# Expressway: ಕರ್ನಾಟಕದಲ್ಲಿ ಸಿದ್ಧಗೊಳ್ಳುತ್ತಿರುವ 3 ಹೊಸ ಎಕ್ಸ್‌ಪ್ರೆಸ್‌ವೇಗಳು ಯಾವುವು?

- Link: https://hosakannada.com/news/what-are-the-3-new-expressways-being-built-in-karnataka/
- Published: 2025-10-05T13:13:57+00:00
- Author: ಹೊಸಕನ್ನಡ ನ್ಯೂಸ್

Expressway: ಕೇಂದ್ರ ಸರ್ಕಾರವು ವೇಗವಾಗಿ ಎಕ್ಸ್‌ಪ್ರೆಸ್‌ವೇಗಳನ್ನು (Expressway) ಅಧಿವೃದ್ದಿಪಡಿಸುತ್ತಿದೆ.
ಅಂತೆಯೇ ಕರ್ನಾಟಕದಲ್ಲೂ ಹಲವು ಹೆದ್ದಾರಿಗಳು ನಿರ್ಮಾಣ ಹಂತದಲ್ಲಿವೆ. ಅವುಗಳು ಯಾವುದೆಂದು ಇಲ್ಲಿ 
ತಿಳಿಸಲಾಗಿದೆ.

Sponsored

ಬೆಂಗಳೂರು-ಚೆನ್ನೈ ಎಕ್ಸ್‌ಪ್ರೆಸ್‌ವೇ (Bengaluru-Chennai Expressway):

Advertisement

Advertisement

ಈ ಹೆದ್ದಾರಿಯು ಕರ್ನಾಟಕ, ಆಂಧ್ರ ಪ್ರದೇಶ ಹಾಗೂ ತಮಿಳುನಾಡಿನ ವಿವಿಧ ಜಿಲ್ಲೆಗಳಲ್ಲಿ ಹಾದು ಹೋಗುತ್ತದೆ.
262 ಕಿ.ಮೀ ಉದ್ದವಿದೆ. ಕರ್ನಾಟಕದಲ್ಲಿ 71 ಕಿ.ಮೀ ಹಾದುಹೋಗುತ್ತದೆ. ರಸ್ತೆ ನಿರ್ಮಾಣದ ಕೆಲಸಗಳು 
ಪೂರ್ಣಗೊಂಡಿದ್ದು, ವಾಹನಗಳು ಸಂಚಾರ ಮಾಡುತ್ತಿವೆ. ಆದರೆ, ಆಂಧ್ರ ಹಾಗೂ ತಮಿಳುನಾಡು ರಾಜ್ಯದಲ್ಲಿ 
ಕಾಮಗಾರಿ ಬಾಕಿಯಿದೆ. ಅದು 2026ರ ಮಾರ್ಚ್‌ನೊಳಗೆ ಮುಕ್ತಾಯಗೊಳ್ಳುವ ನಿರೀಕ್ಷೆಯಿದೆ.

ಬೆಂಗಳೂರು-ಚೆನ್ನೈ ಎಕ್ಸ್‌ಪ್ರೆಸ್‌ವೇಯನ್ನು ರೂ.17,000 ಕೋಟಿ ವೆಚ್ಚದಲ್ಲಿ ನಿರ್ಮಿಸಲಾಗುತ್ತಿದೆ.
4 ಪಥಗಳನ್ನು ಒಳಗೊಂಡಿರಲಿದೆ.

ಬೆಂಗಳೂರು-ವಿಜಯವಾಡ ಎಕ್ಸ್‌ಪ್ರೆಸ್‌ವೇ (Bengaluru-Vijayawada Expressway):

