ ಮಾಡಬೇಕು ಎಂಬುದನ್ನು ನೆನಪಿನಲ್ಲಿಡಿ.

ನೀವು ಮಾಡಬಹುದಾದ ಮುಂದಿನ ಕೆಲಸವೆಂದರೆ ಆಸ್ತಿ ವಿವರಗಳು, ಎಫ್‌ಐಆರ್‌ನ ನಕಲು ಮತ್ತು ಪತ್ರಿಕೆಯ ಸೂಚನೆಯ
ಪ್ರತಿಯೊಂದಿಗೆ ದಾಖಲೆಗಳ ನಷ್ಟವನ್ನು ಸ್ಟ್ಯಾಂಪ್ ಪೇಪರ್‌ನಲ್ಲಿ ತಿಳಿಸುವುದು. ರಿಜಿಸ್ಟ್ರಾರ್ ಕಚೇರಿಯಲ್ಲಿ
ಎಲ್ಲಾ ದಾಖಲೆಗಳೊಂದಿಗೆ ಈ ಒಪ್ಪಂದವನ್ನು ಸಲ್ಲಿಸಿ. ಈ ಡಾಕ್ಯುಮೆಂಟ್ ಅನ್ನು ನೋಟರಿಯಿಂದ ನೋಂದಾಯಿಸಬೇಕು,
ದೃಢೀಕರಿಸಬೇಕು ಮತ್ತು ನೋಟರೈಸ್ ಮಾಡಬೇಕು.

ಅಲ್ಲದೆ ನೀವು ನಕಲು ಪ್ರತಿಯನ್ನು ಕೂಡಾ ಪಡೆಯಬಹುದು. ನಕಲು ಪ್ರತಿಯನ್ನು ಪಡೆಯಲು, ಎಫ್‌ಐಆರ್, ನ್ಯೂಸ್
ಪೇಪರ್‌ನಲ್ಲಿ ಬಂದ ಸುದ್ದಿ, ನೋಟರೈಸ್ಡ್ ಅಂಡರ್‌ಟೇಕಿಂಗ್‌ನ ಪ್ರತಿಯೊಂದಿಗೆ ರಿಜಿಸ್ಟ್ರಾರ್‌ಗೆ ಅರ್ಜಿಯನ್ನು
ಸಲ್ಲಿಸಬೇಕಾಗುತ್ತದೆ. ಈ ಎಲ್ಲಾ ದಾಖಲೆಗಳನ್ನು ಸಲ್ಲಿಸಿದ ನಂತರ, ನಕಲು ಪ್ರತಿಯನ್ನು ಪಡೆಯಲು ರಿಜಿಸ್ಟ್ರಾರ್
ಕಚೇರಿಯಲ್ಲಿ ನಿಗದಿತ ಶುಲ್ಕವನ್ನು ಠೇವಣಿ ಮಾಡಬೇಕು.

ಆದರೆ ಈ ವಿಚಾರಗಳು ನಿಮ್ಮ ಗಮನದಲ್ಲಿರಲಿ
ಆಸ್ತಿ ದಾಖಲೆಗಳನ್ನು ಬ್ಯಾಂಕಿನಲ್ಲಿ ಇರಿಸಿದ್ದು ಅಲ್ಲಿ
ಪತ್ರ ಕಳೆದುಹೋದರೆ ನಕಲಿ ಪತ್ರ ಒದಗಿಸುವುದು ಬ್ಯಾಂಕ್‌ನ ಜವಾಬ್ದಾರಿಯಾಗಿದೆ. ಕೆಲವು ನಗರಗಳಲ್ಲಿ 
ಆನ್‌ಲೈನ್ ಎಫ್‌ಐಆರ್ ದಾಖಲು ಮಾಡುವ ಅವಕಾಶವಿದೆ. ನೀವು ಪರಿಶೀಲಿಸಬಹುದು ಮತ್ತು ಆನ್‌ಲೈನ್ ದೂರನ್ನು
ದಾಖಲಿಸಬಹುದು. ಕಳೆದುಹೋದ ಆಸ್ತಿಗೆ ಸಂಬಂಧಿಸಿದ ಎಫ್‌ಐಆರ್ ಅನ್ನು ಆಸ್ತಿಯ ಮಾಲೀಕರು ಮಾತ್ರ ದಾಖಲಿಸಬಹುದು.

Advertisement