# ವೀರಮಂಗಲದಲ್ಲಿ ಕೋಳಿ ಅಂಕಕ್ಕೆ ಪೊಲೀಸ್ ದಾಳಿ | 10 ಕೋಳಿ, ರಿಕ್ಷಾ ವಶಕ್ಕೆ-ಐವರ ಬಂಧನ

- Link: https://hosakannada.com/news/veeramangala-chicken-fight/
- Published: 2021-09-05T07:17:31+00:00
- Author: ಹೊಸಕನ್ನಡ ನ್ಯೂಸ್

ಪುತ್ತೂರು:ಶಾಂತಿಗೋಡು ಗ್ರಾಮದ ವೀರಮಂಗಲದ ಸಾರ್ವಜನಿಕ ಸ್ಥಳದಲ್ಲಿ ಕೋಳಿ 6ರಲ್ಲಿ ಅಂಕ ನಡೆಸುತ್ತಿದ್ದಲ್ಲಿಗೆ
ಪುತ್ತೂರು ನಗರ ಠಾಣಾ ಪೊಲೀಸರು ದಾಳಿ ನಡೆಸಿ 10 ಕೋಳಿಗಳನ್ನು, 1 ಆಟೋ ರಿಕ್ಷಾವನ್ನು ವಶಕ್ಕೆ ಪಡೆದು
ಕೋಳಿ ಅಂಕದಲ್ಲಿ ನಿರತರಾಗಿದ್ದ ಐವರನ್ನು ಬಂಧಿಸಿದ ಘಟನೆ ಸೆ.3ರಂದು ಸಂಜೆ ನಡೆದಿದೆ

Sponsored

ಹಣವನ್ನು ಪಣವಾಗಿಟ್ಟು ಕೋಳಿ ಅಂಕ ಜೂಜಾಟ ನಡೆಸುತ್ತಿರುವ ಕುರಿತು ಬಂದ ಮಾಹಿತಿಯಾಧರಿಸಿ ಪೊಲೀಸರು 
ದಾಳಿ ನಡೆಸಿದ್ದರು.ಈ ಸಂದರ್ಭ ಜೂಜಾಟದಲ್ಲಿ ಭಾಗಿಯಾಗಿದ್ದ ಕುಶಾಲಪ್ಪಗೌಡ, ಪ್ರಶಾಂತ್ ಕುಮಾರ್, ಬಾಬು
ಆಜಿಲ, ಸುರೇಶ್ ರೈ, ಚೆನ್ನಪ್ಪ ಗೌಡ ಅವರನ್ನು ಪೊಲೀಸರು ಬಂಧಿಸಿದ್ದಾರೆ.

Advertisement

Advertisement

ಬಂಧಿತ ಆರೋಪಿಗಳಿಂದ ಜೂಜಾಟಕ್ಕೆ ಬಳಸಿದ್ದ 10 ಕೋಳಿಗಳನ್ನು ಮತ್ತು ಕೃತ್ಯಕ್ಕೆ ಬಳಸಿದ ಒಂದು ಆಟೋ 
ರಿಕ್ಷಾವನ್ನು ವಶಕ್ಕೆ ಪಡೆದುಕೊಂಡಿದ್ದು ವಶಪಡಿಸಿಕೊಂಡ ಸೊತ್ತುಗಳ ಒಟ್ಟು ಮೌಲ್ಯ ರೂ.52,200) ಆಗಿದೆ
ಎಂದು ಪೊಲೀಸರು ತಿಳಿಸಿದ್ದಾರೆ.

ದಕ್ಷಿಣ ಕನ್ನಡ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಋಷಿನೇಶ್ ಭಗವಾನ್ ಸೋನಾವನೆ ಮತ್ತು ಡಿವೈಎಸ್ಪಿ 
ಡಾ.ಗಾನ ಪಿ ಕುಮಾರ್ ಅವರ ನಿರ್ದೇಶನದಂತೆ ಪುತ್ತೂರು ನಗರ ಪೊಲೀಸ್ ಠಾಣೆ ನಿರೀಕ್ಷಕ ಗೋಪಾಲ್ ನಾಯ್ಕ
ಅವರ ಸೂಚನೆಯಂತೆ ಎಸ್.ಐ ಸುತೇಶ್ ಅವರ ನೇತೃತ್ವದಲ್ಲಿ ಹೆಡ್‌ಕಾನ್‌ಸ್ಟೇಬಲ್ ರಕ್ಷಿತ್, ರಾಜೇಶ್, ಬಸವರಾಜ್
ಅವರು ಕಾರ್ಯಾಚರಣೆಯಲ್ಲಿ ಭಾಗವಹಿಸಿದ್ದರು.

**ವಶ ಪಡಿಸಿಕೊಂಡ ಕೋಳಿಗಳ ಏಲಂ: ಕೋಳಿ ಅಂಕದಿಂದ ಮಕ್ಕೆ ಪಡೆದ ಕೋಳಿಗಳನ್ನು ಸೆ.4ರಂದು ಪುತ್ತೂರು 
ನಗರ ಪೊಲೀಸ್ ಠಾಣೆ ಆವರಣದಲ್ಲಿ ಏಲಂ ಮಾಡಲಾಯಿತು.**

Advertisement