# ಮಕ್ಕಳಾಗಿಲ್ಲ ಎಂದು ಚೆಕ್ ಮಾಡಿಸಲು ಹೋದ ಯುವಕನ ಹೊಟ್ಟೆಯಲ್ಲಿ ಗರ್ಭಕೋಶ ಪತ್ತೆ!!

- Link: https://hosakannada.com/news/uterus-found-in-the-abdomen-of-a-young-man-who-went-for-a-check-up-due-to-infertility/
- Published: 2026-09-11T15:24:35+00:00
- Author: ಹೊಸಕನ್ನಡ ನ್ಯೂಸ್

ಇನ್ನೂ ಮಕ್ಕಳಾಗಲಿಲ್ಲವೆಂದು ಟೆಸ್ಟ್ ಮಾಡಿಸಲು ಹೋದ 26 ವರ್ಷದ ಯುವಕನ ಹೊಟ್ಟೆಯೊಳಗೆ ಸಂಪೂರ್ಣವಾಗಿ
ಬೆಳೆದ ಹಾಗೂ ಆರೋಗ್ಯಕರವಾಗಿರುವ ಗರ್ಭಕೋಶ ಪತ್ತೆಯಾಗಿರುವ ಅಘಾತಕಾರಿ ಘಟನೆ ಎಂದು ಬೆಳಕಿಗೆ ಬಂದಿದೆ

Sponsored

ಹೌದು, ದೆಹಲಿಯ ಆಸ್ಪತ್ರೆಯೊಂದರಲ್ಲಿ ಈ ಅಚ್ಚರಿಯ ಕಾಯಿಲೆ ಬೆಳಕಿಗೆ ಬಂದಿದೆ. 26 ವರ್ಷದ ರಾಜೇಶ್ 
ಎಂಬ ಯುವಕ ನೋಡಲು ಸಾಮಾನ್ಯ ಪುರುಷರಂತ ದೈಹಿಕ ಲಕ್ಷಣಗಳು ಹೊಂದಿದ್ದು, ಯಾವುದೇ ರೀತಿಯ ರೋಗದ ಲಕ್ಷಣಗಳು
ಕಂಡುಬಂದಿರಲಿಲ್ಲ. ಆದರೆ ತನಗೆ ಮಕ್ಕಳಾಗಿಲ್ಲವೆಂದು ಆಸ್ಪತ್ರೆಗೆ ಹೋಗಿ ಅಲ್ಟ್ರಾಸೌಂಡ್ ಮತ್ತು MRI
ಸ್ಕ್ಯಾನ್ ನಡೆಸಿದಾಗ ದೇಹದಲ್ಲಿ ಸಂಪೂರ್ಣವಾಗಿ ಬೆಳೆದ ಗರ್ಭಕೋಶ ಇರುವುದು ಪತ್ತೆಯಾಗಿದೆ. ಜೊತೆಗೆ,
ಎರಡೂ ವೃಷಣಗಳು ದೇಹದ ಒಳಭಾಗದಲ್ಲೇ ಇದ್ದು, ಅವು ಹೆಣ್ಣಿನ ಅಂಡಾಶಯಗಳಂತೆ ಕಾಣುತ್ತಿದ್ದವು ಎಂದು ವೈದ್ಯರು
ತಿಳಿಸಿದ್ದಾರೆ.

Advertisement

Advertisement

ಪುರುಷ ಸಂತಾನೋತ್ಪತ್ತಿ ಆರೋಗ್ಯ ತಜ್ಞರ ಪ್ರಕಾರ, ಇದು `ಪರ್ಸಿಸ್ಟೆಂಟ್ ಮುಲ್ಲೇರಿಯನ್ ಡಕ್ಟ್ ಸಿಂಡ್ರೋಮ್’(
Persistent Mllerian Duct Syndrome) ಎಂಬ ಅಪರೂಪದ ಸ್ಥಿತಿಯಿಂದ ಉಂಟಾಗುತ್ತದೆ. ಸಾಮಾನ್ಯ ಪುರುಷ
ಬಾಹ್ಯ ಜನನಾಂಗಗಳನ್ನು ಹೊಂದಿದ್ದರೂ ಪುರುಷನ ದೇಹದೊಳಗೆ ಗರ್ಭಕೋಶ ಇರುವುದೇ ಈ ಸಿಂಡ್ರೋಮ್. ಇದು ಲೈಂಗಿಕ
ಬೆಳವಣಿಗೆಯ ಒಂದು ಅಪರೂಪದ ಅಸ್ವಸ್ಥತೆಯಾಗಿದ್ದು, ಪುರುಷ ಕ್ರೋಮೋಸೋಮ್ ಮತ್ತು ಬಾಹ್ಯ ಪುರುಷ ಜನನಾಂಗಗಳನ್ನು
ಹೊಂದಿರುವ ವ್ಯಕ್ತಿಯಲ್ಲಿ ಗರ್ಭಕೋಶ ಮತ್ತು ಕೆಲವೊಮ್ಮೆ ಫಾಲೋಪಿಯನ್ ಟ್ಯೂಬ್‌ಗಳಂತಹ ರಚನೆಗಳು ಉಳಿದುಕೊಳ್ಳುತ್ತವೆ.