ಇದು ರಾಜ್ಯ ರಾಜಧಾನಿ ಬೆಂಗಳೂರು ಹಾಗೂ ಆಂಧ್ರ ಪ್ರದೇಶದ ಕೃಷ್ಣಾ ನದಿ ದಂಡೆಯಲ್ಲಿರುವ ವಿಜಯವಾಡ ನಗರವನ್ನು
ಸಂಪರ್ಕಿಸುತ್ತದೆ. ಬರೋಬ್ಬರಿ 518 ಕಿ.ಮೀ ಉದ್ದವಿದ್ದು, 6 ಪಥಗಳ ರಸ್ತೆ ಇದಾಗಿದೆ. 2027ರಲ್ಲಿ ಪೂರ್ಣಗೊಳ್ಳುವ
ನಿರೀಕ್ಷೆಯಿದೆ. ಈ ಎಕ್ಸ್‌ಪ್ರೆಸ್‌ವೇ ಕರ್ನಾಟಕದ 3 (ಬೆಂಗಳೂರು ನಗರ, ಬೆಂಗಳೂರು ಗ್ರಾಮಾಂತರ ಹಾಗೂ
ಚಿಕ್ಕಬಳ್ಳಾಪುರ) ಹಾಗೂ ಆಂಧ್ರ ಪ್ರದೇಶದ 8 (ಶ್ರೀ ಸತ್ಯಸಾಯಿ, ಕಡಪಾ, ಅನಂತಪುರ, ಪ್ರಕಾಶಂ, ಬಾಪಟ್ಲಾ,
ಗುಂಟೂರು) ಜಿಲ್ಲೆಗಳನ್ನು ಸಂಪರ್ಕಿಸುತ್ತದೆ. ಇಲ್ಲಿ ವಾಹನಗಳು 120 ಕೆಎಂಪಿಹೆಚ್ ವೇಗದಲ್ಲಿ ಸಂಚರಿಸಲು
ಅನುಮತಿ ನೀಡಬಹುದು ಎನ್ನಲಾಗಿದೆ.

ಈ ಹೆದ್ದಾರಿಯನ್ನು ರೂ.19,320 ಕೋಟಿ ವೆಚ್ಚದಲ್ಲಿ ಅಭಿವೃದ್ಧಿಪಡಿಸಲಾಗಿದೆ.

ಬೆಂಗಳೂರು-ಪುಣೆ ಎಕ್ಸ್‌ಪ್ರೆಸ್‌ವೇ (Bengaluru-Pune Expressway):

ಕರ್ನಾಟಕದ 9 (ಬೆಂಗಳೂರು ಗ್ರಾಮಾಂತರ, ತುಮಕೂರು, ಚಿತ್ರದುರ್ಗ, ದಾವಣಗೆರೆ, ವಿಜಯನಗರ, ಕೊಪ್ಪಳ, 
ಗದಗ, ಬಾಗಲಕೋಟೆ, ಬೆಳಗಾವಿ) ಮತ್ತು ಮಹಾರಾಷ್ಟ್ರದ 3 ಜಿಲ್ಲೆಗಳನ್ನು (ಸಾಂಗ್ಲಿ, ಸತಾರ, ಪುಣೆ) ಸಂಪರ್ಕಿಸುತ್ತದೆ.
ನೂತನ ಎಕ್ಸ್‌ಪ್ರೆಸ್‌ವೇ ನಿರ್ಮಾಣಕ್ಕೆ ರೂ.50,000 ಕೋಟಿಗೂ ಅಧಿಕ ವೆಚ್ಚವಾಗಬಹುದು ಹೆಚ್ಚು ಅಂದಾಜಿಸಲಾಗಿದೆ.
ಈ ಹೆದ್ದಾರಿ ಕಾಮಗಾರಿ 2028ರ ಅಂತ್ಯದೊಳಗೆ ಪೂರ್ಣಗೊಳ್ಳಬಹುದು ಎನ್ನಲಾಗಿದೆ.

[ಇದನ್ನೂ ಓದಿ;Rakshith Shetty : ಕೊನೆಗೂ ‘ಕಾಂತಾರ’- 1′ ಬಗ್ಗೆ ಮೌನ ಮುರಿದ ರಕ್ಷಿತ್ ಶೆಟ್ಟಿ- ವೈರಲ್ ಆಯ್ತು ಕಾಮೆಂಟ್ !!](https://hosakannada.com/2025/10/05/rakshit-shetty-finally-breaks-his-silence-about-kantara-1-comment-goes-viral/)

ನೂತನ ಎಕ್ಸ್‌ಪ್ರೆಸ್‌ವೇ ಹಲವು ಫ್ಲೈಓವರ್, ಓವರ್ ಬ್ರಿಡ್ಜ್‌ ಮತ್ತು ಇಂಟರ್‌ಚೇಂಜ್‌ಗಳನ್ನು ಹೊಂದಿರಲಿದೆ.
ಇದು 6 ಪಥಗಳ ಹೆದ್ದಾರಿಯಾಗಿರಲಿದೆ.

Advertisement