# Uttarpradesh: 17ರ ಹುಡುಗಿಗೆ ವಿವಾಹಿತನೊಂದಿಗೆ ಸಂಬಂಧ – ವಿಷ್ಯ ಗೊತ್ತಾಗುತ್ತಿದ್ದಂತೆ ಮಗಳನ್ನು ಕೊಂದೇ ಬಿಟ್ಟ ಅಪ್ಪ-ಅಮ್ಮ

- Link: https://hosakannada.com/news/uttarpradesh-news-17-year-old-girl-parents-killed-their-daughter-after-knowing-her-relationship-with-a-married-man/
- Published: 2024-02-27T14:41:31+00:00
- Author: ಕೆ. ಎಸ್. ರೂಪಾ

Uttar pradesh: ಅಕ್ರಮ ಸಂಬಂಧಗಳ ಕುರಿತು ದಿನಬೆಳಗಾದರೆ ಸಾಕು ಒಂದಲ್ಲ ಒಂದು ವಿಚಾರಗಳು ಕೇಳಿಬರುತ್ತವೆ.
ಅಂತೆಯೇ ಇದೀಗ 17ರ ಹುಡುಗಿಯೊಬ್ಬಳು ವಿವಾಹಿತನೊಂದಿಗೆ ಸಂಬಂಧ ಇಟ್ಟುಕೊಂಡಿದ್ದು, ವಿಚಾರ ಗೊತ್ತಾದ
ಆಕೆಯನ್ನು ಪೋಷಕರು ಕೊಂದ ಪ್ರಕರಣ ಉತ್ತರಪ್ರದೇಶ(Uttar pradesh) ಬೆಳಕಿಗೆ ಬಂದಿದೆ.

Sponsored

**ಇದನ್ನೂ ಓದಿ: Umesh Reddy[: ನಟೋರಿಯಸ್‌ ಕ್ರಿಮಿನಲ್‌, ಅತ್ಯಾಚಾರ ಆರೋಪಿ ಉಮೇಶ್‌ ರೆಡ್ಡಿಯಿಂದ ಪೆರೋಲ್‌ಗೆ ಅಪೀಲ್‌; ನಿರಾಕರಣೆ ಮಾಡಿದ ಹೈಕೋರ್ಟ್‌](https://hosakannada.com/2024/02/27/high-court-rejects-parole-appeal-of-notorious-criminal-and-rape-accused-umesh-reddy/)**

Advertisement

Advertisement

ಹೌದು, ಕಳೆದ ವಾರ ಅಪ್ರಾಪ್ತೆಯೊಬ್ಬಳು ಅನುಮಾನಾಸ್ಪದವಾಗಿ ಸಾವನ್ನಪ್ಪಿದ್ದಳು. ಈ ಬಗ್ಗೆ ಪ್ರಕರಣ 
ದಾಖಲಿಸಿಕೊಂಡ ಪೊಲೀಸರು ವಿಚಾರಣೆ ನಡೆಸಿದಾಗ ಬಾಲಕಿಯು ವಿವಾಹಿತನೊಂದಿಗೆ ಸಂಬಂಧ ಹೊಂದಿದ್ದು, ಈ ವಿಚಾರ
ಗೊತ್ತಾದ ಪೋಷಕರೇ ಮರ್ಯಾದೆಗೆ ಅಂಜಿ ಮಗಳ ಹತ್ಯೆ ಮಾಡಿರುವುದು ಬಯಲಾಗಿದೆ.

17 ವರ್ಷದ ಶಬಾನಾ ಹತ್ಯೆಯಾದ ಅಪ್ರಾಪ್ತೆ ಎಂಬುದು ತಿಳಿದುಬಂದಿದೆ. ಈ ಪ್ರಕರಣವನ್ನು ಯಾರಿಗೂ ಗೊತ್ತಾಗದಂತೆ
ಮುಚ್ಚಿ ಹಾಕಲು ಪೋಷಕರು ಹತ್ಯೆಯ ನಂತರ ಶಬಾನಾ ಶವವನ್ನು ಉತ್ತರಪ್ರದೇಶದ ರಾಮ್‌ಪುರ ಜಿಲ್ಲೆಯಲ್ಲಿ 
ಹೂತು ಹಾಕಲು ಮುಂದಾಗಿದ್ದಾರೆ. ಆದರೆ ಸ್ಥಳೀಯ ಪೊಲೀಸ್ ಮಾಹಿತಿದಾರರೊಬ್ಬರು ಈ ಬಗ್ಗೆ ಪೊಲೀಸರಿಗೆ 
ಕರೆ ಮಾಡಿ ತಿಳಿಸಿದ್ದಾರೆ.

ಅಂದಹಾಗೆ ಈ ಶಬಾನಾ ತನ್ನ ಮನೆ ಸಮೀಪದಲ್ಲೇ ವಾಸವಿದ್ದ ವಿವಾಹಿತ ವ್ಯಕ್ತಿಯನ್ನು ಹಲವು ವರ್ಷಗಳಿಂದ 
ಪ್ರೀತಿಸುತ್ತಿದ್ದಳು. ಆದರೆ ಇದಕ್ಕೆ ಪೋಷಕರ ಸಮ್ಮತಿ ಇರಲಿಲ್ಲ, ಈ ಹಿನ್ನೆಲೆಯಲ್ಲಿ ಪೋಷಕರೇ ಆಕೆಯ
ಕತ್ತು ಹಿಸುಕಿ ಕೊಲೆ ಮಾಡಿದ್ದಾರೆ. ಪ್ರಕರಣಕ್ಕೆ ಸಂಬಂಧಿಸಿದಂತೆ ಪೊಲೀಸರು ಈಗ ಶಬಾನಾ ತಂದೆ 50 ವರ್ಷದ
ಮೊಹಮ್ಮದ್ ಶಫಿ, ಹಾಗೂ ತಾಯಿ 45 ವರ್ಷದ ಕಾಟೂನ್ ಜಹಾನ್ ಎಂಬುವವರನ್ನು ಬಂಧಿಸಿದ್ದಾರೆ.

Advertisement