**ಇದಕ್ಕೆ ಕಾರಣವೇನು?**

ವೃಷಣಗಳು ದೇಹದ ಒಳಭಾಗದಲ್ಲಿಯೇ ಉಳಿದುಕೊಂಡಾಗ ಅದು ಸಂತಾನೋತ್ಪತ್ತಿಯ ಮೇಲೆ ಪ್ರಮುಖ ಪರಿಣಾಮ ಬೀರುತ್ತದೆ.
ವೀರ್ಯಾಣು ಉತ್ಪತ್ತಿಯಾಗಲು ದೇಹದ ಸಾಮಾನ್ಯ ತಾಪಮಾನಕ್ಕಿಂತ ಕಡಿಮೆ ತಾಪಮಾನ ಬೇಕಾಗುತ್ತದೆ. ವೃಷಣಗಳು
ಹೊಟ್ಟೆಯೊಳಗೆ ಉಳಿದುಹೋದಾಗ, ದೇಹದ ಶಾಖದಿಂದಾಗಿ ವೀರ್ಯಾಣು ಉತ್ಪಾದನೆ ಕುಂಠಿತಗೊಳ್ಳುತ್ತದೆ ಅಥವಾ
ನಿಂತುಹೋಗುತ್ತದೆ. ವೃಷಣಗಳು ಇರಬೇಕಾದ ಜಾಗದಲ್ಲಿ ಇರದೆ ಹೊಟ್ಟೆಯಲ್ಲಿ ಇದ್ದರೆ ಅವುಗಳ ಬೆಳವಣಿಗೆ 
ಸರಿಯಾಗಿ ಆಗುವುದಿಲ್ಲ. ವೀರ್ಯ ಹೊರಬರುವ ದಾರಿಯಲ್ಲಿ ಅಡಚಣೆ ಇರಬಹುದು ಅಥವಾ ವೀರ್ಯಾಣು ಉತ್ಪತ್ತಿಗೆ
ಬೇಕಾದ ಹಾರ್ಮೋನ್‌ಗಳಲ್ಲಿ ಏರುಪೇರಾಗಬಹುದು.

ಒಂದು ವೇಳೆ ವೃಷಣಗಳು ಸರಿಯಾದ ಗಾತ್ರದಲ್ಲಿದ್ದು, ವೀರ್ಯಾಣುಗಳು ಉತ್ಪತ್ತಿಯಾಗುತ್ತಿದ್ದರೆ ನೈಸರ್ಗಿಕವಾಗಿಯೇ
ಮಗು ಪಡೆಯಲು ಸಾಧ್ಯವಿದೆ. ಒಂದು ವೇಳೆ ವೀರ್ಯಾಣುಗಳ ಕೊರತೆ ಇದ್ದರೆ, ವೈದ್ಯರು ನೇರವಾಗಿ ವೃಷಣದಿಂದಲೇ
ವೀರ್ಯಾಣುಗಳನ್ನು ಹೊರತೆಗೆದು IVF ಅಥವಾ ICSI ತಂತ್ರಜ್ಞಾನದ ಮೂಲಕ ಮಕ್ಕಳಾಗುವಂತೆ ಚಿಕಿತ್ಸೆ ನೀಡಬಹುದು

ಗರ್ಭದಲ್ಲಿ ಗಂಡು ಭ್ರೂಣ ಬೆಳೆಯುವಾಗ, ಅದರ ವೃಷಣಗಳು `AMH’ (ಆಂಟಿ ಮುಲ್ಲೇರಿಯನ್ ಹಾರ್ಮೋನ್) ಎಂಬ
ಹಾರ್ಮೋನ್ ಅನ್ನು ಬಿಡುಗಡೆ ಮಾಡುತ್ತವೆ. ಈ ಹಾರ್ಮೋನ್‌ನ ಕೆಲಸವೇ ಹೆಣ್ಣಿನ ಅಂಗಗಳನ್ನು ಕರಗಿಸಿ ಇಲ್ಲದಂತೆ
ಮಾಡುವುದು. ಆದರೆ ಮಗುವಿನ ದೇಹದಲ್ಲಿ ಈ `AHM’ ಹಾರ್ಮೋನ್ ಸರಿಯಾದ ಪ್ರಮಾಣದಲ್ಲಿ ಉತ್ಪತ್ತಿಯಾಗಿರುವುದಿಲ್ಲ
ಅಥವಾ ದೇಹವು ಆ ಹಾರ್ಮೋನ್‌ಗೆ ಸರಿಯಾಗಿ ಸ್ಪಂದಿಸುವುದಿಲ್ಲ. ಈ ಸಮಯದಲ್ಲಿ ಕರಗಿ ಹೋಗಬೇಕಿದ್ದ ಹೆಣ್ಣಿನ
ಅಂಗಗಳು ಕರಗದೇ ಹೊಟ್ಟೆಯಲ್ಲೇ ಗರ್ಭಕೋಶವಾಗಿ ಬೆಳೆದು ಉಳಿದುಬಿಡುತ್ತವೆ.

ಸದ್ಯ ಲ್ಯಾಪರೊಸ್ಕೋಪಿಕ್ ಶಸ್ತ್ರಚಿಕಿತ್ಸೆಯ ಮೂಲಕ ರೋಗಿಯ ದೇಹದಲ್ಲಿದ್ದ ಗರ್ಭಕೋಶ ಮತ್ತು ಎರಡೂ ವೃಷಣಗಳನ್ನು
ತೆಗೆದುಹಾಕಲಾಗಿದೆ. ಭವಿಷ್ಯದಲ್ಲಿ ಕ್ಯಾನ್ಸರ್ ಬರುವ ಸಾಧ್ಯತೆ ಇರುವುದರಿಂದ ಅವುಗಳನ್ನು ತೆಗೆಯುವುದು
ಅನಿವಾರ್ಯವಾಗಿತ್ತು. ತೆಗೆದ ಅಂಗಾಂಶಗಳನ್ನು ಬಯಾಪ್ಸಿಗೆ ಕಳುಹಿಸಲಾಗಿದ್ದು, ಅದರಲ್ಲಿ ಅತ್ಯಂತ ಕನಿಷ್ಠ
ಮಟ್ಟದ ಕ್ಯಾನ್ಸರ್ ಲಕ್ಷಣಗಳು ಕಂಡುಬಂದಿವೆ. 

ವೈದ್ಯಕೀಯ ಇತಿಹಾಸದಲ್ಲಿ ಈವರೆಗೆ ಕೆಲವೇ ಅಂದರೆ 100 PMDS ಪ್ರಕರಣಗಳು ದಾಖಲಾಗಿವೆ. ಪುರುಷನಾಗಿ 
ಬೆಳೆದ ವ್ಯಕ್ತಿಯಲ್ಲಿ ಗರ್ಭಕೋಶ ಕಂಡುಬರುವುದನ್ನು ಕೇವಲ ವಿಚಿತ್ರ ಘಟನೆಯಾಗಿ ನೋಡಬಾರದು. ಇಂತಹ ಸಂದರ್ಭಗಳಲ್ಲಿ
ಆಂಡ್ರಾಲಜಿ, ಸಂತಾನೋತ್ಪತ್ತಿ ಎಂಡೋಕ್ರೈನಾಲಜಿ ಮತ್ತು ಜೆನೆಟಿಕ್ಸ್ ತಜ್ಞರಿಂದ ಕೂಲಂಕಷ ತಪಾಸಣೆ ಅಗತ್ಯವಿದೆ.

**PMDS ಎಂದರೇನು?**

ತಾಯಿಯ ಗರ್ಭದಲ್ಲಿರುವಾಗ ಮಗುವಿನ ದೇಹದಲ್ಲಿ ಆರಂಭದಲ್ಲಿ ಎರಡು ರೀತಿಯ ನಾಳಗಳು ಇರುತ್ತವೆ. ಹೆಣ್ಣುಮಕ್ಕಳಲ್ಲಿ
Müllerian ducts ಮುಂದಕ್ಕೆ ಗರ್ಭಾಶಯ ಮತ್ತು ಫ್ಯಾಲೋಪಿಯನ್ ಟ್ಯೂಬ್‌ಗಳನ್ನು ರೂಪಿಸುತ್ತವೆ. ಗಂಡುಮಕ್ಕಳಲ್ಲಿ
Wolffian duct ಪುರುಷರ ಪ್ರಜನನ ಅಂಗ ಬೆಳೆಯಲು ಸಹಾಯ ಮಾಡುತ್ತದೆ. ಆದರೆ AMH ಎಂಬ ಹಾರ್ಮೋನ್ ಈ 
ನಾಳಗಳು ಬೆಳೆಯದಂತೆ ತಡೆಯುತ್ತದೆ. ಆದರೆ PMDS ಇರುವ ಕೆಲವು ಪುರುಷರಲ್ಲಿ AMH ಹಾರ್ಮೋನ್ ಅಥವಾ ಅದರ
ಕಾರ್ಯವಿಧಾನ ಸರಿಯಾಗಿ ಕೆಲಸ ಮಾಡುವುದಿಲ್ಲ. ಇದರಿಂದ ಗರ್ಭಾಶಯ ಮತ್ತು ಟ್ಯೂಬ್‌ಗಳಂತಹ ರಚನೆಗಳು ದೇಹದೊಳಗೆ
ಉಳಿದುಕೊಳ್ಳಬಹುದು. ಹೊರಗಿನಿಂದ ವ್ಯಕ್ತಿ ಸಾಮಾನ್ಯ ಪುರುಷನಂತೆಯೇ ಕಾಣುತ್ತಾನೆ.

Advertisement